رد: CORVETTE الي الابد
 

تسلم ايدك يا باشا على الموضوع الجامد
بس انا بصراحة مابحبش الكورفيت من ساعة ما شفتها بتشد مع M5 و فى الطلعة هما الاتنين خدو غرزة لأنهم ماكنوش اول ناس فى الاشارة المهم البى ام خدت الغرزة و طارت بأقصى سرعة و الكورفيت خدت الغرزة و لفت حوالين نفسها تلات او اربع لفات و استقرت فوق الرصيف و جابت الاربع كوتشات و جنطين و ده كان قدام عينى

و هو ده الفرق بين الامريكانى و الالمانى
الامريكانى فيها موتور جبار و خلاص
اما الالمانى مواتير و تكنولوجيا و امان و كل اللى تحلم بيه


مع حفظ حقك فى الموضوع يا باشا لأنه بجد رائع و انا بحب قوى العربيات السبور و احب اعرف منشأها و تاريخها و صورها الكلاسيكية و خصوصا الكرفيت القديم و الموستنج القديم بجد بتبسط لما اشوفهم

رد: CORVETTE الي الابد
 

شكرا يا حازم على الصور الجميلة و الموضوع اللذيذ
و العربية دى جااااااامدة

رد: CORVETTE الي الابد
 

الله يخليك علي الاطراء الجميل
بس اكيد العربيه اللي شوفتها كان فيها حاجه غلط لان العربيات دي ثابته الي حد ما
او راكبها واحد سواقته علي قده
بس عموما عمرنا ما نقارنها بعربيه زي بورش ولا فيراري
العفو يا نيسان باشا عقبال ما نشوفك راكبها كده:)

رد: CORVETTE الي الابد
 

حازم باشا خضر حبيب قلبى
احتمال يا باشا يكون زى ما قلت ,,, انا بس حكيت موقف حصل قدامى
و بصراحة مقدرش احكم عليها من موقف واحدو كمان لأنى ماسقتهاش قبل كدة بنفسى
بس بينى و بينك برده لو معايا كورفيت مش هبقى متضايق خالص خالص يعنى :)

رد: CORVETTE الي الابد
 

مش انت لوحدك يا باشا ;)
العربيه منظر بصراحه و اي موديل من التمانينات ليه سحر
و علي فكره فيها نفس مواتير الكابريس بتاعك ;)