مصر موتورز مجتمع السيارات - مشكلة فى السيارة 128 موديل 90 ....ارجو الافادة وشكرا

مصر موتورز مجتمع السيارات (https://www.masrmotors.com/vb/index.php)

- عفشة السيارة (https://www.masrmotors.com/vb/forumdisplay.php?f=152)

- - مشكلة فى السيارة 128 موديل 90 ....ارجو الافادة وشكرا (https://www.masrmotors.com/vb/showthread.php?t=108835)

رد: مشكلة فى السيارة 128 موديل 90 ....ارجو الافادة وشكرا

اقتباس:

المشاركة الأصلية كتبت بواسطة hamed2020 (المشاركة 848359)

ممكن يكون في علبه الدريكسيون فيها حاجه
او ده الطبيعي !!
عموما لو انت من شبرا انا اعرف واحد بيعرف ربنا و شاطر جدا :THUMBS~220:

السلام عليكم
اشكرك جدا اخى الكريم على الرد والاهتمام ولكن انا من المطرية ولكن لاتوجد اى مشكلة فى ان حضرتك تعطينى العنوان او التليفون ما دام انت شخصيا بتشكر فيه وبارك الله في وشكرا على الاهتمام

رد: مشكلة فى السيارة 128 موديل 90 ....ارجو الافادة وشكرا

اقتباس:

المشاركة الأصلية كتبت بواسطة mr_astra (المشاركة 848399)

تقل الدركسيون فى الـ 128 اول سبب فية
ظبط الزوايا
لان العجل اما بيكون فاتح لبرة الدركسيون بيكون تقيل فعلا
تانى سبب ضغط الاطارات
ممكن كمان لو سكاترا الدركسيون متركب لها طقم اصلاح جديد او من فترة قريبة لازم تاخد وقت عشان تطبع والدركسيون يخف معاك
او
ممكن يكون رجلاش الزنق بتاع سكاترا الدركسيون مربوط زيادة عن اللزوم
او
الطارة نفسها هى اللى تقيلة بمعنى الطارة والعامود بتعها والبلى اللى راكب ممكن جدا يكون قافش فبيخلى لف الدركسيون بصعوبة
لو عاوز اسباب تانى شغال معاك اطلب انت بس

السلام عليكم
اخى الكريم اشكرك جدا على الرد والاهتمام انا اشتريت السيارة من حوالى شهر ةالتقل ده من الدركسيون والفيتيس ايضا ولكن لم اذكر هذه المعلومة من قبل وذلك حتى لا يحدث بللة فى الامرللردود عند الاخوة .......
ولكن اخى الكريم اعزك الله انا لا اطلب اسباب فقط ولكن ايضا طرق العلاج وهل المشكلة فى العفشة ممكن ام لا وشكرا واسف للاطالة....

رد: مشكلة فى السيارة 128 موديل 90 ....ارجو الافادة وشكرا

استاذ سامح بما ان حضرتك من المطرية فى واحد عندكم فى المطرية عفشجى استاذ وعبقرى
عارف شارع المطراوى لو مشيت فيه ادام شوية بعد القسم القديم كانك رايح على المسلة هتلاقى بعد القسم بحوالى 200 متر محل كبير واخد ناصية بتاع جنوط وكاووتش ادخل الشارع ده اول حارة يمين هتلاقى صابر بتاع العفشة
الراجل ده استاذ فعلا وبيجبلك الاخر وعن تجربة شخصية انا واولاد عمى كلنا بنتعامل معاه

رد: مشكلة فى السيارة 128 موديل 90 ....ارجو الافادة وشكرا

اقتباس:

المشاركة الأصلية كتبت بواسطة محمد حسن عبد الرحمن (المشاركة 848540)

فى سبب كمان بعد إذن مستر أسترا أن الطارة اللى ركبة فى العربية تكون سبور وصغيرة جدا والكوتش اللى راكب يكون عريض فيسبب تقل للدركسيون وأحتمل تكون محتاجة غسيل وتشحيم.

أخوك محمد
:THE_PR~18::THE_PR~18:

الطارة كبيرة (الطبيعية ) ومقاس الكاوتش 175/70/لم اتذكر الرقم الاخير ولكن لا اعتقد ان عرض الكاوتش يسبب التقل ده ....واشكرك اخى الكريم

رد: مشكلة فى السيارة 128 موديل 90 ....ارجو الافادة وشكرا

اقتباس:

المشاركة الأصلية كتبت بواسطة zamanan2000 (المشاركة 848794)

السلام عليكم
الف شكر على الاهتمام والرد اخى الكريم zamanan2000 وعلى فكرة صابر كويس واسمع عنه ...وشكرا على تاكيد المعلومة....بارك الله فيك وجزاك الله خيرا