رد: ايه رايكم في السايبا الأيرانية ؟؟ و لا سوزوكي التو
 

أنا مع حضرتك ان التقفيل من جوه مش كويس بس كله على قد سعرها بس هي واسعة جدا من جوه مقارنة بالفئة السعرية بتاعتها فعندك مثلا :
سبارك 1100 سي سي - هتشاباك ( بدون شنطة ) صالون ضيق جدا و بـــــ 52000
بيكانتو 1100 سي سي هتشاباك ( بدون شنطة ) صالون ضيق و بــــــ 55000

أنا بصراحة شايفها عربية كويسة و محتاج أتأكد منكم
بس انا اللي مستغرب منه عدم وجود اي اعلانات عنها و كمان هي مش منتشرة خالص
يا ترى ايه السبب ؟؟؟

رد: ايه رايكم في السايبا الأيرانية ؟؟ و لا سوزوكي التو
 

استاذ ياسر طه اهلا بيك فى مصر موتورز وشكرا على مشاركتك

بالنسبة لاداء الموتور فالموتور هو هو الموتور القديم بس الفرق انه انجيكشن وده بيخليه موفر اكتر فى البنزين (علماً بان الكرابراتير كانت موفرة اصلاً)
مثال البرايد الانجكشن التانك 37 لتر بيمشيك اكتر من 500 كم فى المدينة بدون تكييف والصفيحة بتعدى ال300 كم
ده من ناحية الاستهلاك للبنزين
من ناحية التسارع فهى ممتازة والافضل فى فئتها لان الموتور قوى بالمقارنة بوزن العربية بالاضافة لان الموتور احادى الكامة وده بيخلى عزمة كبير على لفات وسرعات قليلة لكن عزمة بيقل جامد على السرعات العالية (الغيار الخامس)
كمان ظبطة العربية بتبقى على ان ال RPM يبقى الايديال بتاعة على 900 تقريباً وده بيخلى العربية سحبها سريع ويكفى انك ترفع رجلك من على دواسة الدبرياج علشان تمشى
سرعة الايديال فقط بتوصل ل 20 كم فى الساعة على الغيار التالت

من حيث الاعتمادية فالموتور تصميمة كان من شركة مازدا وكودة B3 واستخدم فى عربيات كتير منها المازدا 121 ودمينو وفورد فيستيفا وجميع موديلات البرايد الكورى والمصرى والايرانى وهو موتور تصميمة سهل وعملى وقليل الاعطال

وديه معلومات تفصيلية عنة
http://en.wikipedia.org/wiki/Mazda_B_engine
B3

1.3 L (1324 cc, 81 cu in) B3 - (71x83.6 mm). It was available in SOHC and DOHCFord Festiva, the 1987-1989 Mazda Familia and the 1987-1989 Ford Laser, and 1994-1997 Ford Aspire. Later variants were used in the Mazda Demio microcar as late as 1999. variants and was found in the Kia-built 1988-1993
Horsepower: 63 hp (47 kW) @ 5000 rpm Torque: 73 ft·lbf (99 N·m) @ 3000 rpm

من ناحية القوة والخرج فهو مناسب لاضافات العربية (تكييف وباور) وده راجع برضو لانه احادى الكامة فعزمة مع التحميل بيفضل كويس

اتمنى ان اكون وفقت فى الاجابة على استفسارتكم وتحت امرك فى استفسار اخر

رد: ايه رايكم في السايبا الأيرانية ؟؟ و لا سوزوكي التو
 

شكرا يا استاد ابو نورا على الاهتماموبس انا ليا سؤال:
هل حضرتك بتتكلم على العربية الايرانى ام عن خبرتك السابقة بالعربية الكيا برايد الكورى
انا كمان ليا ملاحظة من متابعتى لاسعار السيارات المستعملة على النت ,و هى ان العربية البرايد الايرانى اللى نزلت سنة 2006 (السابا) بتتعرض بسعر قليل (مثلا 36000 للعربية 2006) و هو ما يقارب سعر البرايد القديمة موديل 99 مثلا, طب لية...........

رد: ايه رايكم في السايبا الأيرانية ؟؟ و لا سوزوكي التو
 

رد: ايه رايكم في السايبا الأيرانية ؟؟ و لا سوزوكي التو
 

شكرا يا استاد ابو نورا
انا مقتنع بكلام حضرتك جدا ,و انا طمعان اسال حضرتك سؤال فى موضوع شراء عربية مستعملة
هل اسعار المستعمل المعروض على النت مبالغ فيها شوية ,اصل انا سمعت من اصحابى اللى لسة شاريين من سوق الجمعة اسعار اقل من اللي بنسمعة من على النت,
كمان اية راى حضرتك لو معايا 30 الف اشترى برايد مستعملة اقعد بيها فترة و بعدين انقل على حاجة اكبر ولا اشترى برايد ايرانى جديدة و ااسط الباقى(و الحمد للة مرتبى يسمح) و فى الحالة دة حرام ابيعها قبل فترة كبيره
و على فكرة انا لا املك عربية لكن احيانا باتسنكح على اخواتى و اركب عربياتهم.......ز
و جزاك اللة كل خير