المشاركة الأصلية كتبت بواسطة AbOnOrA (المشاركة 1083657)

اولا لا شكر على واجب وانت نورت مصر موتورز ROSE4U

ثانيا .. عايز عربية حمالة اسية ومصروفها على قد الايد وتمنها فيها يبقى عندك فى الرينج ده الاختيارات التالية

- هيونداى النترا الشكل القديم .. موفره فى البنزين ومبتصرفش حاجة غير زيت وتيل قطع غيار متوفرة واسعارها معقولة وماسكة سعر

- تويوتا كرولا الشكل القديم .. نفس الكلام

- متسوبيشى لانسر بومة - نفس الكلام

- دايهاتسو تريوس .. نفس الكلام بالاضافة للارتفاع عن الارض وبالاضافة للمساحة الداخلية اللى مع ثنى الكنبة الخلفية والشنطة الخلفية بقى معاك عربية نص نقل

ديه الاختيارات العملية 100%

الاختيارات الاقل عملية وفيها تضحيه بس فى مقابل متعة قيادة اكتر

السوبارو .. لمتعة الدفع الرباعى ومحرك البوكسر وان كان المواتير اللى بتنزل كلها ضعيفة

الهوندا سيفيك .. متعة القيادة والثبات

المازدا - وديه فى رائى افضلهم كحل وسط بين العملى والاقتصادى

المشاركة الأصلية كتبت بواسطة AbOnOrA (المشاركة 1083658)

اما ثالثا موضوع الاويل سيل ده ان صح التشخيص يتعمل طبعا بس السؤال لو هو سهل صاحبها ليه معملهاش ويسهل بيعتها ... ؟؟

الخوف ان التشخيص غلط وتعمل الاويل سيل وتلاقي الزيت جاى من حته تانية فتضطر تخش فى تغيير باور كامل او طلمبة او غيره على حسب مكان تسريب الزيت

اما موضوع الرش فمن ناحية بنعتبر سمكرة الجناب مش عيب جوهرى فى العربية طالما الاساسيات ( دواخل شنطة وحوض وقوايم وعتب ) سلام ومفيهومش حاجة

لكن موضوع عاملة حادثة او لاء ديه حاجة مقدرش انا ولا اى حد يفتى فيها الا بالكشف والمعاينة وديه حاجة ممكن تعملها فى مراكز فحص او سمكرة ودهان كتير وتعرف اساس العربية ايه