رد: دليل اسعار قطع غيار هوندا سيفيك الجيل الخامس
 

و الله انا مش تاجر قطع غيار انا بس بحب العربية فلقيت اسعار قطع غيارها على النت فجمعتها من شوية اماكن و قلت افيد الناس يعني لو الحاجات الي بتشتريها غاليه و لا رخيصه لو حد بيفكر يشتري العربيه يعرف الاسعار بس مش اكتر لكن لا علم عندي بالاماكن

رد: دليل اسعار قطع غيار هوندا سيفيك الجيل الخامس
 

ياباشا صلي علي النبي
انا عندي محل قطع غيار هوندا
دي الاسعار ال 92-95
كبوت تايوان 400 رفرف تايون 250 اكصدام امامي 180 تايوان ااصدام خلفي تايوان 200
فانوس كشاف 200 اشاره 35 فانوس خلفي 120 فانوس شنطه 80
بالنسبه للعفشه مساعدين امامي 700 ياباني KYB خلفي 700 و في تايوان لو حبيت بالضمان بالنسبه للخلفي ب 550
جلب مقص علوي بياخد 4 الواحده 30 تايلاند بالنسبه للسفلي 4 برده فيها واحده ب 35 و واحده ب 30
حبيت تجيب مقصات كامله تايوان سعر الاتنين 380
كبالن تايوان 280 - صيني 18- ياباني 600 الماني 550
بارات داخلي +خارجي 550 ياباني و في 4 قطع البارات تايوان في حدود 325
علبه دركسيون جديده بور 1850 تايوان استراد 1000
بالنسبه للعفشه الخلفي 2 جلبه دونجل الكبيره الواحد ب 75 و الجلب المقص الخلفي بياخج 4 الواحده ب 30
2 شداد علوي 220 و 2 شداد سفلي 200 جلبهم الواحد ب 25
بالنسبه للموتور
طقم جوان كامل لو العربيه SI ال 1600 2 كامه ب 180 لو EX1500 كربراتير ب 150 كامل
اولسيل كرنك اصلي هوندا الكبير 50 الصغير 40 في كمان ياباني بالنسبه للكبير 40 و الصغير 30 و في تايوان ب20 كبير 10 صغير
كوتش بوجيه تايوان 30 سعر الاربع قطع كوتش تاكيه تايوان الاربع قطع 20
جوان سلندر تايوان 35 اصلي 85 ياباني 55
تاكيه اصلي ب 65 تايوان 35
جوان كرتير 30
خزنه بور 220 قربه ريداتير 70 قربه مساحه 120
سير كاتينه اصلي 200 ياباني 150 تايلاندي 80 الماني 80
اي سير من البور و التكيف و الدنمو من 20 الي 30
اسلاك بوجيهات 90 ياباني بوجيهات ياباني 50
تيل فرامل 50 صيني تركي 80 تايلاندي 80 ياباني 150 ماليزي 100
طنابير تايوان 300
كده اظن لميت اكتر من 80% من كل العربيه و اي سؤال انا في الخدمه

رد: دليل اسعار قطع غيار هوندا سيفيك الجيل الخامس
 

ا/ اشرف ايه رايك في ال 93 في قطع الغيار هي عجباني الصراحة بس خايف من حكاية قطع الغيار اللي ممكن تختفي في اي وقت هل الكلام ده حقيقي لاني سمعت ان قطع الغيار بتاعها قلت في بورسعيد يعني ممكن تجيب العربية بس بعد سنتين تلاته متلقيش قطع غيار

تاني حاجة هل قدامك حاجة 96 فاضية ومانيوال lxi