رد: السرعه و التسارع انا وصلت لاختراع مذهل
 

و عليكم السلام ورحمه الله و بركاته
انا يا جماعه متشكر جدا على اهتمامكم بالاختراع
انا لسه مخلص النهارده فى صباح يوم الخميس اللى هو 5 مارس بس انا تعبان جدا لانى كان عندى عمل طقم شنبر و بعد كده تطبيق الاختراع
و الحمد لله انا خلصت بس انا دلوقتى فى مرحله مشاهده النتائج و تصويرها
و غدا حنبتدى بتصوير كل مرحله على حدى
1-مرحله السياره مفوله بنزين 80 لاخر نقطه كل التانك بنزين 80 و نشوف سرعه العربيه و تجميعها على البنزين ده و حساب استهلاك العربيه من البنزين و طلوع العربيه على الغيار التانى و طلوع العربيه على الغيار التالت و مدى تاثير التكيف على الطلعات و المشى على الغيار الخامس سلانسيه و مدى تاثير التكيف على الغيار
2- مرحله التانيه تفويل بنزين 92 بعد تفرغ بنزين 80 و نشوف مرحله التسارع و المشى 100 كيلو لحساب استهلاك العربيه للبنزين




مرحله التصوير لغايه يوم الربعاء
كنت عايز حد يعرفنى ازاى انزل الفيديو على الموقع علشان معنديش فكره فى الجزئيه دى و لو سمحتم اكتبولى بالتفصيل و وضوح علشان يبقى سهل عليا تنفيذه و شكرا لكم

رد: السرعه و التسارع انا وصلت لاختراع مذهل
 

رد: السرعه و التسارع انا وصلت لاختراع مذهل
 

رد: السرعه و التسارع انا وصلت لاختراع مذهل
 

رد: السرعه و التسارع انا وصلت لاختراع مذهل
 

السلام عليكم

ربنا يكرمك فى اختراعك و يوفق فيه

انا مع الناس ال بتقول انك تسجل اختراعك عشان تحفظ حقك فى طالما بذلت مجهود و بلاش نعمل زى العرب زمان كانوا يشتغلوا و يعملوا نظريات عظيمه و للاسف تسجل بأسم واحد من الغرب و فى الاخر يرجوا يقولوا علينا متخلفين و شبه الحيوانات لا تنتج و تنتظر اليأكلها و يعالجها ويعملها كل حاجه و هى عاجزه.
ptmnlo123per111

فعشان كده انا بترجاك ان تسجل اختراعك على الاقل يكون فى مرجوع مادى ان تبيعه لاحد الشركات العالميه بدل ميتسرق.

لو هترفع فيديوهات تكون بس نتايج و لا تذكر من قريب و لا بعيد عن اى حاجه عن طريقه الطبخه.

ربنا يكرمك:waving:

رد: السرعه و التسارع انا وصلت لاختراع مذهل
 

السلامو عليكو
النهارده خلصت اول كليب التجربه ببنزين 80 من اول نقطه الى اخر نقطه فى التانك انا صورت كل حاجه مده التصوير ساعتين الا ربع
المشاهدات كالتالى (طول الوقت التكييف شغال على درجه الرابعه يعنى استهلاك البنزين ده مع تشغيل التكييف)
1- العربيه قطعت 109.7 كيلو متر و استهلكت بنزين 8.7 لتر يعنىلكل 100 كيلو تستهلك 8 لتر و بطريقه اخرى كل 10 لتر بنزين 80 تقطع مسافه 127 كيلو متر و بطريقه اخرى الصفيحه 20 لتر تقطع مسافه 254 كيلو متر السرعه كانت مابين 90 و 100 كيلو فى الساعه المكان طريق رشيد الدولى
2- العربيه سجلت من زيرو الى 100 فى 12 ثانيه فى بنزين 80
3- المعروف ان بنزين 80 انه بنزين ميت و مش بتاع تسارع لكن الحمد لله البنزين كفائته اتحسنت كتير و العربيه مفيهاش اى نتشه او تقطيعه او تسقيف و كل ده باستخدام بوجيهات قديمه مستهلكه هى موجوده فى العربيه من سنه محبتش اغيرها و قولت اجرب بيها
4- الكاوتش الموجود مقاسه 195 \60 و المقاس الطبيعى بتعها 185\65 يعنى فى فرق 1 سم فى كل فرده و المعروف ان الكاوتش لما عرضه بيزيد بيزيد استهلاك البنزين و المعروف ان 1 سم يخر من سرعه العربيه 6,5 كيلومتر فى نهايه العداد و رغم كدا العربيه محققه ببنزين 80 سرعه كويسه 12 ثانيه من 0 \100


علما بان البى ام دابليو اتوماتيك 1.6 سى سى بتجيب من 0 \100 فى 11.9 ثانيه 122 حصان تستخدم بنزين 92

النوبيرا 106 حصان 1600 سى سى


ممكن نتذكر مع بعض ان الباسات من 0 \100 فى 12.4 ثانيه والجيتا من 0\100 12,2 ثانيه و مش عايزين ننسى ان الباسات لازم و ضرورى انها تحط بنزين 95 و مينفعش تمشى باقل منه و اصحاب العربيه دى عارفين كده كويس و ممكن تسالو الوكيل او تشفو الكتالوج بتعها
5- العربيه ماشيه على الغيار الخامس على سرعه 25 كيلو و مفيش اى تقطيع او نتشه و التكييف شغال
6- العربيه طلعت على الغيار التانى بالدبرياش فقط من غير مندوس على البنزين و التكييف شغال بدون تقطيع او تسقيف

كله متصور يا جماعه
غدا ان شاء الله حنحاول تفضيه التانك علشان نحط بنزين 92 لانه حيفرق كتير على السرعه و الاستهلاك فرق الكبيييييييييييييييير و انتم عارفين ان الكل بيشتكى من بنزين 80 و هو مينفعش تعمل به حاجه انا حبيت ابتدى بى لان عند اثبات جداره اى شىء لازم تبتدى باقل مستوى


حد يا جماعه يساعدنى و يقول انزل ازاى الفيديو لو حد موجود فى اسكندريه ممكن نشوفه و اجيب الكليبات و هو ينزل على الموقع بعد اذنكم يا جماعه يا ريت حد يتصل و نشوف ممكن نقبله فين


و دلوقتى استاذن و امشى سلام مؤقت

رد: السرعه و التسارع انا وصلت لاختراع مذهل
 

متابع وفى انتظار الفيديو