المشاركة الأصلية كتبت بواسطة togo (المشاركة 909040)

متشكر جدا لحضرتك علي ردك
بس حضرتك قفلتني خالص :)
معلش انا اسف

ده كل الناس بتشكر فيها

كل الناس زى مين انا بقول لحضرتك ان 4 اسر بس اللى ساكنين فيها

بس انا عايز اقول لحضرتك حاجه في شركات شغاله هناك كتير قوي زي املاك وبريدج و رواد و اركان و كل الشركات انا كلمتهم قالولي ان التسليم في نص 2015 معنا كده ان العمارات دي كلها هتبقي ساكنه و الناس دي لازم تحتاج مول وكده فبيتهيالي لازم يتعملوا ساعتها

الله اعلم بكلام الشركات بس معتقدش ان دى القضية لان فى عمارات قائمة ومتشطبة ومفهاش سكان .... الفكرة هى خطة مصر الجديدة التسويقيه متعرفش الناس دى دماغهم فيها اية !!!! وانا بحس اوى انهم مش عاوزين يبيعو عشان ما يبعوش بسعر 2013 عاوزين يسقعو الوحدات شوية او اية اللى فى دماغهم الله اعلم
وخد بالك الناس دى اول ما بدات تبنى جابتها من نصف المدينة وخرجو بالمبانى ناحية طريق الاسماعيلية ونحية طريق السويس يعنى اوحش مكان اللى بداو منة واجمل مكان اللى هاينتهو لية ودة بيدل على انهم حطين خطة تسويقية طويلة المدى وبحسهم مملين اوى اوى فى شغلهم بصراحة معلش انا بقول الكلام دة لان المدينة من ساعة ما كانت رمل بس وانا بشوفها كل يوم .... يعنى لو قارنها بالرحاب مثلا تحس ان دى سلحفة جنب ارنب

يمكن بقوا اسرع شوية بس والله ابدا انا كنت فيها من 3 ايام بالظبط عاوزك بس تقولى على شارع متسفلت ونضيف وفية شوية خضرة ونجيلة
يا تيجة السكن مش بس شقة كويسة ....فى حاجات كتير اوى مهمة
ومعلش لو انت جاى تخطب بنتى وفرجتنى على شقتك اللى فى هليوبليس صدقنى مش هاوافق
ما تقسش الحاجة على نفسك لانك هاتنزل وتروح شغلك وهاتسيب مراتك لوحدها
متهيالى شهرين تلاتة وهاتعالجها من الاكتئاب


و بعدين الشروق ابتدت من زمان قوي و اكن سير العمل بطي جدا فيها لحد من 6 سنين فاتوا ابتدت تسكن

الكلام دة غلط مش صح

وتطلع خدمات و كده انا قصدي ان المكان ممكن يكون نايم علشان الشركات كلها تسليمها لسه كمان سنتين
و بعدين الشروق مفيهاش تسهيلات زي هليوبلس هي سعر المتر ارخص بس التسديد علي فترات قريبه
فانا ليه عند حضرتك 3 استفسارات
1 ايه رايك في الكلام اللي انا قولته خصوصا انا بقولك السكن كمان 6 او 7 سنين فبيتهيالي ان الناس لما تسكن حيدخلو الخدمات ولا ايه
2 تعرف حد في الشروق بيقسط جامد يعني علي 10 سنين
3 ايه احسن اماكن في الشروق انا سمعت ان اللي جنب البوابه التانيه دي احسن حتت