| kareem.elbehiry |
01-12-2013 01:20 AM |
رد: أرجو المساعده بخصوص فتيس سيات 133
اقتباس:
المشاركة الأصلية كتبت بواسطة adham.com
(المشاركة 932569)
بص يا باشا
معلش هرغي شوية و يا ريت تستحملني
لو هنفترض إن الفتيس فيه مشكلة بغض النظر عن إيه نوع المشكلة
بتروح للميكانيكي و بيحل الفتيس
و تاخد الفتيس توديه لبتاع فتيسات
بتاع الفتيسات بيقولك انا مصنعيتي قبل ما أشتغل كذا
بخلاف أي قطع بايظة ... الزبون يتكفل بيها (سواء غوايش أو برميل أو ترس معين أو جوانات أو خراطة أو سيليكون)
و بتاخد الفتيس و تروح للميكانيكي يركبهولك تاني و تحط زيت جديد و تدور و تتكل علي الله
المصنعيات
100 جنيه للميكانيكي تنزيل الفتيس و تركيبه مرة أخري
80 جنيه مصنعية بتاع الفتيسات فك و تركيب (لو فتيس 6 غيار بيكون المصنعية أعلي .. 120 تقريبا )
20 جنيه طقم جوانات و أنبوبة سيليكون
50 أو 100 الزيت حسب النوع إللي هتشتريه طبعا
تعالي بقي علي قطع الغيار
بتاع الفتيسات المفروض أنك من غير ما تقوله علي المشاكل إللي عندك في الفتيس ... هو الباشا بمجرد ما يفك الفتيس حتة حتة بيقولك هو فيه إيه .. بدون ما تقوله ... و هنا بقي انت بتحس إنه راجل فاهم و لا راجل (لامؤاخذة ..... )
و ساعتها بيقولك إن القطعة الفلانية ثمنها كذا ... لو هو ما قالكش ثمنها يبقي برده ... راجل لامؤاخذة
و هنا بقي بتقدر تحدد إنت عايز تصلح الفتيس (في حالة لو التكاليف قليلة أو بسيطة مثلا)
و لو التكلفة دخلت في أكثر من 60% من ثمن الفتيس إستيراد
يبقي خسارة فيه التصليح
تجيب واحد إستيراد و تريح نفسك
-------------
نقطة مهمة إزاااااااااااااي الفتيس بتاع السيات ثمنه 1300 جنيه
أكيد في حاجة غلط في السعر
أومال العربية كلها بكام
دة الفتيس بتاع ال127 الستة غيار عامل 900 جنيه إستيراد
بخصوص بقي تركيب فتيس 127 عندك دي الله أعلم إيه نظامها
علي العموم لو الأمر وصل ل إنك تغير الفتيس .. يبقي هات فتيس 4 غيار عادي و سعره 500 جنيه في الوكالة أو عند اي حد بتاع إستيراد
و برده إللي يساعدك في حل مشكلة زي دي و يقدر يفيك أكثر هو المخترع العبقري (الأسطي حمدي مخترع المانيوال بدون دبرياج ) و مكان نزلة المعتمدية عالدائري قرب ميدان لبنان
و آدي رقمه 01065229805
و لو حابب تتفرج علي فيديو ممكن يفيدك شوية عن منظومة الفتيس و مكوناتها
دة فيديو أنا عامله ... أتمني إنه يفيدك
http://www.masrmotors.com/vb/showthread.php?t=119684
انا عامل مشاركتين .. كل مشاركة فيها فيديو
|
أول حاجه أنا آسف أني ما كنتش بدخل الفتره اللي فاتت وما شفتش الرد الرائع ده وربنا يكرمك على الشرح الوافي ده أنا سألت على موضوع فتيس الـ127 وللأسف ما ينفعش علشان الموتور ورا وسألت الأسطى حمدي على فتيس فولكس فاجن بيتل علشان كنت قريت قبل كده رد ليه بيقول يركب على السيات بس طلع على موتور 131 متسقط في سيات مش موتور 127 والفتيس في السيات أغلى حاجه أنا سألت عليه عامل 1100 إستيراد فقررت أشتريه وأمري لله وأسقطه وأفك القديم أحله وأحاول أصلحه أنا أصلي من ساعة ما شفت الفيديو التاني بتاع تجميع موتور وفتيس 127 من يومين على الجروب وأنا عايز أنزل أفكك العربيه كلها وأجمعها :) ربنا يكرمك ويعزك أنا الفيديوهات بتاعتك لازم أتفرج عليها كل يوم بتفرق معايا قوي وكل يوم بأتعلم حاجه جديده فأستمر فيها ومتقطعهاش . |
