مصر موتورز مجتمع السيارات - مشكله عوييييييصه فى تكييف الافيو

مصر موتورز مجتمع السيارات (https://www.masrmotors.com/vb/index.php)

- تكييف السيارة (https://www.masrmotors.com/vb/forumdisplay.php?f=150)

- - مشكله عوييييييصه فى تكييف الافيو (https://www.masrmotors.com/vb/showthread.php?t=117621)

رد: مشكله عوييييييصه فى تكييف الافيو

انا اسقه اتأخرت كنت مسافره
الراجل اللى قلت عليه اسمه المراكبى فى جسر السويس
و التانى اسمه العفريت (محل صغير) فى مدينة نصر ورا رابعه
انا ساكنه فى مدينة نصر , عاوزه اى حد فى مدينة نصر او مصر الجديده
انا شاكه انها تكون فيوزاات

رد: مشكله عوييييييصه فى تكييف الافيو

اقتباس:

المشاركة الأصلية كتبت بواسطة ramy safwt (المشاركة 910948)

انتى ضحية نصب
البيه ممكن ميكونش حقن الفريون المناسب للعربية و الجزء اللى بيتشحن منه الفريون للعربية بيكون صمامه ضارب المفروض قبل ما يلعب فى السربنتينة كان يفحص المواسير و التوصيلات

معلش ايه وضع سينسور التكييف و ايه حالة الكونترول بانل بتاعة التكييف هل المقبض بتاع السخن و البارد سليم و هل كشف عليه

الراجل اللى غير الكباس ادالك الكباس القديم ولا اخده ليه ؟؟

صعب تحديد المشكلة دية بمجرد الوصف يا ريت تروحى لمركز تكييف متخصص

شكرا ليك , بس انا مش فاهمه اى حاجه فى اللى بتقولها ؟؟؟!! ايه سنسور التكييف و ايه حالة الكونتروول ؟؟؟ و ايه المقبض ؟؟؟؟ انا اسفه قوى , فهمنى كده واحده واحده .
انا شاكه انها تكون فيوزاات
و انا ساكنه فى مدينة نصر قولى على مكان كويس , ممكن مدينة نصر او مصر الجديده
شكرا

رد: مشكله عوييييييصه فى تكييف الافيو

اللى اثق فيه عرفته من المنتدى من خلال مشرف زميل
و و الله جت له من اسكندرية و طلع يستاهل
هو فى المعادى

رد: مشكله عوييييييصه فى تكييف الافيو

اقتباس:

المشاركة الأصلية كتبت بواسطة احمد على 1999 (المشاركة 913545)

اللى اثق فيه عرفته من المنتدى من خلال مشرف زميل
و و الله جت له من اسكندرية و طلع يستاهل
هو فى المعادى

نوووووووو
بعيد عليا
شكرا ليك

رد: مشكله عوييييييصه فى تكييف الافيو

اقتباس:

المشاركة الأصلية كتبت بواسطة marawy (المشاركة 913530)

فى سينسور صغير هتلاقى تحت التابلوه من ناحية اليمين بيقيس درجة الحرارة لو عطل المروحة بتاعة التكييف تدور لكن التكييف ميشغلش التبريد

الكونترول اللى بيكون راكب تحت كاست العربية على طول و بيتحكم فى التكييف سخن و بارد يخرج التكهوية من انه وضعية سرعة دوران المروحة دية قطعة كاملة لما تطلعيها هتلاقيها حاجه كبيرة و فيها لوحة الكترونية ممكن يكون فيها حاجه باظت

المقبض ده اللى بيعلى السخن والساقع و ممكن مع الاستخدام يفوت

الصمام ده فى الانابيب من قدام اللى بيتعبى منه الفريون ممكن يكون تلف فبعد ما ملاء سرب تانى و اضعف دورة التبريد

لو كتبتى فى اليلو بيدج مركز صيانة تكييف سيارات هتلاقى مراكز كتيرة جدا

انا فى مدينة العبور فى واحد بتاع تكييف فى الحي الاول اتعرفت عليه و جربته فى عربيتى بعد ما دوختنى السبع دوخات ده غير انه هيكون جارى لأنى انا و مجموعة مهندسين ميكانيكا اصدقائى هنفتح مركز بريفورمنس لتعديل المواتير و الترانسميشن و الجو بتاع المونستر جراج ده لكن معندناش متخصص تكييف و اتفقنا نتعامل معاه

لو حبيتى يكشف على العربية بدون ما يصلح فيها حاجه و يقولك التكلفة كام بالظبط و يثبتلك ان القطعة دية بايظة او سليمة ممكن اروح معاكى لحد عنده انا بكون فاضى بعد 5 مساء و يوم الجمعة فاضى بعد الصلاة - الكوبرى الجديد خلى الطريق من مدينة نصر للعبور 10 دقائق انا مش هقدر اجيلك بالعربية اعرفك الطريق لأن العربية لسه بتتصلح العفشة بتاعتها بعد الحادث