مصر موتورز مجتمع السيارات

لاء والله الموضوع جميل كفكرة وطرح بس الخلاصة فى الاخر ديه مش مقبولة شوية

اقتباس:

نخرج من ذلك بمكسب ايمانى خالص وهو ان الله خلق وجعل
كل الخلق يخرج بصورة طبيعية وطبقا لقوانين حتى تظهر لنا
وكانها خلقت تلقائيا دون خالق لها فكان هنا الابتلاء للانسان
فقد كان الله تعالى بمقدوره خلق كل ذلك فى لمح البصر

اولاً الكون ده اصطلاحاً عن بتوع الفلك يشير الى الفضاء الخارجى وما يحوية من مجرات وكواكب
لكن العقائد السماوية بتعلمنا ان فيه ارض وسماوات
ايش عرفنا بقى ان ما يطلق عليه العلماء انه الكون ماهو الا السماء الدنيا ؟؟

ده غير ان العقائد السماوية كلها بتجمع على خلق السموات والارض فى مجمل 6 ايام (ايام الله)
وحسب ما جاء فى القرأن ان السموات سبع وخلقها قدر الله له ان يكون فى يومين

( فقضاهن سبع سماوات في يومين وأوحى في كل سماء أمرها وزينا السماء الدنيا بمصابيح وحفظا ذلك تقدير العزيز العليم ( 12 ) )

وحسب الاية كل ما يتعامل معاه العلماء من كون بمجرات ونجوم وهيلوم وهيدروجين ينطبق فى الاية على وصف السماء الدنيا فقط (المصابيح ) النجوم

الكلام يطول طبعاً بس حبيت اظهر بعض الجوانب اللى تمنع من توفيق النظرية بتاعة العلماء ديه مع ثوابت العقيدة

الكون بتاع العلماء والمقاييس بتاعتهم ديه لا تنطبق الا السماء الدنيا فقط ده ان صحت لان العلم عموماً لم ينجح حتى الان فى سبر كافة اغوار الارض فضلاً عن السماء احنا لسه لحد دلوقتى بنكتشف مخلوقات جديدة فى البر او البحر
يقوم بعض العلماء يتبجحو ويحسبو عمر الكون كله !!

حتى بفرض صحة حسابات علماء الفزياء والفلك فالتواريخ ديه كمان تنطبق على عمر النشاط فى محيط فضاء السماء الدنيا
لكن مين يعرف السماء الدنيا قبل البيج بانج عمرها قد ايه ؟
مين يعرف كتله وطاقة البيج بانج جت منين هل هى اصيلة فى الكون بتعريفهم ولا وافدة من ابعاد او اكوان تانية
الخلاصة الحسبة من اساسها شطحة علمية ليس اكثر ومش مفروض علينا اى اكتشاف او نظرية علمية نروح بسرعة نوفق بينها وبين نصوص وثوابت عقائدية

اما الفكرة العامة فى ان ربنا خلق السماء والارض بنظام مرحلى ليعطى المثل فديه مفيش فيها كلام ولا خلاف ايا كان راى العلماء