رد: سيارتى الجديدة اسكودا اوكتفيا 1999
 

الف مبرووووووك يا غالى على العربيه الجديده ,, وكل سنه وانت طيب

ربنا يباركلك فيها ويوفقك لاختيار الصنايعي الشاطر اللى يتابعهالك

المهم اساسيات متابعة العربيه الزيت والسيور ودى لازم تكشف عليهم قبل ما تبدأ تستخدم العربيه

الاوروبى من الاوكتافيا ما شاء الله عليها ممتازة

انا عربيتى اوروبى .. يعيبها فقط ان كارتيرة الزيت واطيه شويه

عشان كدا دخلت مخصوص اقولك خلى بالك من المطبات عشان دا العيب الوحيد فيها وانا لسه كنت فى القصه دى قبل العيد

.. سؤال اخير يا غالى .. هو حضرتك خلصتها على كام .. ومن اسكندريه ولا بورسعيد ؟؟

شكرا واسف للاطاله

رد: سيارتى الجديدة اسكودا اوكتفيا 1999
 

السلام عليكم

اذا كانت سيارتك اوروبية فانت تحتاج الى كشف كومبيوتر لفحص السيارة وقد تحتاج الى تغيير ثيرموستات الحرارة

حتى تناسب الاجواء المصرية

يوجد غطاء حديد يمكن تركيبة اسفل السيارة لحمايتها من المطبات

اطيب تحية

سيف

العراق

رد: سيارتى الجديدة اسكودا اوكتفيا 1999
 

الحمد لله غيرت الاتى
1 الزيت وفلتر الزيت و البنزين
2 سلك البوجيهات والبوجيهات
3 السيور بالشدادة ( الدينمو والتقسيمة)
4 طلمبه المياه والمياه الملونة
5 سنسور الشكمان
6 كويل ( موبينا )
6 بطارية جديدة
الحجات دى كلفتنى بالتركيب 3500جم
بس انتوا سببتوا لى القلق من موضوع المطبات اللى هى كثيرة عندنا في اسكندرية
ارجو التوضيح اكثر وكيفية العلاج:Wkiss5:

رد: سيارتى الجديدة اسكودا اوكتفيا 1999
 

المطبات مشكلة كل العربيات والموديلات الجديده لان معظمها مش عالى عن الارض ...... ومافيش منها قلق طول مانت بتطلع المطب صح ... يعنى بشويش لحد ما تعدى .. او بجمب لو المطب عالى ...

المشكله كلها فى المطبات العاليه على سرعات عاليه

الفكرة كلها ان حضرتك تخلى بالك

وربنا يسترها علينا جميعا

رد: سيارتى الجديدة اسكودا اوكتفيا 1999
 

شكرا لك اخى الكريم كلامك طمنى والحمد لله
دلوقتى حاسس ان الفتيس بعلق اعمل ايه
ارجو النصح منك من خبراء الموقع:Bravo: