|
رد: محتاج نصيحتكم فى الحادثة دى
شكرا يا استاذ باجورى على شعورك الطيب انا نمت و انا سايق علشان كدا اتقلبت لكن الحمد للة انا للة و ان اليه راجعون دة قدر وانا راضى والحمد للة هل حضرتك متخصص فى الموضوع دة بعنى اقصد تنصحنى بايه
|
رد: محتاج نصيحتكم فى الحادثة دى
قدر الله وما شاء فعل المهم ان حضرتك بخير الحمد لله وفلوس الدنيا كلها متعوضش الواحد عن اي حاجه تحصله او تحصل لعائلته وانا شايف الافضل تبعها علي حالتها عشان هتصرف كتير ومش هتبقي مظبوطه برضه وهتتعب حضرتك وربنا يعوض عليك في احسن ان شاء الله
|
رد: محتاج نصيحتكم فى الحادثة دى
اقتباس:
ناس محترمه و انا مجربهم فى عربيه قبل كده لو حابب تشوف الامور هتمشى ازاى انا معنديش مانع اكون معاك و نساعد بعض ممكن تبعتلهم الصور بس علشان مش تكلف نفسك مشوار نقل السياره و لو الامور هتفتح اوى فى المصاريف ليها حل و ان شاء الله خير |
رد: محتاج نصيحتكم فى الحادثة دى
الحمد الله على سلامة حضرتك اولا والسيارة ممكن تتلم وبتكاليف كويسة ومتزعلش على السيارة وممكن تتعمل بسهولة وسيبك من كلام التوكيل بس تقف مع الصناعيى فى كل حاجة بتتعمل فى السيارة ويكون معاك حد ثقة يوقف معاك ولو فى حاجة السيارة محتاجة يشتريه وبعد التصليح تكتب لنا اسعار قطع الغيار ولو انا من القاهرة كنت افدت حضرتك تشترى منين وكنت قولت لحضرتك على الصناعية الممتازين
|
رد: محتاج نصيحتكم فى الحادثة دى
السلام عليكم الحمد لله وقدر الله وماشاء فعل وربنا يخلف عليك بالحلال وتجد من يعينك على تصليحها ويوقعك في صنايعي ابن حلال وهي في الغالب محتاجه سقف كامل والباقي ممكن يتسمكر وغالبا في حاجه في العفشه لأن فردة الكاوتش كاسره للداخل والله المستعان |
| الساعة الآن 06:35 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017