رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

استاذنا الفاضل أشكرك على تكرمك بالرد وأشكرك ايضا على سعة صدرك البوجيهات الالكترونى كان صاحب العربية الى اشتريته منها بيركبها اصلا البوجيهات العادية ب 32 جنيه وكانت بتقرفنى وتكرهنى فى نفسى وتخلى العربية تلت والسبب واخدة رطوبة اصلا او مضروبه رحت سالت صاحبها قالى لا ركبلها الالكترونى اشتريت الالكترونى ب 46 جنيه وهى ميزتها انها لا تغلوش او تشوش على اجهزة السيارات الحديثة انما معايا مش هتاثر لانى معايا 128 ما فيهاش كمبيوتر ولا دوائر تتاثرجبت كتالوج الصانع لفيات 128 وبحثت على الانترنت لغاية ما عرفت ان فيات كانت بتضبط خلوص البوجيهات لما صنعت العربية على 0.5 الى 0.6وكذلك الريجاتا والريتمو ال 132 وده من واقع كتالوجات فحص منشورة بتفاصيل عربيات فيات وطرحت استفسار فى المنتدى والاعضاء ربنا يبارك فيهم افادونى انها من 0.7 أو 0.6 وانا خدت الوسط وجمعت بين الرأين وخليتهم 0.6ضبطت البوجيهات على كده بص أصلا انا بستخدم دايما البوجيهات دى ام مقاومة الى بيسموها الالكترونى وهى مش بتعملى مشكلة وبتعامل بيها من زمان ولما ظهرت مشكلة الرجرجة غيرت البوجيهات مرتين وجبت جديد علشان أعرف العيب منها ولا لأوبكده استبعدت البوجيهاتوعلى كل حال انا هغير بوجيهات مرة تالته من باب الاطمئنان وهضبط الثغرة على الى حضرتك تشوفه أو هسيبها على ضبط المصنعومتابع مع حضرتك

رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

عايزك تكون مطمن أن خرطوم رااجع البنزين من الكربوراتير يكون راكب

بين راجع الكربوراتير وخط رجوع البنزين الزياده لتنك البنزين

لو كان خط الراجع تمام

......

يبقى المفروض حاليا نفكر فى كاركة البنزين ( أى طلمبة البنزين )

وارد يكون بها مشكلة ما

رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

معلش انى تعبتك معايا انا بعتذرلك على الاطالة لكن عشمى انك تعلمنا وتفدنا انا راجعت الطرمبة وراجعت خراطيم الراجع وخرطوم المضخة كله تمامرحت اشتريت موبينه جديدة وركبتها واشتريت وش شاكوشواشتريت وش اسبيراتيرتك تاك غيرت كل ده ولا واحد طلع هو السبب طلع الشىء الى كنت غير متوقعه الابلاتين والكوندنسر دلوقتى انا عندى سؤال وعايز اعرف اجابته انا اشتريت ابلاتين وكوندنسر ماركة فرنسية مكتوب عليه صنع فى فرنساواشتريت ابلاتين وكوندنسر ماركة ماكو مكتوب عليه صنع فى تركيا شلت التالف لقيته لادع ومفوت وركبت الجديد وهو الفرنسى قعد ليلة وتانى يوم لقيته لدع شلته بعد ان عرفت انه لدع وركبت واحد تركى قعد يوم ولدع ركبت واحد فرنسى تانى اشتغل حلاوة وزى الفل يا ترى ايه السبب ؟هل البضاعة خلاص بقت مضروبه ولا الكوندنسر بيقى تالف ولا فيه حاجة فى العربية بتخليه يدلع بسرعة ولا السبب فى ضبطة الابلاتين نفسها ولا ايه ولا ايه ؟واهم سؤالين بعد كده ازاى اعرف ان المكثف تالف او بايظ وازاى اقدر اقيسه بالفولتميتروازاى اركب اثنين مكثف على الابلاتين لانى حاولت بس العربية ما دارتشى الا لما شلت واحد منهم يا ريت اجابة بارك الله فيك وفى الاعضاء الهمام اللى بينورنا دايما ويرحمونا من بليه واتباعه ؟

رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

لازم فعلا تطمن على كفاءة الكوندنسر الحالى

وبالنسبه لطريقة أختبار المكثف ( الكوندنسر )

هحاول أشوفهالك وأبلغك بإذن الله

ومن رأيى

بلاش موضوع تركيب أكثر من مكثف

( لأنه بيعتبر حشو مصرى غير مفضل )

ومفيش شك

الإلتزام بالتصميمات للدوائر الكهربيه واجب لعدم حدوث مشاكل فنيه

------------------------------------------

لكن !!!!!!!!!!!!!!!!!!!!

أنا شاكك أن هناك عندك خطأ معين فى دائرة الإشتعال

فيه كهرباء عالية الجهد بتروح من البطاريه للأبلاتين تؤدى لتلفه

وهنا يحضرنى سؤال هاااااااااااااااااااااااا ااام

هل جربت تشيك على شحن الدينامو ...................؟.

رد: وانت بتركب ابلاتين وكوندنسر لو تاه منك اتجاه الشاكوش تعمل ايه ؟
 

بصراحة حضرتك لازم تكون امير ذهبى مش عضو فضى لانك فى غاية الذوق بترد بكل اهتمام وبترد بسرعة ومش بتتأخر على اللى بيسألكبالنسبة لملحوظة حضرتكالدينامو هل له علاقة بكدهطيب ،أنا ممكن اقيس كهربة البطارية وكمان مستوى شحن البطارية واجيب الارقام لحضرتكبس عايز حضرتك تفهمنى ايه العلاقة بين الدينامو ولدع الابلاتين بالسرعة دى لانى عندى فضول كبير اعرفواشكرك انك بتستحملى اسئلتى الكثيرة