مصر موتورز مجتمع السيارات - موسوعة أعطال اللانسر

صفحة 19 من 34

عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

- - موسوعة أعطال اللانسر (https://www.masrmotors.com/vb/showthread.php?t=5721)

hazem_khidr

18-12-2010 04:36 PM

رد: موسوعة أعطال اللانسر

اقتباس:

المشاركة الأصلية كتبت بواسطة سمسمة (المشاركة 317091)

الحمد لله العربيه دلوقتي كويسه وبتدور الصبح ومش قادره اعرف ايه السبب الاساسيGIFT4U

اوعي تكوني ركنتيها قبلي علشان كده دارت
لو دا حصل انا حبطل سواقه و اروح اقعد جنب ميكانيكي الارصاد بتاعك دا هههههههه

بصي انت لو بتدوسي بنزين الصبح ممكن العربيه تشرق لو ما كنتي ما دوستيش و بقت بتدور كويس يبقي كده مضبوط

hazem_khidr

18-12-2010 04:39 PM

رد: موسوعة أعطال اللانسر

اقتباس:

المشاركة الأصلية كتبت بواسطة mido_60 (المشاركة 312070)

ولله ياسيدي انا الدراع ده جنني خلاص MADDRIVE
انا رحت بيه زي ماقلت للوكيل والمرادي قعد بتاع 4 ايام شغال فل ومره واحده رجع تاني وباظ POLICEE
قلت بس أنا حروح الوكيل وأخليهم يغيروه لأني كتبتهم علي الضمان إنهم قامو بتصليحه علشان أغيره من غير وجع دماغ
بس المفاجأة بقه إن الدراع رجع وظبط تاني قبل حتي ما أتحرك وأروح الضمانMAD

هو كده الدراع بحالات يا ميدو
روح التوكيل و غيره بأي شكل لانك حتي لو جيت تجيبه من بره حتدوخ عليه في الاستعمال
يبقي حاول محاولات قاتله انك تغيرهاتكلم معاهم بالذوق الاول و روح المركز الرئيسي و حاول تكلم مهندس محترم يغيره ليك

سمسمة

20-12-2010 10:46 AM

رد: موسوعة أعطال اللانسر

علي فكره يااستاذ حازم الميكانيكي مصمم علي رايه وبيقول ان الهواء البحري يكون مشبع ببخار الماء ويتكثف علي الاماكن المكشوفه مثل البوبينه والبوجيهات وهذا سبب في عدم دوران المحرك صباحا عندي لاننا في مكان مرتفع في مدينة 6 اكتوبر والسيارة اصبحت كويسه بعد لف شريط لحام علي عنق البوبينه راي حضرتك ايه ياترى

hazem_khidr

20-12-2010 05:19 PM

رد: موسوعة أعطال اللانسر

يا سمسمه باشا انا مش مقتنع بكلامه نهائي
ما كل العربيه بتركن عادي في اي مكان
انا رأيي انك يا اما كنتي بتدوسي بنزين كتير قبل ما تشغلي العربيه و العربيه تشرق
يا اما كانتالبطاريه تعبانه شويه
لان البوجيهات مش بيصل هلا بخار الماء لانها مثبته في الموتور
و الموبينه لو دخلت فيها مياه العربيه مش حتدور حتي لو لبكره الصبح
و كذلك الاسبراتير.

mahermina2000

20-12-2010 11:44 PM

رد: موسوعة أعطال اللانسر

اقتباس:

المشاركة الأصلية كتبت بواسطة Nissan (المشاركة 26553)

ههههههههههههه
أكيد أتمنى إن عربيك و عربيات كل الاعضاء تكون تمام التمام بس اعطال السيارات شىء وارد و تبادل الخبرات هيفيد الاعضاء كلهم
انا فاهم قصدك يا شريف باشا
ربنا يباركلك فيها و ماتعطلش
هههههههههههه

و شكرا على الرد و المتابعة

مشكوووووووووووووووووووووو ووووووووور

emad1980

23-12-2010 03:24 PM

رد: موسوعة أعطال اللانسر

انا معايا لانسر كريستالة 98
من كام يوم مؤشر البنزين نزل مرة واحدة و لما بطلت و دورت رجع تانى
بس بقا بيطلع و ينزل بشكل غير منتظم يعنى مثلا يكون ثابت و بعد شوية ينزل حوالى 3 علامات
وبعد شوية وانا ماشى القيه طلع تانى بمقدار 3 علامات برده
المهم روحت لكهربائى عمل فحص لفيش الكهرباء و غيرنا عوامة البنزين و برده فضل الوضع كده - روحت لواحد اسمه الليثى فى الوكالة بتاع عدادات قالى هصلاحلك العوامة القديمة عشان اصلية و فعلا عمل اصلاح فيها و فضل نفس العيب
ارجو الافادة من اهل الخبرة و المهندس نيسان

hazem_khidr

25-12-2010 04:10 PM

رد: موسوعة أعطال اللانسر

لو بينزل ساعه ما انت بتقرص علي الموتور و بيرجع تاني لوضعه يبقي كده طبيعي
و انت مكنتش بتاخد بالك الا لما المؤشر عطل و بقيت بتراقبه
اما لو مش بتقرص و بينزل و يطلع لوحده يبقي كده امبير البنزين باظ و محتاج طقم عدادات جديد

الساعة الآن 05:56 AM.

صفحة 19 من 34

عرض 7 مشاركات من هذا الموضوع لكل صفحة