مصر موتورز مجتمع السيارات - موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة ahmed_592005 (المشاركة 684799)

تم الكشف عند الكهربائي يا بشمهندس سيد
واكتشفنا ان العيب من البطاريه وتم تغيير البطاريه

:thnkr::thnkr::thnkr:

ولكن المشكله ان في نقره والماتور شغال تفتكر ده ممكن يكون من ايه

لو النقرة ديه تبقى مثالا دايس بنزين وتلاقى هز عبارة عن نقر كده ورا بعد ده فى الاغلب بوجيهات غيرها وهتبقى تمام التمام

ومبروك على حل المشكلة :THUMBS~220:

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

استاذ سيد ايه هيا احتمالات موضوع تسريب الزيت من قدام عند الكارتيره تحت الماكنه ومدي خطورته

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 685215)

استاذ سيد ايه هيا احتمالات موضوع تسريب الزيت من قدام عند الكارتيره تحت الماكنه ومدي خطورته

بص يا استاذ فارق
الزيت ممكن يتسرب من كرتيرة الزيت اللى تحت لاكثر من سبب
منهم
1:روحت غيرت جوان الكرتيرة مثالا والراجل مربطهاش كويس او الجوان مش حلو
2:خدتلك خبطه فى الكرتيرة
3:مسمار فك فى الكرتيرة حتة جوان حصلها حاجه نتيجة عدم التركيب السليم كده يعنى

بالنسبه لخطورته اللى هيحصل كالاتى

1:هتلاقى العربيه بتاكل زيت جامد وكل شوية هتفضل تشترى زيت الكلام ده لو التسريب بسيط
2:لو الكرتيرة فضيت كمية زيت محترمه وحضرتك مشيت بالعربيه ومخدتش بالك من لمبة الزيت يبقى الموتور هيضيع منك فى خلال 5 دقائق او اقل
3:بتاذى البيئة بالزيت اللى بيفضل يترمى فى الشارع ولا قدر الله لو بقعة زيت كبيرة وعربية او متوسيكل عدى عليها يبقى بنسبه كبيرة هيعمل حدثه جامده وممكن يضيع فيها ارواح

وعموما جوان كرتيرة الزيت مش غالى للدرجة اللى هى يعنى اعتقد ب 20 جنية او اقل

ولازم اللى يركبه يكون ميكانيكى عنده ضمير علشان بعد فترة ميفضلش ينقط منك جامد

وعموما طول ما الكرتيرة مش بتنقط زيت يبقى حضرتك سيبها زى ما هى ومتلعبش فيها انما لو بتسرب وحتى لو تسريب بسيط يبقى لازم تعملها فى اقرب وقت

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة sayed2077 (المشاركة 685588)

متشكر لردك يا كبير ومبروك علي عضوية الاشراف تستحقها بجدارة انا هغسل العربيه الاول عشان متغرقه من تحت المشكله ان في تسريب وكل يوم ببص علي الزيت مبينقص لكن فيه تسريب فغسلها وهوديها للميكانيكي يشوف بقي انهي سبب من دول وربنا يسترها ان شاء الله

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 685666)

الله يكرمك يا استاذ فاروق وروح فعلا اغسل الماتور وشوف التسريب منين وان شاء الله تكون حاجه بسيطه

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

سيد باشا سحب العربيه ازاي احسنه يحسن اول لما عملت التاكيهات وغيرت كهربة العربيه السحب كان ممتاااااااااااااز بس لما حصلت المشكله مع الكوندنسر وركبلي القديم مش حاسس بالسحب قل فعلا بسببه ولا ليه علاقه بحاجه تانيه

رد: موسوعة اسئلة سيارة الشعب 128(لو عندك سؤال او مشكلة ادخل حطها وهنجوبك فى اسرع وقت)

اقتباس:

المشاركة الأصلية كتبت بواسطة farouk89 (المشاركة 686123)

لعلمك يا باشا الكوندنسر مالوش علاقه نهائيا بالسحب الا لو بايظ خالص مش هيبقى ليه دعوه كمان بالسحب جامد لانه هيبطل العربيه بس كل شوية

وعموما انا زيك بالظبط ساعات بحس بالعربيه ان سحبها بقى ضعيف مع ان هو هو نفس السحب بس احساسك بالعربيه ساعات بيختلف شوية على حسب مزاججك وتفكيرك وكدا يعنى وعموما ال 128 زى ما انت عارف مش معموله للسحب نهائيا هى معموله علشان تمشى وخلاص هههههههه:k_crying77[1]: