مصر موتورز مجتمع السيارات - أي مشكلة في السيارات المتسوبيشى Mitsubishi ضعها هنا وسوف نساعدك علي حلها ان شاء الله

مصر موتورز مجتمع السيارات (https://www.masrmotors.com/vb/index.php)

- متسوبيشى Mitsubishi (https://www.masrmotors.com/vb/forumdisplay.php?f=29)

رد: أي مشكلة في السيارات المتسوبيشى Mitsubishi ضعها هنا وسوف نساعدك علي حلها ان شاء الله

انا اشتريت لانسركريستاله 1998 ( جامبو ) 1800CCاوتوماتيك كامله من شهر وقابلنى مشكله مع التكييف لما اشغل التكيف واكون ماشيا ببطئ او مهدى عند مطب والتكيف شغال ال RPM بيفضل يتهز وينزل جامد.. ممكن تبطل منى واذا مبطلتش بتتهز بطريقه غريبه.. لما باجى ازود بنزين بيشتغل طبيعى...
هل ده مشكله فى حساس ال RPM ؟؟
ولا وحده الكنترول ؟؟
ولا التكييف والكمبرسور ؟

أرجو الرد فى اسرع وقت.. شكرا جزيلا مقدما

رد: أي مشكلة في السيارات المتسوبيشى Mitsubishi ضعها هنا وسوف نساعدك علي حلها ان شاء الله

مبدئيا نظف حساس الايدل والبوابة ممكن يكون فيها ترسبات ومحتاجة تتنظف

رد: أي مشكلة في السيارات المتسوبيشى Mitsubishi ضعها هنا وسوف نساعدك علي حلها ان شاء الله

السلام عليكم ..
بشكر جداً أعضاء المنتدى الكرام اللى مبيتأخروش عن المساعدة والرد ..
دلوقتى انا غيرت موتور لكريستالة 99 جبت موتور 1500 ب 2 كامة وفتيس أوتوماتيك ..
المشكلة فى الحاجات القديمة ، يعنى الموتور القديم : فيه الكرنك بيرزع ودا عيب قديم و صباب بايظ ودا اللى خلانى اجيب موتور جديد مع انى كنت ناوى أأجل الموضوع شوية وقدر الله ماشاء فعل ..
دلوقتى الحاجات القديمة يعنى الموتور دا + الفتيس المانيوال + الكربراتير + الاسبراتير ..
الحاجات دى كلها بتتباع بسعر عالى على حدة ، بس انا مش عارف اتصرف فيهم ، والميكانيكى قالى ف الأول هيتصرف فيهم بس لو التاجر مرضيش هيديهوملى ، وبسأله النهاردة قالى التاجر مرضيش ياخدهم ولو هياخدهم يبقى بـ 500 جنيه !!!
فالحاجات دى دلوقتى معايا والمفروض استلم العربية بكرة ان شاء الله ، فاعمل ايه ؟؟؟
مع العلم ان الميكانيكى غير الردياتير بـ 450 جنيه وجاب قعدة فتيس بـ 370 جنيه..
فالمصاريف زادت اوى ، وكنت عامل حسابى ابيع الموتور بحاجاته ودلوقتى فى مشكلة ..
فى سؤالين : - هل فعلاً لازم يتغير الردياتير والقعدة وبالسعر دا؟؟
-أتصرف ازاى فى الحاجات القديمة ؟؟

رد: أي مشكلة في السيارات المتسوبيشى Mitsubishi ضعها هنا وسوف نساعدك علي حلها ان شاء الله

اولا: الاسعار غالية شوية - وطبعا لازم تتغير
ثانيا: اعمل موضوع بقطع الغيار اللي عندك علي مصر موتورز (قطع الغيار السليمة) وان شاء الله الاعضاء اللي محتاجة حاجة - ممكن تشتريها منك

رد: أي مشكلة في السيارات المتسوبيشى Mitsubishi ضعها هنا وسوف نساعدك علي حلها ان شاء الله

اقتباس:

المشاركة الأصلية كتبت بواسطة romeoalmansour (المشاركة 969556)

تمام ، طيب الاسعار المفروض تكون فى حدود كام؟؟