| magd131 |
16-12-2010 01:58 AM |
رد: قرأت لك ( مجموعة من الكتابات و المقالات و القصص القصيرة ) مفتوح للاضافات و المناقشات
اقتباس:
المشاركة الأصلية كتبت بواسطة amrmohamed1975
(المشاركة 311800)
اسم الكتاب : كتاب ملوش اسم
اسم المؤلف : احمد العسيلي <?xml:namespace prefix = o ns = "urn:schemas-microsoft-com<img src=" /><o:p></o:p>
الناشر : دار الشروق <o:p></o:p>
عنوان الفصل : خداع البصر <o:p></o:p>
<o:p></o:p>
مفيش شك ان احنا فعلا كمصريين من اكتر شعوب الارض تدينا ممكن يكون ده فى طبيعة تركيبتنا الاجتماعية التاريخية اصلا بغض النظر عن الاسلام كدين الاغلبية فى مصر دلوقتي .<o:p></o:p>
<o:p></o:p>
مصر على مر تاريخها الطويل كانت دائما امة مهتمة بالدين بل تقدسه فسواء ده كان السبب الوحيد فعلا او كان فيه اسباب اخري للتدين الواضح على المصريين من احوال اقتصادية لطريقة تربية للظرف السياسي للتركيبة الاجتماعية العجيبة لنوع الخطاب الديني او لغيره و غيره فى كل الاحوال تبقي الحقيقة ان فى تدين كتير جدا فى الظاهر المصري .<o:p></o:p>
(( تقول لحد صباح الخير يقولك عليكم السلام )) <o:p></o:p>
(( تقول الرسول يقولوا عليه الصلاة و السلام )) <o:p></o:p>
(( ناس تتخانق يقولوا لا اله الا الله )) <o:p></o:p>
(( ناس تتصالح يقولوا سبحان الله )) <o:p></o:p>
(( تجيب حاجة جديدة ما شاء الله ) )<o:p></o:p>
((تركب الاسانسير تقراء دعاء الركوب ))<o:p></o:p>
(( تروح محل تسمع قرأن تركب تاكسي تسمع قرأن تكلم حد فى التليفون و يحطك على الانتظار تسمع قرأن برضه )) <o:p></o:p>
(( حد يتنرفز يقولوا له صلي على النبي )) و هو يقول (( استغفر الله العظيم )) <o:p></o:p>
<o:p></o:p>
و الجوامع عامرة و عمرو خالد عنده ملايين المريدين و ملايين اكتر بيصلوا التراويح في رمضان و مش برامج دينيا بقي لا ده كان زمان دي محطااااااااات الله الله الله حلو اقوي الكلام ده و لو حد شافنا من بره يقول ده الناس دول كلهم هايروحوا الجنة طابور !!!!!<o:p></o:p>
<o:p></o:p>
المجتمع اللي مليان تدين ده بقي لدرجة انه بيدلدق فى الشارع هو نفس المجتمع اللي البنت بتتعاكس بل و بيتحرش بها على مرأي و مسمع من الناس و محدش بيتكلم حتي يقول عيب ؟؟!!!<o:p></o:p>
<o:p></o:p>
هو نفس المجتمع اللي اغلب سكانه بيروحوا الشغل يعدوا الساعات لحد ما يروحوا مش عشان يشتغلوا يعني هو (( ان الله يحب اذا عمل احدكم عملا ان يتقنه )) ده مش دين برضه و لا ده تفاريح و لا ايه ؟؟!!<o:p></o:p>
<o:p></o:p>
(( تبسمك فى وجه اخيك صدقة )) ده دين برضه و لا بدعة ؟؟!! <o:p></o:p>
<o:p></o:p>
(( رحم الله امرءا سمحا اذا باع و سمحا اذا اشتري )) ده فى الدين و لا مش في الدين في الدين و لا مش فى الدين (( انما بعثت لاتمم مكارم الاخلاق )) بالله عليكم احنا ناس عندنا مكارم اخلاق ؟؟؟؟؟ !!!! <o:p></o:p>
<o:p></o:p>
و لو نزلت الجامع اللي جنب بيتكو تقولهم وطوا صوت الميكروفون ده لا نه عالي و مزعج حتلاقيهم واقفينلك كأنهم بيدفعوا عن الحضارة الاسلامية المنقرضة مع انهم بيدفعوا عن فعل قبيح و دميم و لا له ادني علاقة بالدين الاسلام مفيهوش ميكروفونات و لا سماعات كبيرة و لا اصوات احيانا انكر من اصوات الحمير و فاكرين نفسهم النقشبندي .<o:p></o:p>
<o:p></o:p>
شوف بنتعامل مع الموت ازاي و انت تعرف ان اغلب تدينا ظاهري <o:p></o:p>
