مصر موتورز مجتمع السيارات - حكايتى مع السيارات فى العراق !

يا سلام يا ولاد ! دا الروح حلوه حتى لو كانت الحياه موش حلوه ptmnlo123per122 ذهبت للصاله اللى
حنركب منها الطياره وعادة الاماكن دى بتكون منظمه و هاديه و لكنى فوجئت بالهرج و المرج ألعن من محطة

مصر أو سوق ستوته ( سوق قديم بالمنصوره ) ! أتارى الحرب أياميها كانت على ودنه و موش ماشيه صح مع

العراقيين فكانت ناس كتير بتسافر علشان تهرب أو تخلع بعمرها على الآقل و أنا قال ايه طالع أجازه و راجع تانى !

المهم عندما تم النداء على طائرة القاهره و كانت ح تنزل الآردن الآول لقيت ألاف بتدافع على باب الخروج !

يعنى غير ممكن بالمنطق لو كل الناس دى ركبت الطيارة ان الطياره دى تطير ! دى ممكن تفطس و تقع على

الآرض و هى واقفه فى مكانها ! المهم فهمت بعد فتره وجيزه ان لا التذاكر و لا المواعيد لها أى أهميه !

و الجدعنه و الشطاره اللى يعرف يزاحم و يعدى من البوابه هوه اللى ح يركب الطياره ! ptmnlo123per144 توكلت على الله

و قمت قافز قفزه بارعه وسط الزحمه و ناضلت نضال الآبطال ( و لا زى نضال طابور العيش ) و وصلت للبوابه

و عديت بقدرة لا اله الا الله ! و صعدت للطائره و دخلت من الباب الآمامى و فوجئت بأن الطياره مرصوصه بنى

آدمين و كانت من النوع الضخم بوينج 747 ! لقيت الناس قاعدين زى ما يكون عزاء شخصيه كبيره فى عمر

مكرم ! وجدت مكان فى أول الصف من على اليمين بجوار الممر و كان بجانبى 2 أميريكان ! و ظلت الطائره

تملآ ناس و قفلوا الآبواب و استعدت للاقلاع ! فجأه لقيت دوشه من خلفى و زعيق و خناقه ! ولقيت المضيفين

جارين واحد صعيدى ( طبعا و هو بالزى الرسمى للصعيد ) والناس اللى حولى بما فيهم أنا مستغربين فيه

ايه ؟ و فجأه جاء الصعيدى أمامى على ممر الطوارىء و قام جالس على الآرض و قالهم على الطلاق بالتلاته

مانا متحرك ! طبعا أمة لا اله الا الله ضحكت على المنظر خاصة الخوجات اللى بجانبى ! فسألت مضيف أردنى

هوه فيه ايه ياعم ! أتارى بيقعدوا الراجل و وصلوا لآخر الطياره و مالقوش مكان له فقالوا له تعالى الى الآمام

سنجلسك بالدرجه الآولى ! ( لكنه بالذكاء الصعيدى الفطرى فهم انه بيسحبوه للآمام علشان ينزلوه أو يحدفوه

من الطياره ! قام قاعد على الآرض والصعيدى الآصل طلع ! ptmnlo123per111 طبعآ أنا لما سمعت الكلام

ده أخدتنى الشهامه و ازاى يا جدع انت و هو تضحكوا على سبع السباع وقمت من مكانى و قلت له تعالى

يا حاج اجلس مطرحى و شديته و قعدته بمطرحى بكل شهامه ! ثم سألت المضيفين بكل تواضع وطيبة قلب

( هى الدرجه الآولى منين !!!!!!!!!!!! ptmnlo123per154ptmnlo123p er154ptmnlo123per154 )

نزلنا الآردن فجرآ ترانزيت ثم وصلنا فوق القاهره الساعه 6 صباحا و أول لما شوفت القاهره لم أشعر بنفسى

الا و أنا أبكى بكاء مريرآ ( ماعرفش ليه ) و الله حصل ! ptmnlo123per144 و غدا نكمل علشان الدموع فى عينى دلوقت !

Dr. Bolbolan ptmnlo123per1127