رد: هيونداى ماتريكس ..هل فعلا سيارة تستحق الاحترام ؟
 

تقرير وافى وجيد بس لى تحفظ على موضوع الفتيس العربية دى اللى خلانى اجيبها هو الفتيس الاتوماتيك فشكله فريد من نوعه الوحيد اللى شكله زى مقبض او ذراع القيادة للطائرة حاجة فخمة جدا ده علاوة على ان الاتوماتيك بلاشك مريح جدا فى السواقة وخاصة فى الزحمة انا فعلا زى مابتقول كأنك فى البيت ومسترخى كمان لدرجة انه فى الزحمة انا باسترخى جدا وانا سايق لغاية مااوصل يادوبك رجلى على الفرامل اشيلها واحطها وخلاص والعربية بتمشى لوحدها واذا استدعى ادوس شوية بنزين مايضرش بدل النقل والدبرياج والفيلم الرخم ده وانا مش شايف اى مشكلة فى سحب العربية بالاتو بالعكس سحبها جامد وافضل من انواع تانية كتير وده عن تجربة ومقارنة وفعلا باحس بقوة الموتور من سحبه ومن صوته حاجة كدة زى مواتير الجيب بس طبعا على اقل يعنى ممكن تقول فيها نفس الروح وعلوها خلانى لو نزلت منها لازم اركب 4*4 هذا اقل واجب بس فعلا انا باعتبر الماتريكس ثورة فى عالم السيارات غيرت مفاهيم كثيرة ومعتقدات قديمة لمستخدمى السيارات حاجة كدة زى اللى عمله حميد الشاعرى فى عالم الغناء

رد: هيونداى ماتريكس ..هل فعلا سيارة تستحق الاحترام ؟
 

من الطبيعي ان يكون تسارع الفتيس الاوتوماتك العادي اقل من تسارع الفتيس المانيوال ومعروف ان الفتيس الأوتوماتك التقليدي بيقلل قوة الموتور شوية عن الفتيس المانيوال وده في اي موديل مش الماتركس بس.

المشكلة دي اشتغلوا عليها من فترة وبدأت شركات السيارات تتبني تكنولوجيا جيدة ويعملوا تطوير في الفتيس الاوتوماتك وبدأو يستخدموا تقنية الفتيس ستبترونك(steptronic) زي اللي نازل في الكارنز وتقريباً تغلبوا علي العيب بتاع التسارع في الفتيس الأوتوماتك مع تقنية الفتيس تبترونك (Tiptronic) اللي بينزل في البورش خمس سرعات وقضوا عليه تماماً مع تقنية تبترونك اس (Tiptronic S) اللي خلت تسارع الفتيس الأوتوماتك افضل من المانيوال وبينزل في البورش 911 تربو ست وسبع سرعات وعلى فكرة دفع رباعي.

يبقة احنا متفقين ان تسارع الأوتوماتك اقل من المانيوال في الماتركس وده فعلاً عيب
بس تعاله نبص على المميزة الكبيرة اللي بيتمتع بيها سائق الأوتوماتك سواء ماتركس ولا غيرها.
الراحة الكبيرة في الزحمة المرورية (وطبعاً غنية عن التعريف في مصر) واكيد وانا رايح الشغل ( مش رايح سباق) مش محتاج تسارع كبير بين الأشارات والزحمة كل يوم او محتاج تسارع من صفر ل 100 في 8 ثواني وانا واخد العيال بفسحهم يوم اجازة.

يبقه عدم الأقتناع بالماتركس الأوتوماتك صحيح وفي محله لو انا عايز عربية اخش بيها سبق وهنا لازم انصح اللي بيسألني ان يبعد عنها ويجيب بورش.

بس اللي عايز عربية مريحة في قيادتها( مع التحفظ شوية علي نشفية العفشة) وتشيل عائلة واولاد وتسافر وتتفسح ومصارفها معقولة جداً وتروح بيها الشغل وترجع في الزحمة يبقة مفيش احلى من الماتركس الأوتوماتك.

ويكفيها شرافاً ان الماتركس بشكل عام وفتسها الاوتوماتك لم يظهر منهم اي عيوب صناعة او عيوب استهلاك منذ ظهورها في اوروبا في عام 2001 وحتى الأن.

اسف على الآطالة
اخوك بدر صلاح
ماتركس اوتو 2009

رد: هيونداى ماتريكس ..هل فعلا سيارة تستحق الاحترام ؟
 

عايز بقي اسئل كل اصحاب الماتريكس الماتركساوية يعني عايز اسئلهم السؤال اللي العضو ahmedsherif1990 سئله في موضوعه
هل فعلا الماتريكس سيارة تستحق الاحتراام؟؟

رد: هيونداى ماتريكس ..هل فعلا سيارة تستحق الاحترام ؟
 

طبعاً تستحق الأحترام الشديد
ايوه تستحق الاحترام الجامد
yes تستحق احترام اخر حاجة

رد: هيونداى ماتريكس ..هل فعلا سيارة تستحق الاحترام ؟
 

شكرا جزيلا و شكرا و شكرا وشكرا ROSE4U