مصر موتورز مجتمع السيارات - لية تنتخب الشيخ حازم صلاح ... الجليل

مصر موتورز مجتمع السيارات (https://www.masrmotors.com/vb/index.php)

- ثورة الحرية 25 يناير (https://www.masrmotors.com/vb/forumdisplay.php?f=177)

- - لية تنتخب الشيخ حازم صلاح ... الجليل (https://www.masrmotors.com/vb/showthread.php?t=68102)

رد: لية تنتخب الشيخ حازم صلاح ... الجليل

مدينة 6 أكتوبر : (عشان خاطر المهندسة سلوي )

تسلم التوكيلات لإدارة محل دبي للإتصالات والمحمول بمول الأردنية، الحي السابع
ت: 01113372500

مدينة الشيخ زايد: الحي الأول، المجاورة الرابعة، عمارة 9 شقة 4

جزاكى الله خيرا د/هبة :140109~347: ربنا ما يحرمنى من ذوقك وربنا يسترها على مصر
اللهم ارنا الحق حقا وارزقنا اتباعه
وارنا الباطل باطلا و ارزقنا اجتنابه

وفعلا الله يكون فى عون أى رئيس قادم لرئاسة البلد
لانهم من الآن يرددون ( يسقط الرئيس القادم ) و كأنها موضة أى كان القادم هذا
إعتراض و خلاص سبحان الله
ربنا يسترها عليكى يا حبيبتى يا مصر

رد: لية تنتخب الشيخ حازم صلاح ... الجليل

اقتباس:

المشاركة الأصلية كتبت بواسطة د.هبه77 (المشاركة 634866)

http://store2.up-00.com/Mar12/OQO64155.jpg

وعلي فكرة مش شرط كل حاجه بتتعمل في الانتخابات تبقي بعلمه او بموافقته
وكلمة ان هو قصر لحيته طب ما كتير معترضين علي ترشيحه عشان لحيته اصلا
ازاي رئيس دولة بلحية
ايا ما كان المؤيدين او المعارضين
مش هندور علي الحاجات اللي قد يفعلها البعض سواء من دافع الحب او الجهل او الفرحة (اخيرا اسلامي مرشح نفسه - مش مصدقين نفسهم طبعا بعد كل اللي شافوه واللي حصل -) ونركز عليها

وحتي اصلا لما ننتخبه احنا مش مغسل وضامن جنة
احنا بنجتهد وهو كمان بيجتهد
ايا ما كان الرئيس- اللي ان شاء الله يكون حازم - هو هيمسك بلد في حالة ، ربنا معاه، والناس قرفت من الروتين عايزة تغيير سريع اكيد ومن الطبيعي مع اي مرشح ان هيكون في تصادم
لانه لولا اختلاف الاذواق
لبارت السلع
ربنا ييسر الامر
اللهم ارنا الحق حقا وارزقنا اتباعه وارنا الباطل باطلا وارزقنا اجتنابه

مش عارف يا دكتورة هل المشاركة ديه رد على مشاركاتى عنه !!!

الصورة اللى حطيتها من جامع الاسد ابن الفرات

وموضوع استخدام المساجد فى الدعاية الانتخابيه ثابت عليه تماماً وهو نفسه اعترف بيه فى احد اللقائات لو حضرتك مش مصدقانى ادور عليه واجيبهولك

وابوس اديكم بجد ارحمو الدين من ابواسماعيل وارحمونا معاه ده مرشح رئاسة مش مفتى الجمهورية وربنا علمنا ان القوة تسبق الامانة (القوى الامين) وان كانو متلازمين
لكن افتراض الامانة وغض النظر عن نقاط الضعف هو عين المغالطة والتدليس ولا اقصد مجموع مؤيدية وانا اعلم تعطشنا جميعاً لمن يحمل القيم الاسلامية فى قلبة قبل عقله لكن مش دول ابداً مش دول

كل ما حد يوجه انتقاد ليه بصفته مرشح رئاسى نلاقى اللى يكفر واللى يغرب واللى يشتم واللى يخون امال لو مسك هتعملو فينا ايه

عموماً ده اخر رد ليا فى الموضوع ده وموقفى اصبح شبه محسوم فى حقة وحق ابو الفتوح والرزق على الله كلهم شفيقه ولا فيش متولى والمعنى فى كرش الشاعر :10CC26~164:

رد: لية تنتخب الشيخ حازم صلاح ... الجليل

اقتباس:

المشاركة الأصلية كتبت بواسطة AboNoRa (المشاركة 635017)

مش عارف يا دكتورة هل المشاركة ديه رد على مشاركاتى عنه !!!

