رد: تقرير شامل عن Citroen C4 موديل 2013
 

up up up .,,,. in shaa ALLAH
expert members will answer you .,,,.
:pod_of_gold:

رد: تقرير شامل عن Citroen C4 موديل 2013
 

هو موضوع البنزين 95 معتقدش انه صح لان جميع محركات 1600 سي سي تقريباً بتشتغل بـ92 عادي ماعدا محركات 1400 التربو زي السكودا الجديدة دي لازملها بنزين 95
بصراحة انا مجربتش العربية بس العربية في موقع كار باير الانجليزي واخدة تقييم 4\5 والسبب هو ان عيب العربية صغر حجم ناقل الحركة بس ميهمكش علشان هي اوتوماتيك
والعيب التاني حسب ما مكتوب في الموقع ان سرعة العربية تحت الـ100 كيلو بتبقى ضئيلة حبتين إنما بعد الـ100 كيلو بتبقى وحش كاثر واعتقد ردو ان موضوع السرعة دا ميهمكش
هي العربية سرعتها طبيعية بس بيقولك ان سحبها المبدئي مش قوي اوي
وللتأكد ادخل الموقع دا :
http://www.carbuyer.co.uk/reviews/ci...tchback/review

العربيات الفرنساوي قوية وطبعاً مافيهاش عيب بس عيبها الوحيد قطع غيارها الغالية بس دا يرجع لإستعمالك للعربية

- ياريت يا برنس تجرب العرية شخصياً لو فعلاً موجودة مع احد اقربائك او اصحابك
في امان الله

رد: تقرير شامل عن Citroen C4 موديل 2013
 

الأخ الفاضل السيتروين سيارة محترمة و رائعة بكل المقاييس لأنها من شركة رائدة و مبتكرة و مخترعة في عالم السيارات الي جانب أن سمعتها معروفة في العالم كله. كل السيارات تستعمل بنزين 92 الا اذا نص الوكيل علي غير ذلك و ممكن اتصال بالوكيل و يفيدك كمان السيارة معي موديل 2006 و ممتازة فأكيد الجديد سيكون أفضل تكنولوجيا و كفاءة و اعتمادية و شكلا رغم أن الشكل لم يتغير جذريا لكن هي سيارة ممتازة علي كل المستويلت و الوكيل كويس و المحافظة علي السيارة بالتعامل مع وكيل أو مركز خدمة معتمد و كل السيارات كدة حتي الصينى و نظام الميكانيكى الشامل بتعا زمان انتهي لاختلاف التكنولوجيا و التطور

رد: تقرير شامل عن Citroen C4 موديل 2013
 

ماشاء الله
تقرير اكثر من رائع، تسلم ايدك
العربية دي كانت احد المنافسين بقوة لما كنا بنختار عربية نشتريها، بس رسينا على الفيلوستر في الاخر

وبالنسبة لموضوع 95 ده، انا بصراحة مش مجرب بس هاستغرب جدا لو الوكيل جه قالي انت كنت بتحط 92 مش 95، اعتقد ان الفرق مش واسع اوي يعني عشان يلاحظوه، ويا سيدي يبقى املاها 95 قبل ماتروحلوهم في الصيانة.
المفروض ان كل العربيات فيها فلتر بنزين محترم، واللي اعرفه ان 95 من 92 ما تفرقش غير في عدد مرات تغير الفلتر ده بس عشان بيتوسخ بسرعة مع ال 92

رد: تقرير شامل عن Citroen C4 موديل 2013
 

انا متشكر جدا على مساعدتكم من الواضح ان الموضوع موضوع جوازه بجد لانى حاولت انى اقنع نفسى بالواقع الا هما بيحاولو يقنعونى بيه وخاصة ان ربنا رازقنى بأصحاب نصهم تجار عربيات فطبعا انا بالنسبلهم كده مجنون المهم حاولو يدخلولى من مدخل تانى وهوه انى راكب النترا 2012 عربيه واسعه طبعا محدش ينكر فقالولى خلاص نشوف اوربى تكون كبيره زيها الواحد بيكبر العربيه مش بيصغرها قلتلهم ماشى وروحت على معرض الرواد ولقيت الفلوانس 2013 شكل جميل اوربى كبيره وبكده ماليش حجه شفت العربيه اليوم الاول ودخلت دماغى شويه على اساس الحلول الوسط واخدت زوجتى وروحت تانى يوم بس للاسف مالقيتش بينى وبينها كيمياء خالص
هيا تانى فئه بصراحه لو صرفنا النظر عن الفروق الا بين الاوربى والكورى لقيت ان عربيتى شكلا حلوه وحسيت ان الفلوانس هزهق منها كمان شهر
كمان تقفيلها تركى وباين طبعا شغل مهند وسمر فيها مش شغل جان رينوه وخاصة للناس الا زيي كده بتهتم اوى بالتفاصيل
بصراحه ما بقتش عارف احساسى انى لو جيبت السيتروين مش هغيرها قبل 3 -4 سنيين ولو جيبت الرينو يمكن اروح الشغل بالعجله بعد شهرين
بالله عليكم ساعدونى علشان انا شايف انكم هتكونو عمليين معايا وعلى الحياد ولكم جزيل الشكر