المشاركة الأصلية كتبت بواسطة الكشفى (المشاركة 561522)

1- الطريق الزراعى ( استبعده لانة ممل وطويل ومطبات وقرف )
2- الصحراوى الغربى ( طريق ممتاز جداً وفردى يعنى كل اتجاه ليه طريق لوحده بس طويل شويتين بس برضو عليه خدمات كتيرة بمعنى انك مش هتحس انك فى صحراوى )
3- الصحراوى الشرقى ( اقصر من الطريق الغربى فى حدود 60 كم بس مزدوج يعنى رايح جاى مع بعض والخدمات معقولة علية لا بكثيرة ولا بقليلة )
4- طريق الجيش (ودى اخرها اسيوط مش سوهاج برضو الطريق مش مزدوجة وجميل جداً بس الخدمات قليلة جداً واقصر من الشرقى )

المشاركة الأصلية كتبت بواسطة zambarota (المشاركة 561567)

السلام عليكم ورحمه الله
طريق الجيش يعتبر من اجمل طرق الصعيد

انت بعد لما تركب الوستراد تفضل ماشى عليه وتعدي صقر قريش وبعدها سجن طره وبعد كدا تعدي مايو وانت فى مايو فى 2 بنزينه واحد فى المقابل (موبيل)
والتانيه(اويللبيا) لو عايز تحط بنزين
بعدها هاتمشى هالاقى يافطه بقولك طريق الكريمات الزم اليمين
تطلع مطلع الطريق يمين

كدا انت على اول طريق الجيش اول وصله وهى حلوان-الكريمات- بنى سويف
الطريق واسع وجميل جدا والسرعه للملاكى 120
بعد حوالى 7 كيلو هاتلاقى كارته حلوان وفى 2 بنزينه وطنيه فيهم كل الخدمات
بعدها هاقطع حوالى 50 كيلو هاتلاقى كارته الكريمات وفى هناك بنزينه وطنيه بس فى المقابل

بعدها بحوالى 2 كيلو هاتلاقى بنزينه وطنيه بس تحت الطريق(على طريق الكريمات الزعفرانه)
هاتفضل ماشى حوالى 50 كيلو هاتلاقى مخرج بنى سويف طبعا حضرتك هاتفضل مكمل لو عايز تنزل بنزينه وطنيه فى واحده فى بوابه الكارته بتاعته بنى سويف لان بعد كدا مفيش بنزينه لحد اسيوط
تانى وصله هى (بنى سويف-المنيا-اسيوط) والطريق لسه بيلمع من نضافته هاتفضل ماشى فيه لحد متوصل اسيوط

الطريق جميل جدا واحسن من الغربى 100 مره ومش هاتحس انك مسافر اصلا

ولو فى اى استفسار انا موجود للرد

المشاركة الأصلية كتبت بواسطة s_shekabala (المشاركة 561568)