الصورة اللى حطيتها من جامع الاسد ابن الفرات

وموضوع استخدام المساجد فى الدعاية الانتخابيه ثابت عليه تماماً وهو نفسه اعترف بيه فى احد اللقائات لو حضرتك مش مصدقانى ادور عليه واجيبهولك

انا مش معترضة ان هو يستخدم المسجد للدعاية الانتخابية ومش زعلانة بالعكس
وان كنت لا اؤيد وضع الشاشة امام المصلين لكن انا لم ازور المسجد ولم اره من الداخل لاحكم ان كان وضع الشاشة ومكانها يلهي عن الصلاة ؟

وابوس اديكم بجد ارحمو الدين من ابواسماعيل وارحمونا معاه ده مرشح رئاسة مش مفتى الجمهورية

حد قال ان هو مفتي للجمهورية ؟
هو انا لما احب رئيسة الكلية بتاعتي واايدها وارشحها في الانتخابات ابقي انا كدة بهلل وخلاص
افرض انا شايفة انها جديرة وعايزة انتخبها منتخبهاش عشان لا يقال علية اني بمشي ورا حد ؟
انا لية اسلوبي في التاييد واخوية ال18 سنة لية اسلوب تاني وجارتي ام عبد الله ليها اسلوب تالت لا الوم عليها اسلوبها ولا الوم علي اخوية اسلوبه عشان انا اسلوبي مختلف عنهم واسلوب المؤيدين لا يعيب المرشح!

وربنا علمنا ان القوة تسبق الامانة (القوى الامين) وان كانو متلازمين
لكن افتراض الامانة وغض النظر عن نقاط الضعف هو عين المغالطة والتدليس

طيب ما هو طبيعي ان اي مرشح له نقاط ضعف انا بقول انا عايزة ان نقطة القوة للمرشح اللي هارشحه تكون الدين وده حقي اما كون ليه نقاط ضعف انا بوازن الامر هل نقاط الضعف دي تخليني مرشحهوش واتخلي عن تأييده ؟

ولا اقصد مجموع مؤيدية وانا اعلم تعطشنا جميعاً لمن يحمل القيم الاسلامية فى قلبة قبل عقله لكن مش دول ابداً مش دول

امال حضرتك شايف مين ؟
عموما المرشحين كتير وكل واحد له الحق في الترشح
والنماذج كتير جدا معرفش كملو ال600 دلوقتي ولا اية

كل ما حد يوجه انتقاد ليه بصفته مرشح رئاسى نلاقى اللى يكفر واللى يغرب واللى يشتم واللى يخون امال لو مسك هتعملو فينا ايه

حد في الموضوع دة من اوله كفر حد من المعارضين بالعكس لو حضرتك تاخد بالك هتلاقي اللي شتم مؤيدي حازم صلاح كتير واذا كان مش واضح ممكن اقتبس الاساءات دي وان كنت لا القي لها بالا لان الهدف مش الرد علي الشتايم لا الهدف توضيح صورة الشخص نفسه وسيرته الذاتية وكلامه
وعموما لية تعتقد ان هو ليه شعبية جامدة كدة ومؤيديه كتير ليه ؟

عموماً ده اخر رد ليا فى الموضوع ده وموقفى اصبح شبه محسوم فى حقة وحق ابو الفتوح والرزق على الله كلهم شفيقه ولا فيش متولى والمعنى فى كرش الشاعر :10CC26~164:

