رد: سؤال لخبراء BYD F3
اقتباس:
العداد 40 الف كيلو متر و الصيانات بالتوكيل من اول صيانة ال 1000 مشكلة السخونة غير موجودة بالمرة مشاكل التقفيل عادية زي الفرنا و اللانوس و الاسبرانزا و الصني و و و و كل التقفيل المصري كدة التيل بجيبه برا التوكيل ارخص و احسن و برضه مش وحش الاصلي بتاعها قواعد الموتور بعد 40 الف كيلو زي الفل مفيش شكوى منها عضه الفتيس تقريبا مش موجودة و لو موجودة عالاول بس و تختفي مع ضبط رجلك عالدبرياج صوت الموتور العالي مش عيب و زيه زي عربيات كتير مش عارف ده اسمه دلع و الله اول مرة اسمع ان الكاسيت مهيس بصراحة تمام كدة ؟؟؟ خد عندك بقا 40 الف كيلو في سنة و استخدام شاق و بتمشي في جميع مناطق القاهرة و الحمد لله مفيش اعطال نهاااااااااااااااااائي مرة واحدة جهاز الانزار اتحرق و اتغير في الضمان و ماستر الدبرياج باظ على 38 الف كيلو و والدي مشي بيها 2000 على عيب الدبرياج عادي جدا و لما دخل ال 40 الف اتغير في الضمان رغم انه من المستهلكات و ذلك لمواظبته عالصيانة في التوكيل بعد الكلام ده هتلي عربية دكر في بلدك زيها بطل تسمع الكلام و بس عشان متتعبش |
رد: سؤال لخبراء BYD F3
السيارة معى ليها اربع شهور ومفيش مشكلة كانت غير رزع الشنط وتشغيل الانذار واتحلت فى صيانة 1000 ولا توجد مشاكل حتى الان والحمد لله
ومليار مبروك مقدما |
رد: سؤال لخبراء BYD F3
الف الف شكر للاستاذ الفاضل f3_byd و الاستاذ kimo 10 على الاهتمام و الرد
و احب احكي موقف صغير حاصل معايا النهارده. كنت رايح المرور اخلص مخالفات عربيتي قبل ما ابدأ ابيعها و اجيب الحلوه انشاء الله فأخذت تاكسي من الدقي لحد مرور الدراسة و فضلت واقف في الشارع مستني تاكسي BYD اركبه :36_3_1: حظي طلع حول علشان السواق كان ظريف جدا من النوبه و مشغل التكيف كمان. المهم قاعدين بندردش و ببص على التكييف لقيته مشغل الهواء سحب من الخارج فقلت احب انصحك بلاش تشغل سحب الهواء من الخارج لعدة اسباب: هيجيب كل العوادم و قرف الشارع جوه و هيسد الفلتر و ممكن الكويل كمان ده غير ان الكمبريسور هيعمل مجهود اكبر علشان يسقع الهواء السخن اللي بره ده. الراجل حبيبنا قالي و الله ده كان في زبون قبلك راكب معايا و قالي خليه سحب من الخرج احسن:00db9337ef155724e76 بس تصدق يا استاذ انت عندك حق الهوا ساقع دلوقتي اكتر و كمان الحراره نزلت ؟؟؟؟؟؟؟ قلت في سري هي ايه حكايه الحراره دي ؟ هي الحراره ورايا ورايا؟؟؟؟ وسكت بقية الطريق و حبيت اشارككم التجربة و نحاول نفهم موضوع الحراره ده مع بعض |
رد: سؤال لخبراء BYD F3
الحرارة نزلت !!! سحب الهواء من الخارج مالوش علاقة |
رد: سؤال لخبراء BYD F3
اقتباس:
و طول مافي منتدى فعلا محترم و اعضاء محترمين هنقدر نساعد بعض في الخير دائما انشاء الرحمن. |
الساعة الآن 06:31 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017