|
رد: الفرق بين الغاز والبنزين ؟؟؟؟
اختلف الناس فى الحكم على الغاز الطبيعى ,
فيه ناس اجمعت على ان الغاز كويس جدا ....بيقلل عزم العربية بصورة مش ملحوظة و فيه ناس تانية اجمعت على ان الغاز بيضر العربية و الصبابات تحديدا ... و بيقلل عزم العربية بصورة ملحوظة لاكن الكل اجمع ان الغاز ارخص من البنزين بكتير ... و حتى لو عملت عمرة للمحرك بدرى شوية عن البنزين .... انت وفرت فلوس اكتر من تمن العمرة ... اعمل حسابك ان تركيب الغاز يكلف تقريبا 6000 الى 7000 جنيه و تقبل مرورى |
رد: الفرق بين الغاز والبنزين ؟؟؟؟
الغاز كويس جداااااااااا فى العربيات الموديلات الحديثة
انما فى الفيات والموديلات القديمة مقرف شوية بيهلك المارش والبطارية والضفيرة بتحس ان العربية هكعت لكن كل سواقين التاكسى الابيض مركبينة وما سمعناش عن حادثة انفجار انبوبة غاز فى السيارة |
رد: الفرق بين الغاز والبنزين ؟؟؟؟
بص خد منى الكلام ده ثقه لو عربيتك كربراتير ومفيهاش كمبيوتر يبقى بلاش تركب غاز اوعى تركب غاز بس لو عربيتك حديثه وفيها نظام انجيكشن و كمبيوتر يبقى الافضل ليك تركب الغاز على طول وسيبك من ان اى حد يقولك مشاكل وكدا باختصار دلوقت الغاز بيركب ومعاه جهاز كمبيوتر بيتحكم فيه تحكم دقيق جداااااااا و كمان بيشغل العربيه الاول بنزين لغاية ما تسخن وبعد كدا يقلب اتوماتيك لغاز طيب ليه زمان الغاز كان وحش مكنوش بيعرفوا يتحكموا فى كمية الغاز اللى داخله للماتور فالماتور و دلوقت حلو المشكله ديه بانهم ركبوا اجهزة كبيوتر تتحكم فى نظام الغاز غير كدا كان زمان الغاز العربيه تدورها على طول غاز فبالتالى ده كان غلط طبعا لان الغاز فى درجة الحرارة المنخفضه الكبريت اللى فيه هيتحد مع المايه ويعمل ماية نار بس دلوقت بتسخن بنزين اتوماتيك والماتور خلاص بيكون سخن والرطوبة اللى فيه طلعت خلاص فالغاز خلاص بيبداء عمله بقى والماتور سخن غير كدا الغاز الاوكتين بتاعه مرتفع بيساوى اوكتين بنزين 98 فعمرك ما هتسمع الماتور بيكركر او بمعنى اخر بيسقف اما بقى حكاية الاسطوانه تنفجر والكلام ده فده كلام عار تمام من الصحه مع احترامى للجميع اسطوانة الغاز اول حاجه بتبقى معموله صب يعنى المعدن بتاعها بيتصب حته واحده مش بتتلحم زى انبيب البوتجاز غير كدا هى بيملوها عند ضغط معين بس اصلا هى تستحمل ضغوط اضعاف الضغط اللى بتتملى بيه الاسطوانه وانا على فكره فيه تكسيات لانوس وفيرنا و BYD معديه دلوقت حاجز ال 200 الف كلم ومبيطلعش منها نقطه واحده بخرة زيت والماتور لسه بحالته ولا فيه اى حاجه نهائيا تفتكر انت بقى الغاز وحش ولا حلو ؟؟؟ ولك الراى فى الاخر |
رد: الفرق بين الغاز والبنزين ؟؟؟؟
اقتباس:
شكرا جزيلا استاذ سيد على المعلومات القيمة والمفيدة بس للاسف العربية 2014 |
رد: الفرق بين الغاز والبنزين ؟؟؟؟
اقتباس:
|
| الساعة الآن 08:07 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017