مصر موتورز مجتمع السيارات - مقارنة بين تريوس II و تيجو

مصر موتورز مجتمع السيارات (https://www.masrmotors.com/vb/index.php)

- ريفيوهات (https://www.masrmotors.com/vb/forumdisplay.php?f=3)

- - مقارنة بين تريوس II و تيجو (https://www.masrmotors.com/vb/showthread.php?t=11859)

رد: مقارنة بين تريوس II و تيجو

اقتباس:

المشاركة الأصلية كتبت بواسطة حازم شاهين (المشاركة 68758)

لا شك أن السيارة دايهاتسو تريوس أثبتت بما لا يدع مجالا للشك أنها فى مستوى التطلعات التى صاحبت إنطلاقها سواء على المستوى العالمى أو المحلى .

على المستوى المحلى التريوس نجحت لانها السيارة الsuv الوحدية اللى ممكن المستهلك العادى يشتريها بسعر معقول للتغلب على شوارع مصر المبهدلة .

انما هى فشلت على مستوى العالم بجدارة و تقيمتها ضعيفة جدا من معظم الخبراء .

التيجو دى بقى افشل منها ...عربية صينى و تقفيل و خامات سىء للغاية .
و يصدق فيها المثل الانجليزى المعروف ..."انت بتاخد على قد فلوسك " .

الحقيقة السياراتين دون المستوى و سعرهم غريب .

التريوس لا تساوى القيمة المدفعوة فيها "خصوصا بعد ما زودو سعرها كمان و كمان " .
و التيجو سيارة صينية ضعيفة الخامات و التحمل , ولا تصلح لاى مهام suv حقيقية .

اللى عاوز سيارة suv حقيقية مش بتمثل , علية بالسوزوكى فيتارا الجديدة او النسيان اكس تريل .

رد: مقارنة بين تريوس II و تيجو

اقتباس:

انما هى فشلت على مستوى العالم بجدارة و تقيمتها ضعيفة جدا من معظم الخبراء

العربية إبتدى إنتاجها من عام 1997 و مستمرة حتى الأن يبقى فشلت إزاى ؟؟؟ و لا دايهاتسو و تيوتا غاويين خسارة ؟؟؟؟ !!!!!

اقتباس:

اللى عاوز سيارة suv حقيقية مش بتمثل , علية بالسوزوكى فيتارا الجديدة او النسيان اكس تريل .

حضرتك تقصد إللى عايز سيارة SUV حقيقية لازم يبقى قدها و يقدر على سعرها....

لكن ده ما يمنعش ان إللى ميقدرش على تمنها أو تكاليفها و نفسه فى الشكل ده و لوحتى للمنظرة مش أكثر يبقى التيريوس أو التيجو إختيار معقول .

و مش كل الناس بتبقى عايزة العربيات الـ SUV علشان رحلات السفارى أو مغامرات الصحراء الغربية.

رد: مقارنة بين تريوس II و تيجو

فعلا التيريوس اثبتت نجاحها في دول كتير ده حتي تويوتا بتسوقها باسمها في بعض الدول
و كده كده العربيات من الفئة ده مش معمولة لخوض غمار الصحراء و الجبال بيها لانهم سيارات مدينية في الاصل مع امكانية القيام ببعض المغامرات الصغيرة و ان كان في ناس بتغامر بيهم فعلا
انا اعرف واحد غاوي رحلات سفاري و تخييم في الصحرا هنا في مصر و غير 2 شيروكي و جاب التيريوس و بيعمل بيها حاجات عجيبة و بيتسلق بيها كثبان رملية كانها 4X4 من الحجم الكبير بدون مشاكل لدرجة ان التوكيل ما كنوش مصدقين الصور اللي وراهلم للعربية و كانوا مقتنعين انها فوتوشوب

رد: مقارنة بين تريوس II و تيجو

اقتباس:

المشاركة الأصلية كتبت بواسطة horas3000 (المشاركة 69388)

فعلا التيريوس اثبتت نجاحها في دول كتير ده حتي تويوتا بتسوقها باسمها في بعض الدول

طيب ممكن اعرف اية هى الدول الكتير دى اللى اثبتت فيها التريوس نجاحها .
باستثناء مصر و بعد دول جنوب شرق اسيا التى على شكلتها غير كدة لا وجود للتريوس إلا باعداد قليلة جدا .

لان ببساطة تقيمات هذة السيارة من معظم خبراء السيارت ضعيفة جدا , و على ارض الواقع السيارة فعلا ضعيفة , ولا ترقى للمستوى السعرى اللى بتتحرك فية .

انا الحقيقة كنت معجب بهذة السيارة بعض الوقت بسبب شكلها الرياضى و ارتفعها عن الارض .
لكن بعد شوية بحث اكتشفت انها منظر على الفاضى , و مشكلها كتير . و خماتها تقليدية جدا و كل تقيمتها متوضعة جدا .

رد: مقارنة بين تريوس II و تيجو

http://www.timesonline.co.uk/tol/dri...icle824049.ece
ده راي جيريمي كلاركسون بجلالة قدرة و للموديل القديم كمان
http://www.whatcar.com/car-reviews/d...ummary/25572-3
ده راي مجلة whatcar المعروفة

و الاتنين متفقين انها تصلح للمدينة اكتر من المغامرات خارج الطرق المعبده