مصر موتورز مجتمع السيارات - كم مرة دعيت على واحد آذاك بكشافات الزينون (شارك لعل أصحاب الزينون يعتبرون قبل ..)

مصر موتورز مجتمع السيارات (https://www.masrmotors.com/vb/index.php)

- القيادة فن و ذوق (https://www.masrmotors.com/vb/forumdisplay.php?f=180)

رد: كم مرة دعيت على واحد آذاك بكشافات الزينون (شارك لعل أصحاب الزينون يعتبرون قبل ..)

اه فعلا في الطرق الضلمة العالي بيؤذيني جدا
لدرجة اني بضطر اني اوطي بعيد عن المرايات

رد: كم مرة دعيت على واحد آذاك بكشافات الزينون (شارك لعل أصحاب الزينون يعتبرون قبل ..)

أنا اسخف موقف حصلى ماكنش مع زينون كان مع تور عالى ، كنت ماشى فى طريق المطار يوم خميس والدنيا كانت واقفة وبنمشى خطوة خطوة والشارع أصلا اضاءته كويسة ابص الاقيلك شخص بهوندا سيفيك 2009 ورايا ومولع النور العالى مش عارف بمناسبة ايه ؟!بصراحة أنا بعد خمس دقايق مبقيتش عارف اشوف أى حاجة طلعت ايدى من الشباك وشاورتله انه يقفل النور العالى راح قافل نوره العالى لسه حاقول للى جنبى ده شكله راجل محترم راح مولع النور العالى تانى !! لما لقيته تنح كده رحت مهدى قوى ومابقيتش باتحرك بسرعة واسيب العربيات فى الحارات اللى جنبى تاخد مكانى فواضح هو اتشل منى وطلع من ورايا والغريبة انه وهو ماشى جنبى بيبصلى جامد قوى كانى غلطان .

صحيح اللى اختشوا ماتوا

رد: كم مرة دعيت على واحد آذاك بكشافات الزينون (شارك لعل أصحاب الزينون يعتبرون قبل ..)

لو فى طريق اتجاهين وغالباً فى وسط البلد او طرق عاديه مش سريعة برعشلة النور العالى بتاعى يمكن ناسى او مش واخد باله ولو لقيته مصر بضرب له النور العالى وممكن ازنق عليه واوقفه
لكن لو على طريق سريع بعزره لان الطرق وحشه فعلا واضائتها سيئه ومفاجئتها كتير ويا اما بعديه قدامى لو بيجرى بسرعة او ببعد انا عنه لو ماشى على مهله

رد: كم مرة دعيت على واحد آذاك بكشافات الزينون (شارك لعل أصحاب الزينون يعتبرون قبل ..)

انا بخلى مراية الصالون فى الوضع اليلى و ساعات من غيظى بغلس و مخيلهوش يعدى او اعدية و الزق وراه و اديله نور عالى و كلاكسات عشان اقرفه

رد: كم مرة دعيت على واحد آذاك بكشافات الزينون (شارك لعل أصحاب الزينون يعتبرون قبل ..)

انا بسيبة يعدى واشغل العالى والشبورة يلا ماهو عمى بعمى