مصر موتورز مجتمع السيارات - سيراتو سياره الحوادث الاولي في مصر.

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - سيراتو سياره الحوادث الاولي في مصر. (https://www.masrmotors.com/vb/showthread.php?t=46266)

رد: سيراتو سياره الحوادث الاولي في مصر.

اقتباس:

المشاركة الأصلية كتبت بواسطة fineart607 (المشاركة 482303)

الى عنده دليل منطقى مدعم بالصور ينشره وبلاش كلام بدون دليل لان الشعب المصرى يعشق الكلام والجدال :014FDA~117::017165~155:

بسم الله الرحمن الرحيم

ازيكم كلكم بلا استثناء دي اول مشاركه ليا في المنتدي مع اني عضو فيه من سنه وفدني كتير لما جيت اشتري عربية بس ماكانش عندي حاجه افيد بيها لسه.
دلوقتي وبعد سنه مع الكيا سيراتو الكامله سعودي أقدر ان شاء الله افيدكم واشارك معاكم بخبرتي المتواضعة.
عشان نقدر نحكم علي عربيه او نقارن بين كذا عربية لازم نثبت العوامل المؤثرة في المقارنه زي الطريق وحالته, اللي سايق و خبرته ,يعني المقارنات السابقه مش دقيقه لانها مبنية علي خبرات مختلفة لاشخاص مختلفة في ظروف مختلفة.
بالنسبة لموضوع الثبات في السيراتو انا معايا المواصفه اللي تحت الهاي لاين جنط .17 العربية علي اي طريق محترم ملهاش حل بتوصل ل 180 وهي ثابته جدا زي طريق مصر الاسكندرية الصحراوي وده طريق مطابق للمواصفات العالميه بجد بتحس بأن الجنط ال 17 نعمه.
الثبات علي الدائري بالنسبه لحاله الطريق ومطبات الهوا العربية تمام لغاية 140 : 150 بردو ثباتها ممتاز بالنسبة لحالة الطريق.
ملحوظه الجنط ال 17نعمه علي الطرق المحترمه ونقمه علي الطرق المكسره او الخشنه او اللي فيها مطبات هواء لانه بيرفع تأثير العوامل دي علي ثبات العربية. بس اللي بيسافر كتير افضل له ال 17.
نسبة كبيره من الحوادث سببها اللي سايق وبما ان العربيه سحبها قوي والاتوماتيك فيها تجميعها سريع فبتغري اللي سايق انه يطير مع طرق ضايعه وحفر و مفاجأت فطبيعي ان الحوادث تبقي قاتله حتي ماسكة الدريكسيون ليها دور في الثبات نسبه كبيره مننا بيسوق بايد واحد و يمسك الدريكسيون بتراخي ودي كارثه.
تفتكروا ليه الطرق بتاعتنا السريعه اقصي سرعه 90 ؟؟؟؟؟
لان الطرق ما تحتملش اكتر من كده حالتها وانحناءتها مع السرعات اللي اعلي من كده بتقلل من تحكمنا في العربية في الظروف العاديه و مفيش تحكم في الظروف الخاصه او في حاله الحوادث لا قدر الله.
لكن العربية بصفه عامة ممتازه بالنسبه لسعرها و شكلها وامكانيتها.
معلش طولت عليكم وربنا يسترها معانا كلنا.

رد: سيراتو سياره الحوادث الاولي في مصر.

منور يا غالى ...
فعلاً كلامك صح بس ماننكرش إن الصحراوى دلوقتى فيه حتت ممكن يتمشى فيها على 200 (اللى بيسموها طريق حر) ... المشكلة الحقيقية إنك و إنت طاير على 200 تبص تلاقى الطريق فى ثانية رجع مكسر و فيه بقايا تحويلة و تريلا بتقطع الطريق وواحد بنص نقل جاى عكسى ... و ربنا يستر بقى على اللى هيحصل:00020080:

رد: سيراتو سياره الحوادث الاولي في مصر.

اقتباس:

المشاركة الأصلية كتبت بواسطة m.elhasafy (المشاركة 482867)

المنتدي منور بيك يا استاذ محمد
وفعلا الطرق في مصر ما تخلاش من المفاجأت عشان كده السرعه المعقوله تديك فرصه في تدارك الموقف وربنا يحفظ الجميع و يكرمنا بحكومه محترمه تظبط الطرق اللي اتدمرت من عدم الصيانه في كل الجمهورية وفي ارقي احياء كله بقي مليان حفر و نقر وشروخ وكل اللي ينكد علي اللي راكب عربيه واللي ماشي علي رجليه :smileW4:

رد: سيراتو سياره الحوادث الاولي في مصر.

