|
رد: مشكلة فى مؤشر البنزين فى لانوس 2011 ارجو النصيحة
ربنا يكرمكم يا شباب انتم طمنتونى وانا بكرة ان شاء الله رايح التوكيل برضوا عشان اركب انزار فخليهم يبصوا على المؤشر ويشوفوا اية النظام وهقولكم اية اللى تم
شكرا مرة تانية وربنا يجعلة فى ميزان حسناتكم |
رد: مشكلة فى مؤشر البنزين فى لانوس 2011 ارجو النصيحة
انا لسه بردو ملاحظ الموضوع ده فى العربية عندى 2011 و كنت فاكر ان فى حاجة مش مظبوطة .. المؤشر واقف على 4\3 التنك و مش بيتحرك و شكرا على معلومة ان هو مش بيصفر مع فصل الكونتاك .. انا كنت ناوى اروح التوكيل بكره اشوف ايه الوضع بس انتم كده طمنتونى .. و ياريت يا dr_maged تقولى ايه نظام تركيب الانذار فى التوكيل و المصنعية و النوع اللى حضرتك جبته علشان ناوى اعمل الموضوع ده قريب .. و شكرا
|
رد: مشكلة فى مؤشر البنزين فى لانوس 2011 ارجو النصيحة
ممكن تكون المشكلة دي مشكلة تعليقة في العوامة مش اكثر وبعين دة عيب بسيط
|
رد: مشكلة فى مؤشر البنزين فى لانوس 2011 ارجو النصيحة
السلام عليكم
انا روحت التوكيل يوم الخميس الماضى والحمد لله لقيت واحد اعرفة من اللى شغالين فى التوكيل فاستريحت شوية وقلتلهم على المشكلة لقيتهم غيروا حاجة من تانك البنزين اللى تحت الكرسى الخلفى مش عارف بالظبط تقريبا طرمبة البنزين ولا حساس ولا اية بالظبط ولسة بلاحظ المؤشر من يومها بس لحد الان ماشى كويس وبينزل بصورة طبيبعية وواحد من اللى هناك قالى ان المشكلة دى منتشرة فعلا فى اللانوس موضوع الانزار بقى انا جبت الماركة اسمها سيمفونى وكله قال انها احسن واحدة بس خلى بالك وانت رايح تركبها خد معاك صباع سنتر اتنين طرف والا هيرجعوك تشترى واحد حتى ولو عندك سنتر فى العربية تمام التكلفة بقى لو انزار بس السعر 210 انا كنت واخد معايا وحدتين رفع وقالولى الانزار ووحدات الرفع هيتكلفوا 380 جنيه بعد الواسطة والخصم عملوها ليا ب 300 بس هوه غالى جدااا طبعا بس انا عارف ان التقفيل المصرى فى مشاكل كتير ففضلت انة اعمله عندهم عشان ما اطلعش من ضمان الكهربا ودلوقتى بقى ظهرت مشكلة تانية صوت طقطقة ىف الجنب الشمال على السرعات العالية بس مش عارف اية سببه ولما اعرف هقولكم |
رد: مشكلة فى مؤشر البنزين فى لانوس 2011 ارجو النصيحة
اقتباس:
حاول تسرع بالكشف على بلى العجل كله لأن فيه شك كبير أن ولاد الأيه فى التوكيل مركبنلك بليه أو أكثر وحشين ( نوع ردىء ورخيص ) وده مش كويس وأنت ماشى على سرعات بالعربيه _________________________ _ أنصحك تعمل ترصيص فى أى مكان فيها جهاز أتزان ديناميكى بيسموه فى لغة السوق بموتوسيكل الترصيص |
| الساعة الآن 07:14 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017