مصر موتورز مجتمع السيارات - ما خطورة عكس أقطاب البطارية

الي الاخ العزيز mezat2020 انا فهمت ان حضرتك محتاج اني اوضح ردي - حاضر
لو حضرتك مثلا خدت وصلة من عربية تانية ووصلت البطاريات عكس بعض (موجب مع سالب و سالب مع موجب ) ايه اللي ممكن يحصل
1- ممكن البطاريات تتلف ليه لانه يحصل حاجه اسمها (surge current) وهو عباره عن اندفاع للالكترونيات وارتفاع شديد في التيار الكهربائي ودا بدوره هيولد كميه كبيرة جدا من الهيدروجين داخل البطارية وارتفاع كبير في درجة الحرارة لدرجة ان الاجزاء الداخلية للبطارية بتسيح وتتلف ونتيجة ضغط الهيدروجين البطارية بتتشقق اوتتكسر (crack)
2- تلف كابلات التوصيل نتيجة التيار الشديد
3-ممكن تلف الفيوز العمومي نتيجة التيار الشديد - ودا يبقي كويس لو حصل بسرعة وبدون تاخير
4- لو العربية السليمة اللي بيتدي توصيلة دايرة يبقي ممكن الدينامو يطير (الكاتوت باظ) او حرق الملفات الداخلية
5- اما البطارية اللي بتتشحن ونتيجة سحب تيار كبير ممكن يطير الكومبيوتر وكمان بعض الحساسات ودا بيختلف علي حسب تصميم كنترول العربية وخاصة حساس الكرنك والكامة وحساس كمية الهواء
وذي ما انت شايف كل حاجة قلتها قلت ممكن ودا يرجع لحاله البطاريات وهل هيا سائلة ولا جافة وتصميم الكنترول
وفيه عربيات اصلا مافيهاش كنترول وفيه عربيات فيها حساسات معينة مش موجوده في عربية تانية وهكذا عشان ده قلت صعب الواحد يعرف ايه اللي هيحصل
والله اعلي واعلم