رد: الحقوني يا جماعه
 

طيب بالنسبة للمساعدين انت ناوى على الأصلى ولا الصينى ؟

اصل أنا سألت لقيت المساعدين الأصلى عاملين 500 جنيه عند حلمى سليمان وفيه نوع تانى صينى بيشكرو فيه عامل 290 وده اللى قررت اجيبه بس أنا ناوى اسأل عند الجندى الأول يمكن الاقى سعر احسن من كده .

رد: الحقوني يا جماعه
 

انت بتتكلم علي مساعد واحد ولا علي اتنين انا سالت عند الجندي قلي الاتنين الي قدام ب 500 وحاجه والاتنين الي ورا ب 400 وحاجه بردو الطقم كامل ب 1030 انت كانت سال علي ايه بقي يا باشا لحسن كده واضح ان في تفاوت في الاسعار جامد

رد: الحقوني يا جماعه
 

أنا باتكلم عن المساعدين اللى ورا يا جميل هما دول اللى عايزين يتغيرو عندى

وأنا لسه متصل حالا بالجندى وقالى أن جوز المساعدين الخلفى اليابانى عاملين 480 وماعندوش صينى .
اما حلمى سليمان اللى فى التوفيقية فده عنده جوز المساعدين الخلفى اليابانى ب 490 والصينى عاملين 290 وكان بيقولى الصينى كويس ومش عارف غاز وايه تانى .

بالنسبة للطنابير فلقيتها عند حلمى سليمان ب 200 جنيه بس مش عارف دى نوعها ايه ، الجندى قالى عنده الطنابير ب 350 ودى الاصلى ، ومادام فرق السعر جامد كده يبقى اللى عند حلمى سليمان شكله صينى برضو .

تيل الفرامل الخلفى لقيته عند حلمى سليمان عامل 45 جنيه وده نفس سعر التيل القدمانى ومالقيتوش عند الجندى .

والبلى عند الجندى عامل 45 جنيه ومسألتش عند حلمى سليمان عن سعره .

رد: الحقوني يا جماعه
 

تسلم ياباشا بس انا رئي لو هتجيب جيب الياباني علي طول بلاش الصيني عشان حاجه تعيش والجندي مضمون بردو بس انا عايز اعرف منك حاجه هو البلي ده بتاع العجل كلو ولا عجله واحده بس

رد: الحقوني يا جماعه
 

طبعا اليابانى او الاصلى احسن وحايعيش بس أنا محكوم بالماديات خصوصا ان فيها حاجات كتير عايزة تتغير وكل ما بأجل بتطلعلى حاجة جديدة .

بالنسبة للبلى فبيتهيألى ان سعر البلى ده بيبقى للعجلة الواحدة ده اللى أنا كنت فهمته من شرح الراجل

بالمناسبة أنا اخدت نمرتهم لأن الرقم اللى كان حطه ابو نورا قبل كده ليهم ماكنش حد بيرد عليه .

24516008
0123916567

وبعد السؤال فى المحلين بقى عندى تصور ان الجندى تجيب منه الأصلى واليابانى اما حلمى سليمان فينفع فى الصينى ، ولو لقيت نفس الحاجة موجودة عند المحلين غالبا حتلاقى الجندى ارخص .