رد: عرض التقسيط الاسلامي من كونتاكت كارز
 

تراكمى , ربا بدون ادنى جدال
النظام المالى الحالى نظام وضعى اليهود هم من ارسو قواعده
و المواطن بيفرح بيه فى الاول لكنه كارثى لانه بيدمر الاقتصاد سواء الشخصى او القومى على المدى
لذا فان انهيار الاقتصاد الامريكى واقع لا محال هو يترنح منذ العشرينات و وصل الان لنقطة انهياره فى خلال سنوات قليله قادمه , حضرتك جزء من مجتمع اشترى جديد (مبالغ فى سعره ) او اشترى مستعمل كاش
اسف لطول ردى و لكنها الحقيقه

رد: عرض التقسيط الاسلامي من كونتاكت كارز
 

السلام عليكم وجزاك الله كل خير على الافادة بس ايه الفتاوى او الدليل من القرآن والسنة انه ربا لاني كل الفتاوى اللى شفتها كان بيحللو الزيادة في حالة التقسيط

http://www.al-afak.com/showthread.php?t=443

من : http://ar.islamway.net/fatwa/41677

من: http://fatwa.islamweb.net/Fatwa/inde...waId&Id=110285

بصرف النظر عن اليهود او النظام الامريكي فالشراء بالتقسيط على الشريعة الاسلامية ملهاش علاقة بكل الكلام ده عشان كدة احنا بنحاول نبعد عن الحرام واى نسبة شك فيه بنبعد عنه بإذن الله عشان ربنا يبارك لى في العربية
وطبعا اكيد لو معانا ثمن العربية كاش او حتى مستعمل مكناش لجأنا للتقسيط
يا مسهل الاحوال يارب

رد: عرض التقسيط الاسلامي من كونتاكت كارز
 

يا سيدتى الفاضله حضرتك انتى اللى كتبتى الاقتباس ده
الثمن المعلوم بقى مينفعش ان انتى توافقى عليه فى الاساس لو كان بنظام ربوى
و هو اكيد بنظام ربوى لان لو العربيه كاش ب 100 الف اللى هيقسطلك بيقولك هتدينى فايده سنويه 8% مثلا , 5 سنين ضرب 8% = 40% يعنى العربيه واقفه عليكى ب 140 الف جنيه
ده اسمه ربا و جبت لسعدتك ايات قرآنيه
{يأيها الذين آمنوا لا تأكلوا الربا أضعافاً مضاعفة ..} الآية (130ـ آل عمران)
كون ان حضرتك بتوافقى فده حرام , المجتمع كله بيوافق على فكره و لما اقول كله اقصد السواد الاعظم
اعتقد ان 75% من موظفين الحكومه عاملين قروض
حضرتك اللى حاطط فى البنك فلوس و عايش من ريعهم و فايدتهم ده حرام
النقطه اللى هنتفق عليها كلانا ان المجتمع فاسد و السواد الاعظم معدش بيهمه حلال ولا حرام او بيحاول يقنع نفسه بحاجات حرام انها حلال
بالظبط مثلا زى البنت اللى مغطيه راسها بالطرحه و لابسه جينز هيتفترك على جسمها و مفاتنها و بعدين تسأل على حلال و حرام فى جوانب اخرى من الحياه , او اللى بيتعين بالواسطه او الرشاوى فى مكان عمل بيدى فلوس كتير و بعدين اول حاجه يعملها انه يروح يحج شكرا لله و الامثله كتيره فى جوانب كتير من المجتمع الجميل بتاعنا , و النظام المالى الموجود فى مصر هو ده المتاح
ترفضى او تقبلى ده شىء يرجعلك و لكنه يظل هو الوحيد المتاح و الناس رغم قرفها فى عيشتها الا انها لا تثور عليه و مش بتكلم من منطلق شرعى لا بل اجتماعى خلاص هما حرين و يبقى الوضع على ما هو عليه

رد: عرض التقسيط الاسلامي من كونتاكت كارز
 

و هو اكيد بنظام ربوى لان لو العربيه كاش ب 100 الف اللى هيقسطلك بيقولك هتدينى فايده سنويه 8% مثلا , 5 سنين ضرب 8% = 40% يعنى العربيه واقفه عليكى ب 140 الف جنيه




يا اخ افهم الاول نظام الفايدة الفايدة دى على المبلغ الاساسى مش على الرباح يعنى كل سنة بتقل انت عليك 100 الف دفعت فى السنة منهم 10 فاضل 90 الفايدة 8% بتنزل على 90 مش المبلغ كله اللى انت بتتكلم عليه دا اسمه فايدة مركبة غلط طبعا مفيش حد بيعمل كدا غير التقسيط الشخصى البنك مش بيعمل كدا البنك بينزل فايدة سنوية