رد: 50000 يجيبوا هوندا اية ارجو المساعدة
اقتباس:
السيفيك 92-95 Si بتنزل بموتور 1600 بكامة علوية مزدوجة و حقن الكتروني بيعمل حوالي 130 حصان يوجد منها اوتوماتيك و مانيوال + تكييف + سنتر + مرايات كهرباء+ فتحة سقف كهرباء والشغل النظيف بيبان فيها قوي عيبها الوحيد ان شوارعنا المنيلة بنيلة ساعات بتكون عاليه عليها في المطبات أيها لازم تكشف عليها كويس و خصوصا لو واخدها من شاب عادة الشباب بيخلصوا على موتورها و بيسقطوا موتور SiR بجميع مشتملاته من عفشة و ناقل حركة و ظفيرة و بتبقى عربية مجنونة فعلا ب 175 حصان أنا مجربتش البيمر علشان اقدر افيدك ...بس معلوماتي ان قطع غيار البيمر أغلى من الهوندا |
رد: 50000 يجيبوا هوندا اية ارجو المساعدة
طبعا الهوندا ممتازة ..
وممكن توقع واحد 96 او 97 كويسة وهتعمل من 50 الى 55 الف .. من الاخر عربية ممتازة جدا وانا عن نفسى نفسى ابيع عربيتى واجيب هوندا ان شاء الله ... وممكن بعدين تسقط موتور sir هتلاقى فرق جامد اوى (لو ليك فى الجرى) ... |
رد: 50000 يجيبوا هوندا اية ارجو المساعدة
الف شكر ياشباب على الردود الجميلة دى وانا الحمد لله اقتنعت بكلامكو واول ما انزل القاهرة هادور على واحدة وانا ونصيبى بقى
وربنا يجعل الى فية الخير |
رد: 50000 يجيبوا هوندا اية ارجو المساعدة
اذا كنت بتميل برضه لحاجة موديلها عالي و تكاليف تشغيل بسيطة و حالتها جديدة
ممكن تفكر في هوندا سيتي 2004 - 2005 بتعمل برضه في حدود 50 - 55 الف و هتبقي جديدة و ما اتلعبش فيها كثير ،، و اعتقد انها 1300 سي سي 117 حصان و موتورها ذو تكنولوجيا عالية و حديثة 4 سلندر 8 بوجيه و يتستهلك 5 لتر لكل 100 كم داخل المدينة |
رد: 50000 يجيبوا هوندا اية ارجو المساعدة
السلام عليكم
اولا انا بقدر الناس اللى بتفهم وبحب تركب اولا انا معايا سيفسك 1992 si 175 HP العربيات دى محترمة جدا و مش هتلاقى حاجة فى سعرها بالقوة ولا الثبات دة لا كريستالة ولا كرولا ولا اى عربية هتملى عينك وانت معك سيفيك توكل على الله و اشترى سيفيك اهم حاجة..... تكون نضيفة - الموتور si - اللون (احمر - ابيض - الوان مش غامقة ) علشان تعرف تبيع ويكون ليها سعر شكرااا |
الساعة الآن 11:57 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017