|
رد: وأخيرا ... بريوس تكشف سبب التسارع المفاجئ لسيارات تويوتا
ايه المواضيع الاستاذة دى يا باشا و ايه الفكر العالى ده
نصيحتى يا باشا خد بنصيحة عمنا ايمن و سيبك من الهندسة اللى مابتأكلش عيش اليومين دولون :) تسلم يا باشا على عمليات تنشيط المخيخ الصباحية و ربنا يستر علينا من تويوتا و عفاريتها |
رد: وأخيرا ... بريوس تكشف سبب التسارع المفاجئ لسيارات تويوتا
صباح الفل يا سام يا مبدع دائماً وابداً انا مش عارف اكتب من كتر الضحك ومش لاقى كلام اوصف بيه اعجابى باسلوبك العلمى الحيوى العضوى المعملى الاكلينيكى البحت فى استخلاص المادة العطرية من بتلات زهرة البطاطا الامريكية المزروعه فى التربه اليابانيه الخصبه
بس بجد والله بالرغم من كراهيتى لتويوتا واستنكارى للافتكاسه البريوسيه الا انى صعبان عليا البهدلة اللى بتتبهدلها ديه بس ياترى مازدا وهوندا ممكن تستفيد من الوضع الحالى ولا هما كمان هيروحو فى الرجلين والرابح الوحيد هى الشركات الامريكية ....... مش عارف |
رد: وأخيرا ... بريوس تكشف سبب التسارع المفاجئ لسيارات تويوتا
ههههههههههههه تخيل انتا كدا قاعد سايق ولاقيت مره واحد العربية بتمشي مع نفسها ولا اكنك ليك لازمه جواها عربيه معفرته
|
رد: وأخيرا ... بريوس تكشف سبب التسارع المفاجئ لسيارات تويوتا
شكرا على الموضوع الجميل يا سامح باشا و حمد للة على السلامة بموضيعك الجميلة و المتميزة انا ليا طلب بسيط انا الصراحة مكنتش متابع موضوع تويتا دا كنت فاكرة عادى انما طلع ان فية حوادث و تحقيقات و الناس بتتكلم و ياريت اى حد متابع يدينا نبذة مختصرة فى رد او يعمل موضوع شامل عن الى بيحصل فى تويوتا وشكرا |
رد: وأخيرا ... بريوس تكشف سبب التسارع المفاجئ لسيارات تويوتا
اقتباس:
هي عفروتا .. قصدي تويوتا ... فعلا العفريت ركبها ... وأزح اقتباس:
مساء الفل يا بو نورا ... و ربنا يسعدك و تضحك دايما وانا معاك فعلا بغض النظر عن مشاعرنا تجاه تويوتا ... لكن الافترا وحش ... و الناس ماشيه ورا الموجه و التلطيش على ودنه ... الغريبه ان الناس بتشتكي من عربيات بقالها سنين معاهم ... يعني هو العفريت طلع من التانك دلوقتي بس !! ولا هي تويوتا كلها مشاكل و رديئه بس صحابها كانو نايمين في العسل وبقدره قادر فاقو دلوقتي بس كلهم مع بعض !!!! مفيش منطق !!ptmnlo123per130 اكبر مستفيد من القصه دي هي فورد .. حتى جي ام مستفادش زي فورد ... هوندا طلع لها عفريت في الايرباج و نيسان في الفرامل اما مازدا وميتسوبيشي فواحده في عالم النسيان ..والتانيه مفقوده في بحر الظلمات ... و لو فكرت واحده فيهم تصحى حيحضرولها عفريت برضو ... خصوصا انهم ميستحملوش قلمين على بعض ptmnlo123per163 ولا عزاء للسوزوكي |
| الساعة الآن 10:14 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017