رد: أفيو ولا فرنا و لا لانوس
 

الافيو احلى واكبر وافخم لكن مع احترامى لازم الانوس تخرج من المنافسه مش لانها وحشه بس خلاص انتهت الانوس محدش بشتريها زيرؤ دلوقتى الا قليل هى شغاله فى سوق المستعمل اكثر بس انا اساسا معايا فورد فيستا

رد: أفيو ولا فرنا و لا لانوس
 

ده بأعتبار ان الافيو احسن ولا ان جينيرال موتورز موقفها حرج ... وبالتالي ننساها لانها خارج المنافسه؟؟

هي طبعا الافيو اشيك واحدث و احلى ... بس اللي يقلق وضع جنرال موتورز[/quote]

كويس ان سيادتك اعترفت بان الافيو اشيك و احدث و احلي بس كمان احب اضيف لحضرتك الاتي
1- الافيو اعلى بحيث انها تناسب الشوارع الجميلة اللي في مصر المحروسة
2- الافيو تتميز برحابة من الداخل عن الفيرنا وده بشهادة الجميع
3- توكيل شيفروليه افضل بكتير من توكيل هيونداي
4- سيادتك بتشتري سيارة و الا بتشتري اسهم في شركة جينرال موتور علشان تقلق من موقفها الحرج ؟!! ptmnlo123per1127 السيارة معاها ضمان و لو خايف اكتر أمن عليها تامين شامل (في حود الفين جنيه) و ريح بالك .

على فكرة انا مش معايا سيارة افيو... بس دي شهادة حق و الارزاق على الله

رد: أفيو ولا فرنا و لا لانوس
 

ضمان من مين ؟؟

من شركه التأمين
ده عشان الحوادث

ولا ضمان الوكيل؟؟

لو فرضنا ان الشركه الام قفلت .... مبقاش فيه حاجه اسمها شيفروليه
الوكيل حيفضل شغال؟؟.... وليه

انا فعلا مبشتريش اسهم .... بس بشتري عربيه محتاجه صيانه و قطع غيار ومراكز خدمه
مين يضمنلي دول؟؟

ياريت لو حضرتك تقدر تجاوبني عن الاستفسارات دي .... لأن اللي بسمعه اليومين دول و بالذات عن جينيرال موتورز غريب جدا .... انا نفسي مش متصور ان الشركه ممكن في يوم وليله(مش عارف ايه الكلمه المناسبه ) ... تقفل .... تفلس .... تودع.... تتباع ... مش عارف


ولاقدر الله لو ده حصل .... ايه التوابع؟؟؟ ptmnlo123per144

وعلى فكره الكلام مش بس على الافيو .... اللانوس برضه موقفها غريب ptmnlo123per160
من دايو لشيفروليه!!!!!!!!!!
بصراحه حاجه تحير ..... واكون شاكر لحضرتك لو عندك معلومات او تصور للي بيحصل

رد: أفيو ولا فرنا و لا لانوس
 

طبعا من حق حضرتك و كثير من الاخرين ان يلتبس عليهم الامر نظرا للاحداث الاخيرة التي تشهدها اسواق المال العالمية حاليا ، و لكن لو نظرنا الى الموضوع من اكثر من جانب نجد ان ما يحدث الآن ما هو الا هزة عنيفة سوف تتهاوى امامها معظم الشركات التي ينحصر نشاطها في مجال واحد او مجالين ولكن بالنسبة لكيان ضخم مثل جينرال موتورز فأنا اعتقد ان الموضوع يختلف طبقا للمعلومات المتوفرة عن الشركة و لكي يتم تحليل الموضوع من كافة جوانبه .
-
جنرال موتورز هي شركة متعددة الجنسيات، أميركية الأصل. تعتبر من أكبر منتجي السيارات في العالم. تأسست عام 1908، مقرها الرئيسي في مدينة ديترويت الأميركية وهي توظف نحو 266 ألف موظف في مصانعها المنتشرة في 35 دولة، وقد حققت عام 2005 رقما قياسيا إذ باعت 9.17 مليون سيارة تحت أسماء كاديلاك، وبيويك، وشيفرليه، وجي أم سي وهمر وهولدن وجي أم دايو وأوبل وبونتياك وساب وساترن وفاكسهول. عام 2007 جاءت الشركة بإيرادات بلغت 181 مليار دولار لكنها عانت من خسائر فادحة بلغت نحو 38.7 مليار دولار.
تعد جنرال موترز واحدة من أكبر الامبراطوريات المالية في العالم، وهي تقدم إلى جانب صناعة السيارات تعمل في مجالات التأمين والتمويل التجاري والسكني، وتعد شركة أون ستار جي أم التابعة لجنرال موتورز رائدة صناعة سيارات السلامة وخدمات الأمن والمعلومات في العالم.
وتملك جنرال موتورز معظم أسهم شركة دايو للسيارات والتقنية في كوريا الجنوبية، كما أن لها تعاونا تجاريا وصناعيا مع شركتي إيسوزو وسوزوكي اليابانيتين، وتتعاون في مجال تقنية صناعة السيارات مع مجموعتي ديملر كرايسلر وبي أم دبليو الألمانيتين وتويوتا اليابانية، ولها عدة مشاريع في صناعة مركبات بالتعاون مع شركات عالمية بالإضافة إلى تويوتا وسوزوكي هناك شنغهاي لصناعة المركبات الصينية، ورينو الفرنسية، وشركة أوتوفاز الروسية.

اعتقد ان شركة بهذا الحجم قد تصمد امام هذا الاعصار ، و الا كان الله في عون جميع مالكي السيارات التي تنتجها الشركة
هذا و الله اعلم

رد: أفيو ولا فرنا و لا لانوس
 

كل الكلام ده هايل ... و بيوضح حجم جي ام ... بس كل ما كان حجمها كبير ... كل ما كان الانهيار كارثي....... الا اذا تدخلت الحكومه الامريكيه

ياريت حضرتك تشارك او تقول رأيم في المواضيع دي

http://www.masrmotors.com/vb/showthread.php?t=3604

http://www.masrmotors.com/vb/showthread.php?t=3473

http://www.masrmotors.com/vb/showthread.php?t=3485

الغريب ان مشاركه حضرتك قريبه جدا من موضوع الزميل نيسان (معلومات عن شركه جنرال موتورز ) لكن فيه اختلاف في الارقام ؟؟؟؟ و معلومات اضافيه ... برغم ان فيه جمل متطابقه تماما!!!!