طيب حضرتك زعلان ان معارضي حازم يكفرون ويشتمون (ومحصلش علي الاقل في الموضوع دة )
طيب هل حضرتك شايف ان عموما اي واحد من المرشحين لما يتقال عليه شفيقة وان كانت مجاز - دي كلمة مناسبة ؟
ANAA7TG
استأذنك يا ريت لو امكن ان حضرتك تجيب صورة المسجد من جوة يبقي جزاك الله خيرا

رد: لية تنتخب الشيخ حازم صلاح ... الجليل

نسيت اوضح حاجه بس
انا اجتهدت ونتيجة اجتهادي واستخارتي ان انا ارشح حازم صلاح ابو اسماعيل
احسبة علي خير ولا ازكي علي الله احدا
دوري موقفش هنا لا لسة
هو لما يمسك الحكم ويجلس علي الكرسي
لازم ادعي له ان ربنا يرزقه البطانة الصالحة (زي ما السديس بيدعو في الحرم للملك عندهم -اللهم ارزقنا دعوة في مسجدك امين- )والا يجرفه زهوة الكرسي والمنصب
ودوري ان لما اكون شايفة حاجه غلط اوصل صوتي من خلال اي حد دة المفروض
لكن اللي هيحصل اية الله اعلم بيه
احنا ربنا بيشوف اعمالنا هل عملنا صح ولا لا حاولنا واجتهدنا ولا لا
والنتيجة علي الله
عملا بمبدأ اروا الله من انفسكم خيرا
وفي قصة وان كان المقام لا يقتضي ذلك ولكنها تحضرني بشدة لعمرو خالد

ستة شهور تعب.. وفي الاخر محدش بيصلي معايا - عمرو خالد
--

أول مابتديت التزم.. لق...يت مسجد معين مفيهوش حد بيصلي.. قررت اروح يوميا اقيم الاذان عشان اجمع الناس فيه..

فضلت كده تلات شهور ورمضان دخل.. بقيت امسك كوباية مية وتمرة واروح افطر هناك في المسجد لوحدي ومحدش بيجي يصلي!! كل يوم لحد 6 شهور.. وعمال اسال نفسي.. ليه محدش بيجي يصلي؟ محدش سامع الصوت؟ محدش في المنطقة دي كلها بيصلي؟

وفجاة اكتشفت ان صاحب البيت قفل صوت السماعات من فوق.. فـ انا طلعت بسمع صوتي جوه ولكن مفيش صوت بره!! عشان كده محدش بيجي يصلي ولا حد عرف اصلا اني بقيم الصلاة يوميا في المسجد ده...

يومها بكيت بكــــاء رهيب.. تعب 6 شهور طلع على مافيش!! وبعدين.. فكرت انا من وجهة نظري شايف ان نتيجة تعبي.. لازم اشوفها وهي ان الناس تصلي

وان الناس تلبي الدعوة..

لكن بعد سنين اهو.. بقولكم.. "الشكور" بيشكر العمل الواحد اضعاف مضاعفه.. اليوم بقول لكم الحمدلله ربنا كرمني وفتح عليا

بفكركم.. مش لازم النتيجة اللي انت شايفها تبقى احسن نتيجه للعمل اللي بتعمله.. لان ربك خلقك عشان تشتغل وتسعى.. وسيب النتيجة عليه

تشوفها في حياتك.. او بعدين
:)

المهندس وائل
السؤال اللي بيطرح نفسه حضرتك قلت انك لا مؤيد ولا معارض للشيخ حازم ولكن مش عاجبك حملته الانتخابية
طيب لو انا هاتكلم عن نفسي وانا مؤيدة ليه لكن لقيت ان حملته الانتخابية بتتصرف تصرفات مش عاجباني يبقي الحل اية ؟
لو ليك اي راي او اعتراض علي كلامي اهلا باراءك واعتراضاتك لاننا في النهاية كل واحد فينا هدفه مصلحة مصر
ويا ريت حضرتك لو شايف ان في حد تاني كويس تكلمنا عنه بجد لان خلافنا دائما في النهاية يبرز لنا الافضل
اللهم ولي امورنا خيارنا ولا تولي امورنا شرارنا