اقتباس:

المشاركة الأصلية كتبت بواسطة medo akef (المشاركة 352859)

بما اني كنت مالك سابق للبومه و الان مالك للسيراتو و اظن دي اول مره اقولها في المنتدي هنا عملتلك انفراد اهوه يا مان اي خدعه:14369D~149:
فأنا شايف الحقيقه ان العربيه جيده جدا و ثباتها جيد لكن بتخف علي السرعات بس مش هقدر احدد لسه عند كام بالظبط لاني لم اتجاوز الالفي كيلو بعد و انا شايف ان ده بسببه علو العربيه عن الارض زياده عن اللزوم كبدي كامل مش علوها عن الارض بس يعني من الاخر دينيماكيه تصميم السياره مش اد كدا عكس البومه كان شكلها من مصادر ثباتها مع ان وزنها خفيف و كمان السيراتو عاليه من الظهر بشكل ملحوظ و ده عيب ايظا لاما ثبات و حك في المطبات لما علو و ظهر خفيف لكن ممكن يتفادو الحجات دي مع الزمن
و تقييمي حتي الان
في ظروف القياده العاديه السيراتو اثبت من البومه بمراحل
في الظروف القاسيه لو العربيه عامت مثلا البومه بتلم نفسها اسرع بردو بسبب ديناميكيه التصميم و العفشه الجيده اما السيراتو البدي بتعها بيكون عاوز يقلب لوحده لانه عالي زياده عن اللزوم
لكن عموما انا العربيه الحقيقه راضي بيها و عجباني الصراحه و مرتاح معاها
اما عن الحوادث الكتير
فزي ما قال الشباب لانها الاكثر شعبيه فهي الاكثر حوادث زيها زي البومه ابل كدا و كمان العربيه دي الناس بتتغر بالشكل و الوزن و الجنط و الموتور و الفرامل كلهم ممتازين يحسسوك انك راكب عربيه ثباتها خرافي لكن في الاصل هو جيد فقد
تقبل تحياتي
وشكرا

مع احترامى لحضرتك علو السياره وارتفاع شنطتها من الاعلى مش بيأثروا على الثبات لان كل ما كبرت الشنطه ثبات العربيه بيزيد لكن بالنسبه لارتفاع العربيه فده مش عيب ( لان الرينو لوجان اعلى منها بمراحل لكن فى الثبات حدث ولا حرج )
نيجى للنقطه المهمه وهى الايرودينامكس المصمم للسياره انا من خبرتى بقول انت الايرودينامكس بتاع السيراتو رهيب فى الطرق الممهده لكن نظام التعلق القاسى وهو التورشن بم ( اللى موجود فى اللوجان والفيكترا والكورسا وغيرها كتير ) نظام التعليق ده بجد ممتاز جدا جدا جدا لكنه مصمم بشكل مختلف فى السيراتو مما جعل ثباتها فى الضايع بسبب جهل شركه كيا ( لانها المفروض انها بتنزل العربيه دى مصر وعارفه ان مصر فيها طرق غير ممهده لنظام التعليق الناشف والقاسى دى )
تعالو بقى نركز على عفشه العربيه وهى ناشفه جدا جدا جدا كيا افتكرت نفسها هتصنع عربيه بثبات البى ام والمرسيدس لكنها تجهل ان عفشه البى ام المرسيدس والاوكتافيا من انعم العربيات لانها تستخدم عفشه هيدروليك وهى غنيه عن التعريف مما تعطى ثبات ملهوش مثيل على الطرق الممهده والغير ممهده

انا اسف على الاطاله انا معايا رينو لوجان وركبت السيراتو كتير وانا عمرى ما عجبتنى خالص
انا من رأى ثبات الرينو افضل بمراحل من السيراتو رغم ارتفاع السياره ولكن تصميم الايرودينامكس للوجان رهيب جدا

بالنسبه لموضوع الحوادث لسبب ان الناس فى مصر افتكرت ان السيراتو زى البى ام فى ثباتها علشان كده بيجروا بيها على طول وسرعات فوق ال 160 /140 واغلب حوادث العربيات المقلوبه ( الله واكبر ) بتبقى بسبب الملفات على السرعات العاليه وبما ان نظام التعليق قاسى جدا جدا مش بيقدر يلم نفسه بسهوله علشان كده العربيه بتتقلب

انا اسف مره اخرى على الاطاله

رد: سيراتو سياره الحوادث الاولي في مصر.

طب لو ركبلها اسبويلر و جنوط 16 او 17 و كاوتش عريض مش هتبقى اثبت ؟

و بعدين ايه اخبار الهاتش باك ؟