مصر موتورز مجتمع السيارات - ارشيف احداث عام 2010

مصر موتورز مجتمع السيارات (https://www.masrmotors.com/vb/index.php)

- الاخبار المحلية (https://www.masrmotors.com/vb/forumdisplay.php?f=74)

- - ارشيف احداث عام 2010 (https://www.masrmotors.com/vb/showthread.php?t=20665)

رد: تهشم سيارة مواطن حاول تجاوز موكب السفيرة الأمريكية!

على فكره ياجماعه هو برضو غلطان انا مره حصلى موقف مشابه فى صلاح سالم كنت راكب عربيه الشركه <طوارى غاز> وطلعت من شارع الفيوم موازى بيروت وبمجرد ما دخلت النفق لاقيت موتسيكل وبندقيه اليه فى الزجاج الامامى وكام عربيه بتخبط فى العربيه من ورا ولكن عربيتى كانت لا تهدد كانت لاند روفر القديم من ايام الشركه الانجليزيه واخذت حوالى 100 جنيه شيتيمه من الى قلبك يحبها وطلعونى النفق فى وسط الحصار وعدى الباشا وكان الله يرحمه عاطف صدقى رئيس الوزراء وتحولت تحقيق وربنا ستر ونجوت بفضل الله اولا ثم حبيبتى اللاندروفر

رد: تهشم سيارة مواطن حاول تجاوز موكب السفيرة الأمريكية!

هو بس ربنا يقومه بالسلامة ويخلصه من ايد اخونا البعدا اللى اكيد هيكفرو ايمانه تحقيقات علشان يتاكدو انه مش ارهابى او عضو فى القاعدة فرع زهراء المعادى وبعدين ممكن يرفع قضيه عليهم بس هناك مش هنا ويمكن ياخد تعويض

رد: تهشم سيارة مواطن حاول تجاوز موكب السفيرة الأمريكية!

هو اللي غلطان
هو ايه اللي يخليه بجد يعدي من جنب موكب و خصوصا المواكب دي بتمشي بسرعه
انا بتكلم جد مش بهزر هو غلط في اللي عمله
ممكن فعلا يكون محاوله اغتيال امال ايه لازمه الحراسه.

بس يا تري حد خد باله من الحته دي

اقتباس:

إذ كانت سكوبي قد تفقدت مخازن المعونة الأمريكية في منطقة زهراء المعادي وخلال عودتها لمقر السفارة في جاردن سيتي بمرافقة طاقم حراستها الأمريكي‏ حاول أحد المواطنين بسيارته الملاكي تجاوز موكب السفيرة.

بيحسسونا بالنقص و انهم بيمنوا علينا
حسبي الله و نعم الوكيل

رد: تهشم سيارة مواطن حاول تجاوز موكب السفيرة الأمريكية!

يعني هو لو عمل كده مع موكب وزير او محافظ كانوا خرموا هو و العربية رصاص اساسا
و عندي سؤال هو ليه في جنود امريكان يحموا السفسرة في مصر دي اهانة لينا كأننا مش عارفين نحميها. هو في جنود مصريين يحموا سفراء المصريين في الخارج
الله اعلم

رد: تهشم سيارة مواطن حاول تجاوز موكب السفيرة الأمريكية!

هههههههههههه, بصراحة ومن غير مبالغة الراجل ده خد نصيبه, ده أنت و أنت ماشى لما ميكروباض بييجى وراك ويقلبلك نور بتبقى عايز تنزل تخنقه, فما بالك بواحد ماشى ورا موكب وعايز يعدى منه, وبعدين أمريكا خلاص بقى عندها برانويا وبقى العرب دول كلهم عندها أرهابيين يعنى ممكن تقتل 1000 علشان فيه واحد فيهم يشتبه أنه أرهابى, ده تلاقى أول مالحراس سمعوا حد بيزمر أفتكروه بيقرا الشهادة وداخل يفجرهم.

بس بما أن ده منتدى سيارات, فإأيه نوع العربية المخبوطة؟

اقتباس:

ممكن يرفع قضيه عليهم بس هناك مش هنا ويمكن ياخد تعويض

ده لو مشى فالسكة دى مش بعيد يطلعلوا بنص مليون دولار, ده أن أمريكا ومصر محاولوش يراضوه.

اقتباس:

يعني هو لو عمل كده مع موكب وزير او محافظ كانوا خرموا هو و العربية رصاص اساسا

أتفق معاك تماما.