رد: لية تنتخب الشيخ حازم صلاح ... الجليل

انا مكنتش عايز ارد تانى لافساح المجال لمؤيديه فى الموضوع بعيداً عن المشاكسين امثالى بس هرد على تعقيب الدكتورة هبه لدفع شبهه الاسائه

يا دكتورة هبه يعلم الله انى عمرى ما نافقت حد لاى سبب كان .. وانا اؤكد لحضرتك ولمدام سلوى ولجميع مؤيدى الشيخ حازم انكم جميعاً محل تقدير واحترام شخصى

وانا كلامى عام لا اقصد بيه شخص بعينة واقصد بيه تحديداً القائمين على حزب النور وكم لا بأس به من مؤيدى الشيخ اللى واخدينها من منطق الولاء والبراء للدعوة السلفيه

وان كنت لا اؤيد وضع الشاشة امام المصلين لكن انا لم ازور المسجد ولم اره من الداخل لاحكم ان كان وضع الشاشة ومكانها يلهي عن الصلاة ؟

- الصورة اللى حضرتك سألتى عليها فى المشاركة رقم 115
http://www.masrmotors.com/vb/showpos...&postcount=115

وسبحان الله الصورة واضحة وضوح الشمس سواء الملصقات والصور او البروجكتور اللى قدام المصلين وكنت منتظر ان حضرتك تقولى انا ارفض ذلك -- مش لا اؤيد البروجكتور قدام المصلين

انا شخصياً اشهد انى مشوفتش بعينى مسجد الاسد ابن الفرات واعصابى متستحملش بصراحة اروح لكن روحت وشوفت مسجد العزيز بالله فى الزيتون وشوفت الجامع اللى تحت بيتنا وكلهم على نفس الشاكله الميكروفونات بتتفتح فى اى وقت لدعمة والجامع اصبح مقر انتخابى بكل ما تعنية الكلمة ولمرشح واحد فقط هو حازم ابو اسماعيل

واشهد انى حضرتك مؤتمر حزب النور وشوفت بعينى واحد من السلفيين الملتزمين مطلق اللحية ويلبس القميص ولا ينطق الا بقال الله وقال الرسول وقف بعلو صوتة يعلن رفضة لحزب النور على قاعدة اصولية وفى حضور القيادات الحزبية واثناء كلمة مسعد انور وما كان منهم الا ان تهافتو عليه بالدفع والتطويق واخرجوه بمنتهى المهانة خارج صوان المؤتمر ولما تدخلت ونهرتهم على ما يفعلونة قالولى عايز يشمت فينا النصارى !!!

ده غير ان المؤتمر اتعمل فى عرض الشارع وبمخالفة منهاج النبوة وفضلاً عن ما قيل فى المؤتمر من ((سخافات)) تطال النصارى وترهبهم بدون اى داعى الا فرد العضلات بجوار كنيسية وفى منطقة يسكنها عدد كبير من النصارى (عزبة النخل)

فانا عارف بقول ايه وعارف بتكلم عن مين

هو انا لما احب رئيسة الكلية بتاعتي واايدها وارشحها في الانتخابات ابقي انا كدة بهلل وخلاص

ايوه يا فندم مع كامل احترامى لان الحب عمل القلب والهوى واختيار مرشح رئاسى محل اعمال العقل والمنطق لا الهوى والميل

واسلوب المؤيدين لا يعيب المرشح!

بناء على ايه حضرتك توصلتى للنتيجة ديه !!!
اسلوب فرادى المشرحين لا يعيب لكن اسلوب مجموع المرشحين يعيب المرشح طبعاً ودلالة قوية عن طبيعة سدنة رئيس الجمهورية المقبل ولا تنسو ان كل رئيس يعمل مصيبة او حاجة تتقال ده كن كويس بس اللى حواليه هما اللى خربوها وعليه انا لازم ابص على اللى حوالين كل مرشح طبعاً

طيب ما هو طبيعي ان اي مرشح له نقاط ضعف انا بقول انا عايزة ان نقطة القوة للمرشح اللي هارشحه تكون الدين وده حقي اما كون ليه نقاط ضعف انا بوازن الامر هل نقاط الضعف دي تخليني مرشحهوش واتخلي عن تأييده ؟

يا سبحان الله ما احنا لما نحط الدين فى اى كفة لازم تغطى على اى شىء تانى !!
وافتراض ان المشرح ده عندة دين ((وفقط)) يعنى ضمنياً ان غير معندوش
وده كله حكم على ما ليس لنا ان نحكم بيه ودينا علمنا حتى ان الحكم على حد بالصلاح رهينة رؤيته يعتاد المسجد هل غيره مشهود ليهم بانهم مبيصولش !!!

