مصر موتورز مجتمع السيارات - مالك جديد لفيلوستر

الف مبروك ربنا يهبك خيرها ويكفيك شرها

بالنسبة للفيلوستار هى ستايل رياضى ظريف مفيش شك لعربية شبابى لكن متتوقعش منها اداء رياضى حقيقى وديه المشكلة اللى بتخلى شباب كتير يحبط بعد ما يجيبها

كمان فيه ناس كتير اشتكت من نشوفيه العفشه فعلاً واعتقد ممكن يكون الكاوتش متخزن وهتحتاج تغير الكاوتش بحاجة نظيفة وياسلام لو نقشه رياضى كمان ومقاس اعرض سنة ممكن تظبط معاك الثبات اكتر من الكاوتش الستوك

وبالنسبة للثبات عموماً والعربيات فى مصر فالبى ام دابليو بتحل المشكلة والموديلات كتير ومنتشرة فى مصر وليها عشاقها وكلها بلا استثناء هتديك ثبات اكثر من رائع هيفكرك على الاقل ان مكانش هينسيك ثبات ال س كلاس

لكن هل انسب ليك تجيب بى ام مستعملة وتعيش حوارات الصيانة وقطع الغيار برة التوكيل (لان اسعارة نااااااااار ) ديه حاجة ترجعلك طبعاً

انا رائى خد خير العربية واستمتع بيها ولما تيجى تغير فكر فى بى امات مستعملة او جولف لو عايز تستمتع بالسواقة بجد

وفى انتظار تقارير اكتر منك عن العربيه وتجاربك اللى اكيد هتنشط القسم وتحت امرك فى اى استفسار او مساعدة :1281F1~121:

تقبل تحياتى