مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   كهرباء السيارة (https://www.masrmotors.com/vb/forumdisplay.php?f=149)
-   -   ضبط كهربة الاسبيراتير بالمصباح الضوئى؟ حد يفيدينا يا اهل العلم (https://www.masrmotors.com/vb/showthread.php?t=76562)

احمد على 1999 09-01-2012 05:04 PM

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم
 
على فكرة يا استاذى الايطالى الصغير الحمد لله ربنا هدانى لسايت ماشى معاه واحدة واحدة و فاهم كويس جدا بفضل الله بس معلش ظروف المعيشة ادينى فرصة اكمل
على العموم ده اللينك
http://www.type2.com/bartnik/timing.htm

حتى الان
  1. ضبط التاكيهات
  2. ضبط فتحة الابلاتين
  3. ضبط السلانسيه
  4. تجهيز الضوء و شرحة اهم حاجة ان فى كليب بيمسك على سلك البوجيه رقم 1 عشان يحس بالشرارة لما تمشى فى السلك و يترجر الضوء
و البقية تأتى بعون الله لان الموضوع عجبنى اوى

gahloos 09-01-2012 06:45 PM

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم
 
متابع , و شكرا يا باسمهندس أحمد .

atgps 09-01-2012 09:08 PM

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم
 
لضبط كهربة الاستبراتير بالمصباح الضوئى Xenon Timing Light تحتاج أولا ضبط فتحة الابلاتين بإستخدام Automotive Meter وفتحة الابلاتين فى تلك الحالة تقاس بالدرجات، فمثلا فى السيارات ذات 4 سلندر، نجد أن كامة الاسبراتير بها 4 كامات ولكل كامة خاصة بفتح وقفل الابلاتين وينتج عن ذلك فرق فى الجهد الكهربائى للسلك الموصل للبوبينة وبالتالى تقوم البوبينة بتوليد فولت عالى جدا يصل الى آلاف الفولتات وهو اللازم لحدوث الشرارة فى البوجيهات.
ففى حالتنا وهى السيارة ذات 4 سلندرات تمثل كل كامة 90 درجة، فمجموع عملية فتح وقفل الابلاتين هو 90 درجة، ولضبط فتحة الابلاتين، تقاس عدد الدرجات التى يكون فيها الابلاتين ملامس أى مقفول وهى تسمى dwell angle وهى تتراوح بين 44 و58 درجة حسب نوع السيارة ويكون ذلك فى كتاب الصيانة.
بعد ضبط فتحة الابلاتين نحتاج الى ضبط توقيت شرارة الاشتعال وهى عامة تكون قبل وصول البستم الى النقطة العليا بعدة درجات ونلك الدرجات موجودة على الطمبورة أو ترس الفولام على حسب نوع السيارة ولا يمكن رؤيتها أثناء جوران المحرك الا بإستخدام المصباح الضوئى Xenon Timing Light وهو يتم توصيلة بطرفى البطارية وعلى سلك البوجيه الأول ويقوم ذلك المصباح بالاحساس بمرور التيار الكهربائى فى السلك الموصل للبوجيه ويقوم فى نفس الوقت بالاضاءة اللحظية كل مرة وبتسليط الضوء على الطمبورة أو ترس الفولام يعطيك الاحساس بان الطمبورة فى حالة سكون وتشاهد العلامة الموجودة على الطمبورة بوضوح ويجب أن تكون تلك العلامة بجوار عامة آخرى ثابته، فان لم تكن موازية لها تقوم بتحريك الاسبراتير وستجد أن العلامة الموجودة على الطمبورة تتحرك مع حركة الاسبراتير وتقوم بذلك حتى تمام التوازى لكل من العلامتين، ويجب أن تكون تلك العملية على لفات موتور RPM محددة من قبل الصانع.

http://www.harborfreight.com/media/c...mage_13487.jpg

http://www.harborfreight.com/media/c...mage_18435.jpg


احمد على 1999 10-01-2012 01:06 AM

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم
 
اقتباس:

المشاركة الأصلية كتبت بواسطة احمد على 1999 (المشاركة 592876)
على فكرة يا استاذى الايطالى الصغير الحمد لله ربنا هدانى لسايت ماشى معاه واحدة واحدة و فاهم كويس جدا بفضل الله بس معلش ظروف المعيشة ادينى فرصة اكمل
على العموم ده اللينك
http://www.type2.com/bartnik/timing.htm

حتى الان
  1. ضبط التاكيهات
  2. ضبط فتحة الابلاتين
  3. ضبط السلانسيه
  4. تجهيز الضوء و شرحة اهم حاجة ان فى كليب بيمسك على سلك البوجيه رقم 1 عشان يحس بالشرارة لما تمشى فى السلك و يترجر الضوء
و البقية تأتى بعون الله لان الموضوع عجبنى اوى


فعلا استكمالا لما سبق و زيى ما وضح استاذ atgps

المهم تحديد علامة الظبط الموجودة على طنبورة الكرنك و بتبقى زيى سهم او حفرة صغيرة المفروض معمولة برضه لضمان صحة تركيب سير الكاتينة
و بتبقى فى علامة تانية على ضهر علبة سير التقسيمة المفروض ساعة التغيير بتجيب العلامتين على بعض
المهم لو شوفت العلامة اللى على الطنبورة حتحاول تدهنها ابيض او تعلم عليها بطباشير ابيض
لو مش موجودة يبقى عشان تحددها تفك البوجيه رقم 1 و تعشق على اقل ترس و تزق العربية لغاية لما البستون يوصل لاعلى نقطة ممكن يوصلها و عشان تحسها استخدم مفك لتسهيل الشعور بحركة البستون
و لما توصل البستون لاعلى نقطة اللى بيسموها TDC خد علامة على الطنبور قصاد العلامة اللى على ضهر علبة السير

كده انت معاك علامة على الطنبور
حتدور العربية و يفضل تمشى بيها مشوار عشان تضمن انها وصلت لدرجة حرارة التشغيل الطبيعية
حتقف و تبطل
توصل مسدس النور طرف كهرباء و طرف ارضى و الكليب يمسك على سلك البوجيه رقم 1
حتدور و توجه النور على الطنبورة عشان تحاول تشوف العلامة
طبعا زيى ما وضح الاستاذ atgps بما ان النور متقطع بتوقيت متزامن مع كهربا البوجيه رقم 1 فكده فعلا حتشوف العلامة اللى على الطنبور ثابتة ( هيا بتلف بس حتشوفها ثابتة ) لو العملية مظبوطة المفروض تشوف علامة الطنبور قصاد العلامة الثابتة اللى على ضهر علبة السير
لو مش قصاد بعض يبقى حتريح صامولة زنق الاسبراتير و تلفة تقدم او تاخر كهربا لغاية لما تجيب العلامتين قصاد بعض و تربط على كده

الايطالى الصغير 10-01-2012 09:49 PM

رد: ضبط كهربة الاسبيراتير بالمصباح الضوئى؟ حد يفيدينا يا اهل العلم
 
مش معقول الاعضاء كلهم مش موجودين انا محتاج جدا للشرح والطريقة مؤكد ممكن مشغولين بس ياريت ما تاخروش علينا حد من المهندسين الاعضاء فى المنتدى يتكرم بالرد على الموضوع ويوضح علشان نستفيد


الساعة الآن 05:19 PM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017