مصر موتورز مجتمع السيارات - انشاء الله هفتح محل جديد قطع غيار فيات

مصر موتورز مجتمع السيارات (https://www.masrmotors.com/vb/index.php)

- فيات FIAT (https://www.masrmotors.com/vb/forumdisplay.php?f=22)

- - انشاء الله هفتح محل جديد قطع غيار فيات (https://www.masrmotors.com/vb/showthread.php?t=111514)

رد: انشاء الله هفتح محل جديد قطع غيار فيات

اقتباس:

المشاركة الأصلية كتبت بواسطة mr_astra (المشاركة 869154)

الف مبروك عليك المحل
وخلى بالك البايرة ترجع بيت ابوها
اى قطعة فيها عيب صناعة ترجع للتاجر
انا غيرت او رجعت ديسك جديد لصاحب المحل وهو ادامى اداة للمستورد وادانى فلوسى
وبالوقت هاتقدر تعرف شغل فلان من علان والكويس والوحش والغالى والرخيص
وحاول تبضع من التوفيقية بتاخد سعر الجملة

وشوية شوية هاتنزل عند ناس معينة بالاسم تجيب منهم الحاجات اللى انت محتاجها ومها اقنعك بنوع تانى هاتفضل عند رايك لانك مجربها
وجب على تاجر الجملة انة يطلعك اول باول بالسعر بالتليفون او انت اللى تحدث اسعارك كل اسبوع بالتليفون حتى
وتشوف قطع الغيار اللى عليها اقبال واستهلاك وتحاول توفر كمية مناسبة منها
زى مثلا تيل الفرامل والسيور وكاوتش المية والجوانات
وبعد حوالى سنة ممكن تنزلك بضاعة بالاجل وتبقى انت كومسيون بس لتاجر الجملة
المهم فى الموضوع ان ميكنش عندك مسمار ناقص كل حاجة تبقى موجودة وصدقنى هايجلها زبونها
اوعى حد يجى يسالك على حاجة وتقولة معنديش لازم يكون عندك ولو اعداد بسيطة من كل حاجة
لان الزبون لو راح جاب من برة مش هايجلك تانى
واعمل دعاية لنفسك على نطاق الميكانيكية والعفشجية وتعرفهم بنفسك
وما يمنعش من هدايا متواضعة لميكانيكى او عفشجى كل فترة تحفيزا له انة يبتعلك الزبون ومش عيب ولا حاجة
وحاول تجيب من الصنف الواحد اكتر من نوع صينى مثلا وايطالى وتركى عشان الزبون هايشترى يعنى هايشترى من عندك
ولازم يكون عندك لباقة فى اقناع الزبون بقطعة الغيار ودى اكيد هاتيجى من المممارسة وخببرتك فى السوق
خلى بالك الزبون لما بيروح يشترى من محل ما بيفرقش معاة السعر على اد ما بيفرق ان الحاجة تكون كويسة وان اللى بيبعها يحسسة ان المحل دة بتاعة
ومتقلش لحد عاوز يغير حاجة لا
تكشف عليها لو فى علبتها ومحصلهاش حاجة اية المانع انك ترجعها
قطع الغيار الكهرباء هى اللى مش بتترجع

بجد والله الله ينور عليك معلومات والله من ذهب بجد وفرت معاى كتير وكمان عرفتنى انى ماشى فى الطريق الصحيح
بس كان لى طلب وهو عمل موضوع لمعرفة القطع الاصلية

رد: انشاء الله هفتح محل جديد قطع غيار فيات

mr astra
انت رائع
انا النهاردة رحت اشتري كونتكت لان الللي عندي بيعض ورحت فيات 2000 معاملة الولد البائع فيها تناكة ومريحنيش في الكلام سبته ولو مفيش غيره رغم م اني اسمع انه كويس واشتريت من الفتح وسبحان الله الولد كانت معاملته كويسة وارخص 10ج
المعاملة اهم حاجة .. الزبون بييجي بسبب الصدق معاه والنصيحة والمعاملة الحسنة
هذه نصيحتي لك الزبائن ممكن تشتري الأغلى بس مستريحين لكده .. والف مبروك
التوقيع
زبون جديد غشيم

رد: انشاء الله هفتح محل جديد قطع غيار فيات

اقتباس:

المشاركة الأصلية كتبت بواسطة nassser (المشاركة 870581)

شكرااااا على النصيحة بجد والله الواحد مبسوط لما بيلاقى الناس الى تنصحه عشان الواحد بجد محتاج النصيحة دى بارك الله فيك

رد: انشاء الله هفتح محل جديد قطع غيار فيات

متنساش كمان ان مش كل اللي بييجو يشترو فاهمين فلازم يكون عندك خبرة نسبيا على الاقل توصفلهم ايه اللي يعملوه والمفروض ايه .. ده بيخليهم ييجو تاني .. بجانب ممكن يسألوك على ميكانيكي كويس او كهربائي .. الخ
عملية التسويق ده اصلها فن ومنها إدارة علاقات العملاء وفن البيع وغيره وغيره
الله
وربنا يوفقك

رد: انشاء الله هفتح محل جديد قطع غيار فيات

اقتباس:

المشاركة الأصلية كتبت بواسطة nassser (المشاركة 871100)

شكرااا على الكلام الجميل دا وياريت لو حد عنده خلفية عن اى شئ يقوله
او تجربة فى المجال دا يقول ونقشه مع بعض
او اى اسعار او محلات رخيصة يقولها