معلش ده حتى اللحية الامر الشرعى باعفائها مش بقصها لتناسب البدلة والجرافته

وهل الشرع والدعوة السلفيه التى اعرفها جيداً بتقول احمى حدود اسرائيل !!!

ومن الناحية البرجماتية العملية البحته يكفى انه بحجم مؤيدية لم يقدم برنامج انتخابى او وعود واضحة ((اللهم الا تعمير سينا)) وديه حتى مش واضحة رؤيته هتتعمل ازاى وامتى

والشاهد ان ابو اسماعيل لا يرقى ابداً لكونة مرشح رئاسة ممكن ننتخبة مثلاً رئيس لقناة فضائيه اسلامية ليس اكثر

امال حضرتك شايف مين ؟

مش مهم اشوف مين ((دلوقتى)) مهم اشوف ازاى - او بالاحرى- منهجيه البحث والاختيار
والمنهجية ديه هى عين الاختلاف على المرشح ده كما سبق بيانة
اما انا شخصياً شايف مين فانا منتظر لحين اغلاق باب الترشح برضو علشان المنهجية تبقى سليمة وابقى قدام نفسى اجتهدت كفايه وقريت كل برامج المرشحين وشوفت طبيعة المساندين ليه
وشخصياً اكتر اشعر بالميل حتى الان لشخصيات زى عصام سلطان او او العلا ماضى لو رشحو نفسهم بس الغالب والواضح ان حزب الوسط سيكتفى بتاييد العوا او ابو الفتوح وفى الحالة ديه انا هتجه لخالد على - على اعتبار انه مش كافر ولا صهيونى ولا فلول ولا مجهول تاريخة وعلى اعتبار انه الوحيد حتى الان اللى مقدم ملامح برنامج انتخابى منهجى وواضح وبالرغم من كونها ملامح الا انها اقيم واثمن كثيراً مما قدمة حازم او غير فى صورة برنامج

حد في الموضوع دة من اوله كفر حد من المعارضين

سبق واشرت ان الكلام على العموم وعلى مؤيدية الى شايفينهم على كل مواقع التواصل الاجتماعى مش فى الموضوع ده فقط او فى مصر موتورز ككل حتى

الهدف توضيح صورة الشخص نفسه وسيرته الذاتية وكلامه

اتمنى يكون الهدف توضيح وتنقيح وتدبر برنامجة الانتخابى مش كلامة
اما عن سيرته الذاتيه لم اجد فيها عمل واحد للصالح العام ولا قضيه واحدة رفعها لصالح حد غير نفسه ومحاولاتة للوصول لمنصب

طيب هل حضرتك شايف ان عموما اي واحد من المرشحين لما يتقال عليه شفيقة وان كانت مجاز - دي كلمة مناسبة ؟

اعتقد ان الحكم على المجاز يستلزم فهم المقصود بيه ولما نفهم المقصود بيه نقول صح ولا غلط
شفيقة فى التراث الشعبى نموذج للتنازلات على حساب الشرف والكرامة واعتقد لا كرامة فى شعب منهجة (ولو لمدة 4 سنين) حماية حدود الكيان الصهيونى وياريت حضرتك ترجعى لموضوع كلهم شفيقة ومافيه من تفصيل حول ذلك

استأذنك يا ريت لو امكن ان حضرتك تجيب صورة المسجد من جوة يبقي جزاك الله خيرا

الصورة موجودة فى نفس الموضوع والله واللى عنده شك يروح وينقلنا الصورة بنفسه سواء فى الاسد ابن الفرات او فى باقى المساجد المعروفة بدعم التيار السلفى

