المشاركة الأصلية كتبت بواسطة ahmed_sadek (المشاركة 739357)

كل سنة وجميع أعضاء الرابطة بخير رمضان جه ورمضان خلص والعيد داخل وكل سنة والجميع طيبين (هشام الجزار والله ليك واحشه يا أخي - وأيمن صاحب الشخصية الجدعه - ومحمد صلاح أحسن شباب طنطا - ومصطفى إن شاء الله نشوفه في المقابلة القادمة - وكار أدماير) وكل الشباب الحلوين بتوع الرابطة - كل سنة وأنتم طيبين .

ونتا بالصحة والسلامة يا أحمد باشا ويارب تكونوا جميعا بخير

ليه سؤال لهشام هو الدلفاك اللي أجيبه لزوجته كام 20-50 وله 15-50
دلفاك ام اكس 3 تقريبا لزوجته 15- 50
بس مانفعش اوى مع موتور ال125 لأن البساتم مبوظة الدنيا والمكنة بتحرق الزيت بسرعة اوى

وسؤال تاني أنا عندي رشح مياه خفيف بعد كوعه الريدادتير اللي داخله على الماتور من تحت هل ممكن ألصقها بأي صمغ وله إيه

هتفك الكاوتشة وتصنفر الكوعة من الملح وتليس الزور بحته شحم وتربط هتمنع معاك تنقيط الميه ، ويفضل تغيير الكوليه بواحد جديد
لو مانفعش ممكن تستخدم حته سيليكون بدل الشحم

وأحب أعرفكم الشغل اللي عملته في العربية :
1- مليت التيل الخلفي الزوج 70 جنيه . برشام ألمونيا ولا لزق جمالكة ؟

2- غيرت جوان غطا الهيد اللي تحت غطا التاكيهات من ناحية الفرن بتاع الشكمان 25 جنيه .
3- كان ترشيح الزيت اللي تحت في العربية بسبب إن ماكنة السرعة مش مربوطة فكانت بترشح زيت الميكانيكي ربطها كويس .
4- جوان الكارونه الخلفي كان فيه تسريب بسيط الميكانيكي حط سيلكون حراري في مكان التسريب وقال بلاش نغير الجوان مش مستاهله .
والمصنعية كانت 80 جنيه .
5- ضبط تاكيهات بعد تغيير جوان الهيد اللي تحت غطا التاكهيات 30 جنيه .

طبعاً أنا تعبت جداً من كتر الفلوس اللي بتدفع والماكنة خفيفة زي ما هيه والبوجيه التالث بينقر زيت ديماً يعني أركبها وأروح حلوان وأرجع إلقيها قطع

بوجيه سن قصير أو ركب كرسى علشان الزيت مايوصلش بسرعه
. وبفكر أحط دلفاك وعلبة إبرو عشان الموضوع ده يقل .
وشكراً للجميع وكل سنة وأنتم طيبين كمان مرة

المشاركة الأصلية كتبت بواسطة Hisham.Elgazzar (المشاركة 739644)

كل سنة وانتم جميعا بخير أخوانى الكرام وبعودة الأيام

طبعا كانت العربية فيها مشاكل كتير اليومين اللى فاتو وكله بسبب الركنة ، عموما انا لميت الشغل اللى فيها على اد ماقدرت

1- عموما كان فيه تخبيط جامد فى العجل الخلفى ونا ماشى ، ولو فى المطبات العربية بتهبد
الحل: غيرت جوز مساعدين خلفى بولندى إستيراد من صاحبى محمود
النتيجة : العربية ريحت كتير عن الأول والدوشة اللى كانت ورا قلت
2- الكارونة مبوشة من عند البنيون والتاج، لدرجة تسمع الونة وتخبيط مقلق مع المشى
الحل : تغيير الكرونة
النتيجة : بإذن الله مش هغيرها دلوقتى طبعا ، عموما التكلفة ممكن تعدى 1500

3-الردياتير كان مخروم زى المصفاة ، ماشى بجركنين مياه
انزل من البيت افضى جركن ، ولما اجى مروح افضى جركن
الحل: http://ecx.images-amazon.com/images/...500_AA300_.jpg



النتيجة: بعد ماحطيت العلبة دى زودت مياه وقفلت الغطا ودوست بنزين لمدة 10 دقايق لحد ماغليت ، وبعدين زودت ميه تانى علشان نقصت شوية
وبعدين قفلت الردياتير ومشيت ، والحمدلله منعت تسريب المياه تماما

المادة دى ب5 جنيه بس وعاملة زى الفلفل الأسود ( واحد قبل كده اتريق عليا فى المنتدى لما نصحت الناس بيه )
http://www.inventory.com/media/flint...CT0194_v46.JPG