مصر موتورز مجتمع السيارات - ما هي الصيانه الدوريه للماروتي؟؟

مصر موتورز مجتمع السيارات (https://www.masrmotors.com/vb/index.php)

- ماروتى MARUTI (https://www.masrmotors.com/vb/forumdisplay.php?f=196)

- - ما هي الصيانه الدوريه للماروتي؟؟ (https://www.masrmotors.com/vb/showthread.php?t=102212)

رد: ما هي الصيانه الدوريه للماروتي؟؟

اقتباس:

المشاركة الأصلية كتبت بواسطة محمود1199 (المشاركة 794756)

السلام عليكم..
انا هكتب لحضرتك اللي انا عارفه ...غير كدة ممكن الاعضاء يساعدوا حضرتك..
الزيت بغيره حسب عدد الكيلوات بتاعته....فلتر الزيت بغيره (مرة ومرة)..
فلتر البنزين حسب الكيلوات بتاعته....فلتر الهوا برضو حسب الكيلوات بس تقريبا 5 الاف كيلو...سير الكاتينة ده بقي اهم حاجة لان لو اتقطع (لا قدر الله زي ما حصل معايا) بيجيب صبابات وبيبقي حوار بيأثر علي كل حاجة ف الموتور..ولما اتقطع معايا كانت الماروتي عاملة 28 الف كيلو..اعتقد حضرتك تغيره دلوقتي افضل(ع فكرة هو تمنه 50 جند بس ) وبالمرة تغير معاه سير الدينامو...
ده اللي انا اعرفه..ربنا يقدملك اللي فيه الخير ويبعد عنك شرها..

استاذ محمود هو اية فلتر البنزين ده انا عمرى ما غيرته ؟ بيتغير كل قد اية ؟؟
انا برضة خايفة من سير الكاتينه وبفكر فعلا اغيرة

رد: ما هي الصيانه الدوريه للماروتي؟؟

اقتباس:

المشاركة الأصلية كتبت بواسطة marwa miro (المشاركة 797989)

السلام عليكم..
الاخت مروة: فلتر البنزين موجود ف الناحية الشمال قريب اوي من فوق العجلة الخلفية..الفلتر ده فيه منه نوعين( نوع ب 10 جنيه...والتاني ب30 جنيه) بصراحة انا بفضل الغالي لانه شبه اللي راكب ف الماروتي بالظبط..

بالنسبة لسير الكاتينة : سير الكاتينة الحاجة الوحيدة اللي مفيهاش هزار ..يعني لو اي حاجة حصلت ف العربية ممكن تصلحيها بنفسك...انما لا قدر الله .. لو سير الكاتينة اتقطع (زي ماحصل معايا )..لازم ميكانيكي ..وصبابات وجوان وش سلندر ووووووووووو.............ا لخ وقد يتلف الموتور بالكامل....!

الخلاصة:حاولي تغيري سيرالكاتينة في اقرب وقت( ثمن السير حوالي 50 جنيه) بس لازم تروحي لميكانيكي شاطر الاول يفك الوش ويطلع السير القديم وتروحي لبتاع قطع الغيار تجيبي"زيه"بالظبط بنفس عدد الاسنان.. وبالمرة ممكن تغيري سير الدينامو...
والسلام عليكم.

رد: ما هي الصيانه الدوريه للماروتي؟؟

السلام عليكم
سير الكاتينه الأصلي بيتغير تقريبا عند 70 الى 80 الف كيلومتر وبعد ذلك يتم تغييره تقريبا كل 50 الى 60 الف كيلو متر او كل تقريبا سنه ونصف
ومجموعة السيور الباقيه يتم تغيرها عند ملاحظة تلف فيها مثل التشقق او التسليخ او القلب
والله المستعان

رد: ما هي الصيانه الدوريه للماروتي؟؟

جزاك الله خيراً