|
رد: أهل الخبرة - ما هى فائدة ضبط الزوايا والترصيص؟؟؟
منتظرين أهل الخبرة :Wkiss5::Wkiss5::Wkiss5:: Wkiss5: |
رد: أهل الخبرة - ما هى فائدة ضبط الزوايا والترصيص؟؟؟
اقتباس:
|
رد: أهل الخبرة - ما هى فائدة ضبط الزوايا والترصيص؟؟؟
لما تلاقى واحد ماشى مش مضبوط وده كثير فى الشارع المصرى
نقول عليه ماله مش ماشى عدل كلمه عدل هى ضبط الزوايا لما نلاقى واحد ماشى بيعرج خفيف قوى نقول ماله يقولك رجلى اتلوت وعايز اردها ده بقى اسمه ترصيص فى مصر فيه 80 مليون مصرى عمرهم ما رصصوا ولا هيرصصوا نفس الشىء ضبط الزوايا اللى فاهم واللى عارف نسبة بسيطة زى نسبة الملح فى طبق الفول مرة سألت سواق تاكسى ركبت معاه قالى العربية دى عشرة عيبها الوحيد بتحدف قلتله اضبط كاوتشك ولو حدفتك اضبط زوايا قالى ايه ؟ انا سواق مش نجار يا أستاذ لانه مش فاهم انما دلوقتى مصر اتطورت وفيه ثقافة منتشرة عن الترصيص وضبط الزوايا خصوصا بتوع الملاكى لكن المشكلة ان الناس بتكسل ولما بتحس بالعربية فيها مشكلة بتحاول تتعايش معاها انما الحقيقة الترصيص وضبط الزوايا مهم جدا خصوصا لو عايز عربية على الشعرة وهنا فى المنتدى فيه ناس أساتذه ممكن توضح المسألة بشكل مبسط وعلمى ومفيد وكلنا متابعين |
رد: أهل الخبرة - ما هى فائدة ضبط الزوايا والترصيص؟؟؟
اقتباس:
على فكرة الموضوع ده فعلا انا لاحظته اول ما اشتريت النيسان صنى كانت بترج جامد واحس بالرجة وانا ماسكة الدركسيون وفعلا حد قالنا على الترصيص ولما عملته فعلا العربية كانت زى الفل وشكرا ليك |
رد: أهل الخبرة - ما هى فائدة ضبط الزوايا والترصيص؟؟؟
السلام عليكم بأختصار علشان الكل يفهم عجل السياره فيها ثلاث زوايا مسؤله عن اتزان السياره فلابد لعجل السياره ان يكون قافل من الأمام بنسبه بسيطه علشان مع السرعة تتزن وتكون من الأسفل ايضا قافله شويه والزاويه الثالثه علشان العجل بعد ما تسيب الدركسيون بعد الملف يرجع لوحده اما بالنسبه للترصيص مهما كانت المصانع بتاعة الكاوتش والجنط في تكنولوجيا عاليه بيكون في التصنيع وزن الجنط او الكاوتش غير متساوي في كل الأماكن لذلك لابد تعويض الوزن الناقص او الزائد عن طريق وزن يسمي رصاصه يوضع في المكان الأقل وزن ولمعرفة ان السياره تحتاج ظبط زوايا تجد ان السياره اما تحدف عند السير او تعمل صوت تصفير في السير في خط مستقيم او صوت تصفير في الملفات ولمعرفة ان السياره تحتاج ترصيص تجد ان الدركسيون يهتز عند سرعه بين 70 و 90 تكون محتاجه ترصيص العجل الأمامي اما عند سرعة 120 تقريبا فتكون محتاجه لترصيص العجل الخلفي يارب اكون وصلت المعلومه بشكل مبسط والله المستعان |
| الساعة الآن 09:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017