رد: لية تنتخب الشيخ حازم صلاح ... الجليل

اقتباس:

المهندس وائل
السؤال اللي بيطرح نفسه حضرتك قلت انك لا مؤيد ولا معارض للشيخ حازم ولكن مش عاجبك حملته الانتخابية
طيب لو انا هاتكلم عن نفسي وانا مؤيدة ليه لكن لقيت ان حملته الانتخابية بتتصرف تصرفات مش عاجباني يبقي الحل اية ؟
لو ليك اي راي او اعتراض علي كلامي اهلا باراءك واعتراضاتك لاننا في النهاية كل واحد فينا هدفه مصلحة مصر
ويا ريت حضرتك لو شايف ان في حد تاني كويس تكلمنا عنه بجد لان خلافنا دائما في النهاية يبرز لنا الافضل
اللهم ولي امورنا خيارنا ولا تولي امورنا شرارنا

انا قبل ما اخد موقف ضد حملتة الانتخابية بعت رسائل كتير للقائمين عليها سواء للتنبيه من الاخطاء الفردية ديه او لطرح رؤيتى عن عملانية واحترافيه الحملة الانتخابيه كما يجب ان تكون ولم اتلقى رد واحد كما سبق واشرت انى حضرتك مؤتمرات وتجمعات وناقشت وقتلت واتقتلت على راى شفشق افندى :balloons71:

وبخصوص ما اراه افضل فانا اسلفت ان الامانة تقتضى اننا كلنا لا نتعجل فى الانتصار لمرشح الا بعد وضوح الرؤية ومطالعة جميع البرامج ولا انكر ميولى تجاه خالد على كمرشح رئاسى له تاريخ واضح وانجازات مشهودة وملامح برنامج واضحة لكن مش هعمله توكيل الا لما استكمل دراستى لكل جوانب اطروحاته ووعودة واقارنها بكل من هم على الساحة وان شاء الله - ان شاء الله - يوم ما هيستقر رائى على مرشح بعينة لن اكتفى بعمل توكيل ليه بس ولكن هدعمة بكل ما اوتيت من قوة وفكر ومال حتى لايمانى باهمية الحدث ومسئوليتى فى المشاركة

رد: لية تنتخب الشيخ حازم صلاح ... الجليل

استدراك ونقل من موضوع كلهم شفيقة

البرنامج الانتخابى لحازم ابو اسماعيل
كما هو فى الموقع الرسمى له

اقتباس:

وضوح الرؤية و تجويد روابط الدولة

الدولة التي ليس لها رؤية ليست بدولة, و الدولة التي لا توقر تخصص كل مؤسسة و تبني عليه و تعتمده ليست بدولة, و الدولة التي لا تجوِّد مرونة الروابط و الوصلات بين كل مؤسسة بها و باقي المؤسسات ليُخدِّم بعضها على بعض تمارس غيبوبة لا ترفعها إلا إلى الحضيض و الدولة التي ليس لها سياسة مؤسسية ليبذل فيها أهل التخصص العميق طاقة جهدهم لجودة التصور و تحل محل ذلك تعليمات فرد و رؤية أٌحادية سواء وزيراً أو رئيس هي دولة عمياء ليس لها أعين و دولة تحل الجهات الخارجية و الدولية – بأغراضهم - محل أبنائها في رسم سياساتها حتى تزول تخوفاتها هي دولة خائنة ,وشعب مصر لن يكون هذا الشعب الذي يجعل حاكمه المرتضى من نوعية من يعيد هذا المجال المهين إما غفلة و فشلاَ,أوعن قصد و تبييت لمصلحة هنا أو هناك.

