المشاركة الأصلية كتبت بواسطة باسم لانسر (المشاركة 833451)

بص ياباشا اولاً ربنا يحفظك من كل مكره ويبارك لك فى الفيرنا بتاعك
ثانياً فكك من اى *****يشوح ولا يزعق ,, وانت كمان حاول متبقاش ****:THUMBS~220:

بص ياباشا
الطلعة سنة سنة , شيل من ع الدبرياج واحدة واحدة وفى نفس الوقت بتضغط البنزين واحدة واحدة بردو
لحدا ما العربية خلاص مشت معاك ارفع رجلك من ع الدبرياج خالص بقى عشان متكتفش العربية

متطولش ع الاول , يادوب كام متر العربية تمشيهم ودبرياج للآخر وتجيب التانى بس متشيلش رجلك مرة واحدة , وفى نفس الاوقت متعمل زى الاول
بمعنى ايه , حاول تسرع رجلك شوية ,
فى الاول كنت بقولك سنة سنة

فى التانى خليها سنتين سنتين يعنى شيل رجلك بشكل اسرع شويتين من ماكنت بتشيلها فى الاول
وبعدها بردو بترفع رجلك خالص من ع الدبرياج وتدوس عادى بنزين

لما بتيجى تدى التالت خلاص العربية بقت واخدة سرعة وبالتالى من التالنى للتالت ومن التالت للرابع ومن الرابع للخامس كمان يادوب تدوس دبرياج وتنقل وتشيل رجلك على طول وبعدها تحط رجلك ع البنزين


النظرى ممكن متفهموش اوى بس احب اقولك انها حالة مؤقتة ومع الوقت هتظبط

المشاركة الأصلية كتبت بواسطة AhMeD_HassaN_2010 (المشاركة 833453)

مش هقولك كلام بعد استاذ باسم

الفكرة كلها خبررررة .. امشي بالعربية كتير بس ..

هتوصل لدرجة انك اول ما تدور العربية هتلاقيها بتمشي منغير متفكر انت

لا ف بنزين ولا دبرياج

هتلاقي نفسك بتسوق منغير تفكير ..

وهيبقى همك بقا ف حجات تاني زي المطبات وتاخد بالك م العربيات اللى بتعديك وتعديها

والناس والكلام دا

نصيحتي ليك مشي بالعربية كتير اوى الفترة دي لغاية ما تاخد سينس العربية

وهتلاقيك بتتعلم لوحدك خليك واثق بنفسك وركز اوى ف سواقتك ف الاول ..

وربنا يكفيك شر العربية يارب ويحفظهالك

المشاركة الأصلية كتبت بواسطة jojojojojo (المشاركة 833474)

حاول بس الاول تمشي كتير في اوقات ميكونش فيها زحمه وتكون مناطق فاضيه انت كده من كلامك لسه جديد فحرام تخبط عربيتك او تخبط عربيه واحد ميكونش ليه ذنب عشان الواحد بيضايق جدا لو عربيته حصلها حاجه او لو ضر عربيه واحد تاني وبلاش موضوع فتح الصدر ونمشي واحنا اصلا لسه مش بنعرف ننقل الغيارات ياريت كلامي ميكونش زعلك بس انا بقول المفروض يحصل ولسلامتك ولسلامه الاخريين