مصر موتورز مجتمع السيارات - رابطة ملاك ومحبى السفينه فيات 132

مصر موتورز مجتمع السيارات (https://www.masrmotors.com/vb/index.php)

- 124 و 125 و 131 و 132 (https://www.masrmotors.com/vb/forumdisplay.php?f=218)

- - رابطة ملاك ومحبى السفينه فيات 132 (https://www.masrmotors.com/vb/showthread.php?t=80993)

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة ahmed_sadek (المشاركة 739357)

كل سنة وجميع أعضاء الرابطة بخير رمضان جه ورمضان خلص والعيد داخل وكل سنة والجميع طيبين (هشام الجزار والله ليك واحشه يا أخي - وأيمن صاحب الشخصية الجدعه - ومحمد صلاح أحسن شباب طنطا - ومصطفى إن شاء الله نشوفه في المقابلة القادمة - وكار أدماير) وكل الشباب الحلوين بتوع الرابطة - كل سنة وأنتم طيبين .
ليه سؤال لهشام هو الدلفاك اللي أجيبه لزوجته كام 20-50 وله 15-50
وسؤال تاني أنا عندي رشح مياه خفيف بعد كوعه الريدادتير اللي داخله على الماتور من تحت هل ممكن ألصقها بأي صمغ وله إيه
وأحب أعرفكم الشغل اللي عملته في العربية :
1- مليت التيل الخلفي الزوج 70 جنيه .
2- غيرت جوان غطا الهيد اللي تحت غطا التاكيهات من ناحية الفرن بتاع الشكمان 25 جنيه .
3- كان ترشيح الزيت اللي تحت في العربية بسبب إن ماكنة السرعة مش مربوطة فكانت بترشح زيت الميكانيكي ربطها كويس .
4- جوان الكارونه الخلفي كان فيه تسريب بسيط الميكانيكي حط سيلكون حراري في مكان التسريب وقال بلاش نغير الجوان مش مستاهله .
والمصنعية كانت 80 جنيه .
5- ضبط تاكيهات بعد تغيير جوان الهيد اللي تحت غطا التاكهيات 30 جنيه .
طبعاً أنا تعبت جداً من كتر الفلوس اللي بتدفع والماكنة خفيفة زي ما هيه والبوجيه التالث بينقر زيت ديماً يعني أركبها وأروح حلوان وأرجع إلقيها قطع . وبفكر أحط دلفاك وعلبة إبرو عشان الموضوع ده يقل .
وشكراً للجميع وكل سنة وأنتم طيبين كمان مرة

ربنا يعينك علي عربيتك وان شاء الله ربنا يكرمك ةتعمر الموتور احسن من كتر المصاريف عليه

رد: رابطة ملاك ومحبى السفينه فيات 132

شكراً لردك كار أدماير وهشام الجزار وأيمن وكل سنة وأنتم جميعاً بخير

رد: رابطة ملاك ومحبى السفينه فيات 132

ahmed_sadek تحياتى وتقديرى لشخصك الكريم

رد: رابطة ملاك ومحبى السفينه فيات 132

Hisham.Elgazzar Bar's Leaks HDC Radiator Stop Leak TabletAbro Radiator Stop Leak , Cooling System Powdergunk Radiator Stop Leak25745691امير نعيم 5شارع زكى التوفيقية القاهرة 0123189843

رد: رابطة ملاك ومحبى السفينه فيات 132

اقتباس:

المشاركة الأصلية كتبت بواسطة shoman011 (المشاركة 739318)

مساء الفل على الاعضاء الكرام وعلى احلى رابطة
معلش انا كنت عايز استفسر على شوية حاجات اولا انا عربيتى 132 2000سى سى 1979 والمفروض افحص يوم 12/8/2012 بس ما روحتش
فكنت عايز اعرف هل انا معايا مهلة بعد انتهاء الرخصة ولحد امتى وكنت عايز اعرف الفحص وتجديد الرخصة سنتيت هيكلفوا كام علشان اعمل حسابى
ومعلش مرة تانية انا العربية فيها شوية برومة من الداخل فى الابواب بس شكلها من برة مقبول فهل ده هيأثر على فى الفحص
وايه المفروض اعملة فى العربية علشان الفحص بس ياريت تقولولى التكاليف علشان والله الايام دى ربنا يعلم بحالى .

برجاء الرد على ضرورى والف شكر لكل الاعضاء

اقتباس:

المشاركة الأصلية كتبت بواسطة aimooo (المشاركة 739353)

ادامك مده شهر بعد انتهاء الرخصه والضريبه لل 1600 سي سي 284 جنيه اعتقد ال 2000 سي سي هتوصل ل 370 في السنه وبالنسبه للفحص المهم يكون لون العربيه بره وجوه واحد وهتجيب ملف فحص ب 45
جنيه سنتين وهتجيب طفايه ب 120 جنيه وهتجيب مثلث وشنطه ب 75 جنيه وتأمين 130 جنيه في السنه وشويت رشاوي 100 جنيه ولو راكب كباس تكييف عندك لازم تشيلو قبل متروح تفحص علشان بصمة الموتور

كده هاتجيب للراجل احباط يا ايمن واحنا فى دخلة عيد
بص يا سيدى
بالنسبة للمهلة ليك 30 يوم من بعد انتهاء الرخصة ولو اتأخرت عن الشهر السماح ده هتدفع غرامة
91 جنية زيادة عن ثمن الضريبة الاصلية اللى هى 274 جنية بس. مش 370.

نيجى بقه للتكالييف
1- 5 جنية ورق عبيط كده مثل
* ملف ورقى.
* تصوير رخصة السيارة وبطاقتك الشخصية
* بيان صرف لوحات.
* حافظة ضريبة والكلام ده.
2- نموذج فحص ب 15 جنية فقط مش 45.
3- تدفع التأمين الاجبارى 113 جنية ولو تاريخ الرخصة خلص هاتدفع 124 جنية وده للسنة الواحدة.
ضريبة العربية اللى هى 274 جنية ولو الشهر السماح خلص هايبقى 274 + 91 = 365 جنية.
4- لو عليك مخالفات ولو معلكش بتدفه 5 جنية بس.

دى المصاريف تقريبا
الترتيب بقة

1- تروح على كشك التصوير وتشترى اول حاجة دول
* ملف ورقى.
* تصوير رخصة السيارة وبطاقتك الشخصية
* بيان صرف لوحات.
* حافظة ضريبة والكلام ده.

وتطلع على شباك التجديد وتديلة الرخصة هيملالك هيديك ورقة تدفع بيهم الضريبة
تروح بقة تدفع الضريبة فى الخزنة وبالمرة تشترى نموذج الفحص ابو 15جنية بس مش 45.
نموذج الفحص يتكون من 3 ورقات هم
* ورقة للطفاية صغيرة كده
* ورقة الفحص الفنى
* ورقة الفحص البيئى

2- تروح تدفع التأميين الاجبارى باسمك انت متنساش.
3- تطلع شهادة المخالفات.
4- تروح تفحص المحروسة باسمك انت ماتنساش.
5- تروح للامور اللى على الشباك وتديله الملف ده وشكرا
6- تستلم الرخصة.
7- تروح تنام لحد المغرب وكفاية عليك كده
:Wkiss5: