|
رد: العربية بتعتل ومش عايزة تدور
اقتباس:
شامم ريحه أبلاتين لادع فى الحوار ده ممكن تفك الكلبسين بتوع كوباية الإسبراتير, و ترفع طرفى الأبلاتين عن بعضهم لو لاقيت عليهم بقعه شايطه يبقى تغير أبلاتين و كوندنسر و تضبط كهرباء. |
رد: العربية بتعتل ومش عايزة تدور
انت بتقول انك روحت لثلاثه كهربائيه . و بعدين روحت لميكانيكى قال لك انها
مظبوطه . انت متأكد ان الثلاثه كهربائيه و أن الاخير كان ميكانيكى ؟ . اشك .. انا اسف .. انا بقول كده لان بمجرد عرض الموضوع الساده الافاضل عرفوا ايه الحل . فما بالك اللى بص وشاف و مد ايده وفك وركب .. و معرفش ؟ |
رد: العربية بتعتل ومش عايزة تدور
السلام عليكم الثلاثه الكهربائيه كل واحد فيهم عمل حاجة واحد قالى كتاوت الدينمو وشحن البطارية
وقفلت الكونتاك وفتحتة دارت روحت وتانى يوم مدارتش والتانى حل الدينمو خالص وقالى الكتاوت القديمة شغالة وبردة شحن البطارية ودارت وتانى يوم مدارتش والتالت حل المارش ونظفة وجربة برة اشتغل كويس وغير مياة البطارية وشحنها بردة وتانى يوم مدرتش الميكانيكى قالى العربية كدة تمام مفهاش حاجة بس ظبط حاجة كدة الهوا هو مسمار قريب من الكربيرتير هو فى ناس قالولى البطارية كدة شعيت هو دة اللى حصل معاية بالظبط ارجو من السادة الافاضل والخبراء الافادة وشكرا لمن شارك معى فى الحلول |
رد: العربية بتعتل ومش عايزة تدور
ممكن تكون فى حاجه بتسرب شحن البطارية وهى مركونه وبتفضيها ولما تيجى الصبح تدور ماتدورش عشان بتكون فضيت من بليل
|
رد: العربية بتعتل ومش عايزة تدور
انا كان عندى نفس المشكلة بالظبط
بس اتحل بطريقة مختلفة خالص كان العيب عندى من الكربرتير وبعد ما نضف الموضوع دة اتظبط ابقى بص عليه مش هتخسر حاجة |
| الساعة الآن 05:47 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017