|
رد: مسافر بره ومش عارف تعمل ايه فى العربية ؟؟ تعالى أقولك الحل
الموضوع شامل الصور للإفاده بعد اذنك
تشترى اربع روافع حديد من بتوع الورش زى دول http://a7lashare.com/viewimages/4deea3a523.jpg وترفع العربيه كلها عليهم بالطريقه دى http://a7lashare.com/viewimages/b709e7721c.jpg وتشترى غطا قماش مش وتر بروف ليه عشان القماش افضل فى حفظ العربيه من الوتر بروف لانه بيخلى الهوا متجدد على جسم العربيه ولو لاقدر الله فى رطوبه مش بيخلى حاجه بين المفرش والعربيه لانه قماش تجيب علبة بودره تلك ( اطفال ) http://a7lashare.com/viewimages/f5d089e601.jpg وتحطها على جميع جوانات الابواب والازاز والشنطه و الكابوت عشان التشققات تجيب علبة زيت بيبى اويل http://a7lashare.com/viewimages/62ebb4a9a2.jpg وتجيب قماش نضيفه وتحط عليها زيت وتمسح الطابلوه وفرش الابواب تغير الزيت والفلتر وتحط زيت وليكن شيل هيلكس الاحمر http://a7lashare.com/viewimages/0786820977.jpg وفلتر زيت جديد طبعا حضرتك الريداتير عندك محطوط فيه مياه ريداتير مش مياه عاديه يبقى مفيش مشكله بتفك كابلات البطاريه ويستحسن تشيل لها من العربيه وتبيعها لاى حد تعرف انه محتاج واحده لانها للاسف هتبوظ هتبوظ واما تنزل بالسلامه تشترى واحده جديده نفس الامبير وتركبها عادى جدااا طبعا تانك البنزين متخليش فيه بنزين اكتر من 5 لتر وياريت تحط عليهم علبه WD-40 http://a7lashare.com/viewimages/b15490663a.jpg عشان تحافظ على التانك من البرومه لو البنزين فيه نسبة رطوبه تحاول بقدر الامكان تسديد الماتور من اسفل العربيه وليكن بكارتونه بوتوجاز او غساله وتسبته بسلك او حبل وبلاش تماما اللزق عشان اما هيجى يطلع ممكن يشيل معاه البويا طيب ليه هتسدد الماتور عشان الفران الملاعين دول ميلعبوش فى اى حاجه اكيد هتبقى معاك شويه زيت بيبى اويل بنفس القماشه وتمسح خرطيم الريداتير http://a7lashare.com/viewimages/d6ee21f457.jpg والسيور اللى باينه وكمان الاربع فرد الكاوتش بالمره عشان التشققات وبعد كدا تنزل الهاند بريك للاخر وتمور الفتيس وتغطى العربيه وتتوكل على الله تسافر بالسلامه على فكرا دا اللى كان والدى بيعمله وهو مسافر السعوديه برضه وكان بيرجع يشترى بطاريه ويدور ويغير الزيت والفلتر وبس:fun_36_3_9[1]: |
رد: مسافر بره ومش عارف تعمل ايه فى العربية ؟؟ تعالى أقولك الحل
اقتباس:
شكرا ليك - انا حاولت اعمل كده معرفتش ولما زهقت نزلت الصور على الجهاز وحاولت ارفعها تانى مرضيش يرفعها حتى سالت صاحب المشاركة لكنه مخدش باله من سؤالى تقريبا شكرا ليك:140109~347: |
رد: مسافر بره ومش عارف تعمل ايه فى العربية ؟؟ تعالى أقولك الحل
تسلم إيدك.. بس انت متأكد من موضوع الـwd40.. أصل أنا باستخدمه من سنين وأول مرة حد أسمع إنه يتحط مع البنزين.. ومعلوماتي إنه غلط جدا.. كمان بالنسبة لموضوع الفئران، حضرتك دي بتاكل الخشب مش هتأكل الكرتون.. تحياتي
|
رد: مسافر بره ومش عارف تعمل ايه فى العربية ؟؟ تعالى أقولك الحل
اقتباس:
المهم مش هقدر بقى ارد على سؤالك للاسف وشكرا ليك |
| الساعة الآن 09:43 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017