الإهتمام بالفقراء ودعم الأغنياء

الفقراء و الضعفاء هم بوصلة السياسات -إن كنا صادقين- و شعورهم بوفرة الكرامة و التوفير رغم فقرهم أوجب حتى من مجرد تلبية مطالبهم فحسب , فإن كرامة الفقير شرط لشرف المجتمع فما لم تكن موجودة كان المجتمع كله فاقد الشرف و ليس معنى هذا أن نحملهم على الأغنياء و نجلدهم بهم وإنما هناك دولة هي المطالبة بأن تكون دولة بالفعل مسئولة عن مسئوليتها و حارسة لضعفائها و يظلأصحاب المال, لا نفشِّل مشروعاتهم و لا نشعر الفقراء بالانكسار و الذل أمامهم لفضل منهم عليهم و ليس الأغنياء نواباً عن الدولة في تحمل المطالب بل الدولة ترعاهم جميعاً و ترعى مقاييس النجاح لأعمالهم و حقوقهم في مجتمع ينطق بالوئام و التواد و الحب و الرويو العطف و الرفق و الدعاء بين أفراده أجمعين متحابين متآزرين .
تعظيم قدر الجيش

جيش مصر جيش عظيم و قد آن الأوان أن يشهد العصر الذهبي لتقدير الشعب له و علاقة الدولة به بعد أن تعرض طوال عمره للظلم من السطة السياسية التي كانت تظلمه لتفتدي به انكشاف جرمها مرة في حرب 48 و أخرى 56 و ثالثة 67 و تحاكمهوهي تعلم أنها جرائم السلطة و أن الجيش مجني عليه و تدفع به في المهالك وقودا لطموحات شخص ,أو خيانة آخر, أو طغيان ثالث مرة في حرب اليمن ,و أخرى في حرب الخليج و ثالثة لمواجهة المظاهرات و تفسد العلاقة بينه و بين الشعب و تفسد سمعته لقضايا كانحراف المخابرات و ممارسات السجن الحربي و ما كل ذلك إلا انحرافات للسلطة , و اليوم يجب أن نعاهد الله على عصر ذهبي من علاقة الدولة بالجيش و توقيره و حب الشعب له باستقامته و صلاحه و اخلاصه , فهم الذين يعدون النفس لبذل الأرواح و الأعناق و الدماء فداء لعزة الوطن , و نحن من لايغيب عنهم أن الرباط و الجهاد إنما هو ذروةسنام الإسلام وليست كأي منزلة دونه, الجيش ليس من يصنع الخبزو توزع عليه المراوح , بل يجب أن تُشعر كل فرد بأنهالأجلاء المقرون المرابطون .
شراكة الناس في قيادة الدولة

لن يكون همنا أن نضع نحن السياسات المادية فحسب و نهمل الناس و نتركهم على حالهم فذلك قمة الفشل و إنما النجاح أن الناس هذه دولتهم جميعا يشتركون معا جميعاً في وضعها كفاعل لا كمفعول به و ليس أن نعمل نحن ماديا بينما نقصيهم عن الأداء و إنما الذي علينا غدا أن نصنع البشر و هم يصنعون معا جميعا مجد البلاد فالفارق بين أن تعمل الأمة كلها معا يداَ بيد وبين أن تعمل نخبة حاكمة فقط و الناس مجرد متلق أو مشاهد فالفارق شاسع , و صناعة البشر ليست بالتعليم فقط, و إنما بمنظومة كاملة لصنع النموذج البشري الناجح الفاهم المتقن المستقيم يجري تنسيقها و بكل العناية بين مناهج التعليم و الإعلام و دور الثقافة والتربية والأزهر والأوقاف و الهيئاتالنظامية كالجيش و الشرطة و المؤسسات الإجتماعية للأيتام و غيرهم و من يوجهون الفرق الرياضية من مدربين و إداريين في النوادي والساحات و مراكز الشباب و الجهات الاجتماعية ....إلخ , منظومة كل من فيها يعرف دوره و دور باقي المؤسسات ليعرف أي مجد بشري نريد أن نبنيه جميعاً و هذا هو دورنا الأول بكل تأكيد و ثقة به تماماٌ .
بناء الفرد لبناء الوطن