شوف العلاقة بين الراجل و مراته عاملة ازاي فى اغلب البيوت المصرية تعرف ان اغلب تدينا ظاهري <o:p></o:p>
شوف اللي بيطلب منك رشوة بيصلي و لا لأ <o:p></o:p>
شوف اللي كروتلك اخر شغلانه عنده زبيبة و لا لأ <o:p></o:p>
شوف كام واحد باعلك حاجة قديمة على انها جديدة <o:p></o:p>
شوف الناس بتكلم بعض ازاي <o:p></o:p>
شوف الناس بتسوق ازاي<o:p></o:p>
شوف الناس بتقتات على سيرة بعض ازاي <o:p></o:p>
شوف كام واحد بيسكت على الظلم <o:p></o:p>
شوف كام واحد بيظلم <o:p></o:p>
شوف كام واحد مبيعملش اللي عليه <o:p></o:p>
شوف كام واحد بيخاف من البني ادمين و مابيخافش من اللي خالقهم <o:p></o:p>
شوف اي حاجة انت عايزها و عد كام واحد من اللي بيعملوا كل ما سبق و اكتر بيصلوا و يصوموا تعرف على طول اننا لم نتعدي قشرة قشرة القشرة بتاعة الدين الواسع السمح الجميل اللي من شأنه اذا فهمناه كما ينبغي يعمل مجتمع مختلف تماما عن اللي احنا فيه ده . <o:p></o:p>
ما ينفعش التدين يبقي ستارة بنخبي وراها وحاشتنا و كذبنا و سلبيتنا و انانيتنا و عدم اهتمامنا ولا بالشغل و لا بالناس و لا بالوطن و لا بالشارع حتي بس شاطرين فى الهتافات و الشعارات و السلام عليكم و رحمة الله و بركاته . <o:p></o:p>
<o:p></o:p>
و عشان انا متعود ان كل واحد بيسمع و بيشوف اللي هو عايزه ارجع كده إقرا الموضوع من الاول حرفا حرفا حتلاقيني عمري ما انتقدت التدين و لا الدين نفسه ابدا انا بنتقد الطريقة الجوفاء الخالية من المعني و القيمة اللي للاسف الواقع بيؤكد انها طريقة اغلبنا فى العبادة .<o:p></o:p>
<o:p></o:p>
وانا ماجبتش سيرة المسيحيين فى الموضوع ده على فكرة مش عشان اقباط مصر كلهم ملائكة و لا حاجة بل على سبيل درء الحساسيات عشان محدش يقولي انت مالك بينا . <o:p></o:p>
بس عموما انا ماكنش قصدي حتي المسلمين انا قصدي اي بني ادام عامل نفسه يعرف ربنا و يعمل حاجات من بره بس يوراي بيها الناس انه يعرف ربنا و تدور وراه تقول اكيد ده ما يعرفش حاجة خالص <o:p></o:p>
الله اعلم و انا ما اعرفش حاجة ابدا بس بيتهيألي كده بيتهيألي ان صحيح الدين كله هدفه عبادة ربنا بس كمان مفيش دين فى تاريخ الارض حتي الاديان اللي البني ادمين عملوها مابيهدفش بعد العبادة على طول و يمكن حتي قبلها انه ينظم المعاملات و يرقي بالاخلاق و يقدس العمل ليعمر الارض . <o:p></o:p>
بـــــــــــــــــــــــس . <o:p></o:p>
|
اولا مشكور علي الموضوع القيم ده وجميل جدا انك تفتح مجال للنقاش في مواضيع هادفه
ثانيا المصرين بحكم طبعهم شعب عاطفي ومتدين بالفطره وفعلا بتلاقي نمازج كتير في مصر بتاخد الدين وجهه ليهم عارف الدوله الوحيده الي بتلاقي الاعلانات بتاعتها واحد بدقن وعلامه الصلاه ضخمه وبيتكلم علي بطانيه ولا موبايل صيني او تلاقي واحد في الشارع ماسك سبحه في ايده وسب الدين في بقه زي اللبانه وتلاقي يوم الجمعه كل واحد ماسك في ايدهع مصليه وبيصلي بره الجامع علي الرغم ان جوه الجامع فاضي طبعا علشان يمشي الاول وتلاقي موظف بياخد رشوه من طوب الارض وبس يسمع صلاه الضهر يسيب شغله ويقوم يصلي وهنروح بعيد ليه عندي في الشغل وقت الصلاه تلاقي ناس بتصلي الضهر او العصر في نص ساعه ويقعد يختم الصلاه في عشر دقايق وطبعا انت عارف ليه
المشكله ان المصريين شعب بيحب الديكور تلاقي ناس واخده الدين وجهه ليهم يبقي المشكله في اخلاقيات الناس واستخدامهم للدين لخدمة اغراضهم وطبعا ده علي اغلب المصريين مش كلهم |
