|
رد: ارجو المساعدة العاجله فى ما يخص شيفرولية اوبترا 2009
شكرا لك استاذ sam ram متاسف على الاسئله الكتير كنت عايز اوضح لحضرتك انا شفت النيسان وشفت اوبترا لكن 2008 على الطبيعة و ارجو حضرتك تفدنى لان الناس حيرونى بكلا مهم ياريت اعرف راى حضرتك الافضل اوبترا ام نيسان ( موديل 2009 ) من حيث الاداء وجزاك الله خيرا |
رد: ارجو المساعدة العاجله فى ما يخص شيفرولية اوبترا 2009
العفو يا فندم .. احنا كلنا تحت امرك في اي استفسار ..
الاوبترا هي هي شكلها متغيرش في مصر من ساعه ما نزلت الصني هي اللي نزل ليها فيس ليفت جديد و اضافو ليها في مواصفات الامان و الاوبشنز .. الصني مشكلتها ان صالونها اصغر من الاوبترا .. فلو حضرتك معاك اولاد كبار او ناس كبيره بتركب العربيه ممكن صالون الصني يضايقهم ... بعكس صالون الاوبترا اللي اكبر ومريح في قعدته عن الصني ... ودي طالما حضرتك شفتهم حتلاحظها لو جربت تركب ورا و الكراسي راجعه للاخر انا ركبت الاتنين لكن سقت الصني .. مسوقتش الابترا و بالتالي مقدرش اقارن بينهم في الاداء لكن على حد علمي فالاوبترا موتورها 107 حصان تقريبا .. الصني موتورها 118 حصان توين كام .. وممكن يكون استهلاكها للبنزين اكتر ... لكن ادائها كان مقبول جدا خصوصا انها كانت اوتو مش مانيوال وحضرتك برضو شوف رأي الزملا |
رد: ارجو المساعدة العاجله فى ما يخص شيفرولية اوبترا 2009
الاوبترا بها عيوب هي نازلة بها السوق بالنسبة للاسواق المصرية وهي المساعدين فه تضرب زيت وانت وحظك تضرب بعد 30000كم الي 70000كم وغالبا الساعدين الخلفية تضرب الاول والعيب الازلي في النوبيرا وانتقل ايضا الي الاوبترا وهو جوان غطاء التكيهات لان جوان غطاء التكيهات واحد سواء بين الاوبترا والنوبيرا ومن الممكن ايضا الرشاشات وهذا كلام علي مسؤليتي الشخصية لانني اعمل بصيانة السيارات الدايو ملحوظة يتعامل معنا عميل اشترى الاوبترا وكانت من اول الدفعات التى نزلت السوق المصري هذه السيارة قامت بعمل تقريبا 150000كم ولم تقم الابعمل الصيانة الدورية فقط وهذا يدل علي اهمال الجودة في تجميع السيارة بمصر اللهم بلغت اللهم فاشهد
|
رد: ارجو المساعدة العاجله فى ما يخص شيفرولية اوبترا 2009
يعنى انا عندى سؤال اشتريها ولا لا ؟ وهل هى عليا عن الارض ملحوظه السياره سيكون بها دائما 4 ركاب وارجو الرد سريعا قبل ما دبس فى الشراء وشكررررررررا
|
| الساعة الآن 03:57 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017