لا شرف لحاكم لا يستهدف تخليص الناس اليوم من انكسارهم و طأطأة رؤوسهم و بحثهم عن ظهر يسندهم يتزلفون إليه و يذلون بين يديه و إلا فإنهم يهانون على أبواب المصالح الحكومية لأنهم لا ظهر لهم و يخافون من أصغر رجل شرطة لا يأمنون ما يفعل بهم و يخافون أي احتكاك مع شخص له معارف أو صلة بذي سلطان و يبتلعون الإهانة لأنهم لا يضمنون النتائج إن ثاروا عليها , فيعيش الإنسان في بلده كسير النفس أسيف البال, متجرعا للذل,متعايشاً معه , و مثل هذا الإنسان لا يمكن أن يبني مجداً, و لا يشعر بانتماء بالمرة فإنه بناء النفس بعد تهدمها شرط لبناء الوطن و لن يبنى منهدم وطنه , لذلك دورنا اليوم أن نوجد الباني قبل أن يوجد البناء, و أن نرد للصانع كرامته و ذاته قبل أن نطالبه بالصنعة , و هذا اليوم دورنا الموثوق "تحرير الناس من خوفهم" . مجتمع بلا خوف و بلا انكسار يجعل الناس شركاء لا أسرى و الأمل في الله ملء مابين السموات و الأرض أن تضيع لحظة الأمل من بين أيدينا .
التحرر من الأسر

لقد كنا جميعاً أسرى و سنظل أسرى مالم نفهم أننا نغتنم اللحظة الفاصلة لتحرير أنفسنا , فنحن أمة حظروا عليها كافة إمكاناتها المتواجدة بالفعل في يدها حتى تظل أسيرة كسيرة . حظروا علينا عمليا استثمارات الطاقة الشمسية و طاقة الرياح و الطاقة النووية و أبحاث مضاعفة إنتاج القمح و حظروا علينا العلاقة بالسودان لزراعتها و حظروا الأبحاث على التربة في سيناء و حظروا زراعة الصحراء الغربية التي تكفي لإطعام الشعب قرنا من الزمان و زراعة سيناء رغم صلاحية تربتها لمياهها الجوفية , بل حظروا على ما تصل إليه مراكز الأبحاث في مصر من روائع أن يطبق على أرض الواقع فرضا للتخلف علينا قسراً , و كل ذلك و غيره إنما هو بأيدينا بالفعل ولا يبقى إلا عزيمة هائلة و طاقة راسخة و بقاء حقيقي في الهدف لا تلوثه علاقات أجنبية و لا مصالح داخلية , إنني أهتف بكم اليوم بأعلى صوت أستطيعه , إن تحرير الوطن من الأسر هو مَهمة الوقت فاحتشدوا لها و لا تفلتوا اللحظة الفاصلة بوهم من هنا أو هناك .
الرؤية الشاملة للدولة

نريد أن نصنع دولة حديثة تبلغ الندَية مع دول العالم الحديث وتدار كدولة حقيقية توقر تخصص كل مؤسسة و تتكامل مؤسساتها في مرونة تواصل رائعة بينها, دولة الضعيف فيها موقَر, موفور الكرامة, له منزلته في عطف الحاكم وقلبه , لا تمن على أحد وهي تلبي احتياجاته بل توقن أن هذا حقهم و أنهم دائماً كرام أعزة لا يتسولون حقوقهم و أنهم بوصلة السياسات فيها دولة عدالة مشهودة و تراحم و ترفق يكون فرحة لتاريخنا , دولة نظيفة لا ترتكب المحرمات ولا تكتوي بالإنحرافات تؤمن بربها و لاتكفر نعمه, ليس فيها أحد منكسر أو خائف , دولة صحة المقاييس بلا عوج , دولة تعرف كيف تحرر الشعب من الأغلال و القيود التي تكبلهم حتى يحسن الإنطلاق حراً متفاعلاً إلى آفاق من المجد السحيق ,نريد حكماً نختاره نحن لا حكماً يختارونه لنا مرة أخرى , نريد عزة نتعامل بها و حكمة تؤمِن ظهورنا ,لا تبعية نعود إليها بخطي كبيرة . " اللهم حقق آمالنا في فضلك العظيم ".

طبعا لا يرقى لانه يكون برنامج مرشح محليات مع احترامى ولا يعدو كونة مقالة او خطبة اصلاحية عامة