مصر موتورز مجتمع السيارات - الداستر وأه من الداستر....يبدو أنها هي ولا شئ غيرها

مصر موتورز مجتمع السيارات (https://www.masrmotors.com/vb/index.php)

- رينو داستر Duster (https://www.masrmotors.com/vb/forumdisplay.php?f=162)

رد: الداستر وأه من الداستر....يبدو أنها هي ولا شئ غيرها

القشقاى مش 4x4 - لأ دى سحب امامى فقط
الداستر 4x4 و أرخص

رد: الداستر وأه من الداستر....يبدو أنها هي ولا شئ غيرها

شكرا يا شباب للمشاركة ربنا يبارك فيكم

والله هي الداستر جميلة وكمان الناس بتوع قطع غيار الرينو زي البساطي وميشيل حليم بدأو يشتغلوا في الجديد على ما أعتقد فإن شاء الله قطع الغيار تتوفر
وربنا ييسر لنا الأمر وأخذ قرار داستر ولا أوكتافيا

رد: الداستر وأه من الداستر....يبدو أنها هي ولا شئ غيرها

احلى التعليقات
سميت الله ودخلت وهنا تذكرت أيام السعودية واللاندكروزر داخل وإنت واقف
وكمان بتنزل من العربية وإنت واقف ومفيش داعي توطي لدرجة إنك تبوس الأرض
قبل ما تدخل :w6w200504111340266d
سبورتاج جميلة وقشقاي ايضا جميلة واستخير ربنا في الامر وان شاء الله يوفقك في الاختيار

رد: الداستر وأه من الداستر....يبدو أنها هي ولا شئ غيرها

اقتباس:

المشاركة الأصلية كتبت بواسطة ناصر حسن ابراهيم صالح (المشاركة 594610)

أعزك الله حبيبي
شكرا للمشاركة بارك الله لك
ربنا يوفق وييسر لنا الأمر في الإختيار

رد: الداستر وأه من الداستر....يبدو أنها هي ولا شئ غيرها

اقتباس:

المشاركة الأصلية كتبت بواسطة elmahdy29 (المشاركة 594173)

اللي انت بتحكيه بيقول داستر... هي المناسبة لكل احتياجاتك.... بالاضافه لاسعار قطع الغيار موفرة كتير عن الفانتازيا ... على فكره,.. الرينو اتغير اوي بعد ما اتحد مع نيسان ومابقاش فيه اي مشاكل زي زمان
بس ياريت تبص على نيسان كاشكاي الجديدة... اجمل 4*4 صغيرة موجوده حاليا... ومصنوعه في انجلترا... انا قلبتها كويس... لا شيء يفوقها... هي عند سمير ريان
وربنا يوفقك

مساء الخير علي كل الاعضاء ,
حضرتك بتقارن بين فئتين صعب ان حضرتك تقارن بينهم و بالتأكيد الداستر هتتظلم في المقارنة دي لسبب واحد الفرق الشاسع بين كماليات العربيتين لان الداستر كماليتها محدودة شوية بالنسبة للاسكودا او الاسبورتاج او حتي القاشقاي .
بس فهمت من كلام حضرتك انك بتفضل العفشة اللي تقدر تستحمل المطبات و النقر و طرق مصر الجميلة وعلشان كمان لو حضرتك بتسافر كتير فعلشان كدة اقدر ارشح لحضرتك الداستر بين كل الترشيحات التانية اللي اتفضل بيها الاعضاء .و ده علشان :
1- احسن عفشة عربية ركبتها في مصر .
2- ما شاء اللة اتزان ما بعده اتزان و ده علي سرعات عالية .
3- صالونها اوسع بكتير جدا جدا عن الفانتازيا (عن تجربة) لان الاسكودة نصها شنطة .
4- و اللة بعامل العربية دي اسوء معاملة باخد بيها نقرو مطبات , بركن علي ارصفة عالية , و بخش فيها ببرك مية ,بطلع بيها في الصحراء مع صحابي و اللة و لا اشتكيت , وع فكرة عفشة الفانتازيا ناشفة جدا.
5- اعلي بكتير من القاشقاي و خصوصا من الاكصدام الامامي , و اوفر في السعر من الاسبورتاج .
6- تجميعها احسن بكتير من الكارينز .
7- اقل نسبة عيوب وسوء تقفيل شفتها في عربية وده واضح من آراء الناس سواء في الوطن العربي او العالم .
و ع الرغم من كدة ممكن حضرتك تاخد في اعتبارك عند قرار الشراء الملاحظات دي :
- الاسكودا طبعا تجميعها احسن بكتير من الداستر .
- فرق كماليات رهيب بين العربيتين اوبين الداستر و جميع العربيات المطروحة وده مش في صالح الداستر .
- الاسكودا اتزانها اعلي بشوية من الداستر و ده بيبان خصوصا بعد 160 كيلو .
- الكارينز بصراحة اوسع من الداستر .
- صالون الداستر فيه حاجات مستفزة شوية زي الازاز الكهربا و مفيش مسند بين الكرسيين الاماميين .
- الاسبورتاج و القاشفاي اشيك و ارقي و افخم بكتير جدا من الداخل .
و بقي علي حضرتك انك تختار بين امكانياتك و متطلباتك و مواصفات العربية اللي حضرتك محتاجة و آسف جدا علي الإطالة .