رد: عايز اشتري عربية بس مليش خبرة
 

هب فعلاً الالنترا افضل في الشكل جوا وبرا بس مواصفات السيراتو مأثرة عليا ...

طيب بقول لحضرتك ايه بالنسبة لعفشة السيراتو فيها مشاكل ؟

رد: عايز اشتري عربية بس مليش خبرة
 

اخى الكريم انا لما بركب السيراتو بحس انى فى كوكب تانى ودة لانى بركب عربيات قديمة كتير
فالاحساس ممكن يختلف معاك لو بتركب عربيات احسن
اسمع من اصدقائى ان عفشتها ناشفة انما بالنسبة لى كويسة ودة لان كان معايا لادا مثلا ولو طولت معايا شوية هاؤلك كان معايا نص نقل
فانا اخر واحد تسالة عن العفشة والراحة والحاجات دى

رد: عايز اشتري عربية بس مليش خبرة
 

السلام عليكم
لو يهمك موضوع قطع الغيار و الصيانة و البنزين يبقى خليك في الكوري أو الياباني:
كوري (مثل الكيا سيراتو - ريو هاتشباك - هيونداي I30 - إلنترا)
ياباني (كورولا - مازدا 3)

رد: عايز اشتري عربية بس مليش خبرة
 

ايوة هو فعلاً موضوع قطع الغيار والبنزين دا حاجة تضايق معظم الناس
على العموم انا كان نفسي اجيب حاجة ياباني زي التويوتا بس الكورولا مش نزلالي من زور مع احترامي للاخوة الكرام اللي معاهم الكورولا
طيب ايه رأي حضرتك في التويوتا اوريس ؟ سمعت والله اعلم ان عفشتها ممتازة جداً ومريحة وصامتة جداً على الطريق
ايه رأيك ؟ لو مش كدا يبقى حخليني في السيراتو وأمري لله
والف شكرا على مساعدة حضرتك :fun_36_3_13[1]:

رد: عايز اشتري عربية بس مليش خبرة
 

بالنسبة للكورولا:
تصميها الخارجي و الداخلي بسيط و التكنولوجيا مش معقدة، بترضي كل الأذواق، مريحة، سهلة الصيانة، إعتمادية عالية و ماسكة سعرها و هو دة سر نجاحها
بيطلقوا عليها عربية الفقير عشان مصاريفها القليلة و راحة البال
أكثر عربية إنتشارا في العالم في فئتها
مشكله الكورولا إنها ممللللة، محتاجة شوية إضافات (تتروش) عشان تبقى شبابية و ديه سهلة لإن إكسيسواراتها كتير
شكلها هيتغير 2014 لو تقدر تصبر
الأوريوس:
الحقيقة معنديش فكرة عنها بس تصميمها جميل جدا و هي فئة بين الياريس هاتشباك والكورولا
هي عربية جديدة و شكلها مميز و كونها تويوتا أكيييد هتبقى عربية كويسة و أحفادك هيستخدموها ههههه.
السيراتو:
عربية حلوة و شيك، واسعة، عملية، موتور كويس و أوبشنز كتير
الشكل الجديد 2013 - 2014 تحفة
بس أنا للأسف ليا تجارب سيئة مع الكيا و متعقد منها

رأيي الشخصي:
العربيات كتير و كل واحدة ليها مميزات و عيوب
بالنسبة لظروف حضرتك و إحتياجاتك خليك في تويوتا و إن شاء الله مش هتندم.
و تحت أمرك في أي استفسار