مصر موتورز مجتمع السيارات - عيوب و مميزات الفيرنا ال 1600cc

مصر موتورز مجتمع السيارات (https://www.masrmotors.com/vb/index.php)

- Hyundai Accent - فيرنا الجيل 2 (اهم الموضوعات) (https://www.masrmotors.com/vb/forumdisplay.php?f=132)

- - عيوب و مميزات الفيرنا ال 1600cc (https://www.masrmotors.com/vb/showthread.php?t=4084)

رد: فيرنا 1600cc

لا كده من غير تكييف و برضو انا بقولك المتوسط يعنى انا ليا واحد صحبى بيعمل 240 داخل البلد من غير تكييف لان رجله حنينه قوى على البنزين

و ده طبعا استهلاك طبيعى بالمقارنه بلانوس ال1500 8 صباب بتعمل نفس المعدل بالظبط

رد: فيرنا 1600cc

اقتباس:

المشاركة الأصلية كتبت بواسطة AHMEDCAR (المشاركة 15264)

سياره ممتازه

قطع غيار متوفره و رخيصه +موتور قوى جدا مالوش اعطال مميزه

سلبيات

ثبات سيى بعد ال120 +القفيل ممكن تلاقى فيه عيوب بسيطه و بيتم علاجها فى صيانه الالف الاولى

السيارة سيئة للغاية وثباتها سيء جدا وعيوب التقفيل فيها كتير كفاية ان مفيهاش abs وطنابيرها مصري وقواعد موتورها مصري والعفشة اناشفة الغير مريحة يبقي ازاي عربية ممتازة لو ممتازة لازم سعرها ميزدش عن 50 الف ازيد من كدة كتير عليها

رد: فيرنا 1600cc

اقتباس:

المشاركة الأصلية كتبت بواسطة drift (المشاركة 48053)

طيب ايه الافضل منها ياباشا نورنا ولا انت داخل تهاجم و خلاص بينلنا انهى سياره افضل منها و نتناقش

رد: فيرنا 1600cc

اقتباس:

المشاركة الأصلية كتبت بواسطة Ahmed Anwer (المشاركة 47208)

بص الفيرنا فيها ثلاث ميزات هامة جدا عن اللانوس

* موتور قوي ،،، و في نفس الوقت نفس استهلاك البنزين

* تكييف قوي ،

* عفشة بتستحمل

و دوول في وجهة نظري اهم ثلاث ميزات في عربية اقتصادية

و اللاانوس فيها ميزتين

* أن صالونها اوسع شوية

* صوت موتورها أهدي

بصراحة ما بين الاتنين أنا اختار الفيرنا

و طبعا الاتوماتيك احسن من المانيوال

بس هات بقه نيو اكسنت اتوماتيك او فيرنا اتوماتيك

عشان موتورها يكون قوي ميتخنقشي بالاتوماتيك

انا من راي الانوس لان لو بتحب السرعة هتعمل اية بموتور الفيرنا القوي علي انها مش ثابتة يبقي الموتور ملوش لازمة وموتور الفيرنا كتير اوي علي البودي بتاعها انا بفضل الانوس لانها ثابتة لان الثبات افضل من القوة لان العربية وهي ماشية 160 محتاجة ثبات مش قوة

رد: فيرنا 1600cc

اقتباس:

المشاركة الأصلية كتبت بواسطة AHMEDCAR (المشاركة 48055)

طيب ايه الافضل منها ياباشا نورنا ولا انت داخل تهاجم و خلاص بينلنا انهى سياره افضل منها و نتناقش

انا واللة انا مش بهاجم ياستاذ احمد انا بقول راي لان فعلا المفروض تكون الفيرنا ب50 الف لان في عربيات صيني احسن منها زي byd والجيلي mk والجيلي ck2 والاسبرانزا a516 رغم مشاكلها لكن مشاكلها مش اكتر من الفيرنا

رد: فيرنا 1600cc

اقتباس:

المشاركة الأصلية كتبت بواسطة drift (المشاركة 48056)

الموتور القوي مش عشان تقفل بيه العداد

الموتور القوي عشان العربية تحس فيها بمتعة القيادة و انها عربية حية نشيطة مش بطة مريضة

و ده اللي يهمك جوه المدينة ،،

تكون اول واحد تطلع في الاشارة ، ترمي بوزك بسرعة ، تخترق الصفوف برشاقة ، التكييف ميأثرشي اوي علي العربية

بص الموقع الكندي ده بيقول ايه علي النقطة دي في الفيرنا 1600 ،،

Responsive at lower speeds

The sedan’s 1.6 litre four cylinder engine delivers 104 horsepower at 5,800 rpm and 106 ft lb of torque at 3,000 rpm - sufficient power for a car that weighs only 1066 kg (2350 lb.). That’s comparable with the Kia Rio’s 1.5 litre engine which offers 104 horsepower and the Toyota Echo’s 1.5 litre engine with 108 horsepower, but where the Accent shines is in its torque figures: while the Rio develops maximum torque at 4700 rpm and the Echo at 4200 rpm, the Accent offers maximum torque at just 3000 rpm. To the driver, that means a more responsive-feeling engine, particularly around town and at sub-highway speeds. The Accent is lively off the line and zips in and out of traffic passing slower cars with ease

http://www.canadiandriver.com/2002/1...t-gl-sedan.htm

و برده في نفس الوقت لو قلبك جامد و من قبيل الروشنه تقفل العداد و تجيب المائتان كيلو

فقط للمرح طبعا

لأن العربيات دي في الفئة دي مجرد وسيلة مواصلات رخيصة من النقطة أ للنقطة ب

واللانوس مش ثابته و فراملها أضعف من الفيرنا

رد: فيرنا 1600cc

اقتباس:

المشاركة الأصلية كتبت بواسطة Ahmed Anwer (المشاركة 48065)

أنا اول مرة أعرف انهم كانوا حاطين محرك ألفا 2 الــ1600 في اكسنت 2003 ... اللي كنت اعرفه انهم كانوا حاطين موتور الـ1500 اللي موجود دلوقتي في الفيفا ... شكراً عالمعلومة

بالنسبة للفيرنا فهي عربية ممتازة و الحمد لله ماشي بيها 21 ألف كم بدون مشاكل

كنت أتكلمت قبل كدا هنا عن التكييف و انه مش بيبرد بسرعة و كدا ... لكن عملت زي ما الأستاذ أحمد قاللي و جربت فعلاً اشغله لما تكون العربية في الظل و أشوف الفرق و فعلاً طلع الفرق كبييير جداً ... لما تكون في الظل بشغل المكيف على 1 فقط لا أكتر. لكن لو في الشمس الموضوع يحسسك ان حصل مشكلة في التكييف ... و ربنا يرحمنا الصيف دا هيكون نار

شكراً