رد: قانون كترماية وكده كفاية
 

المصرى للأسف مالوش كرامة فى أى مكان حتى فى بلده نفسها

بذمتكم لو المتهم الذى لم تثبت ادانته بعد جنسيته اسرائيلى و ليس مصرى
كان واحد بس من اللى فاكرين نفسهم رجالة دول عمل كدة ؟؟؟؟
لا طبعا علشان تانى يوم كانت كترمايا دى هتصبح من الماضى و هتتساوى بالأرض

و هنروح بعيد ليه مهى اسرائيل لسة عاملة كدة فى لبنان من مدة قصيرة خالص يعنى
لكن مصرى ... يبقى ينداس و يضرب حتى الموت و يعدم فى ميدان عام و يعلق عاريا و يمثل بجثته.... حتى لو كان مجرم و قاتل و ثابتة عليه التهمة فيه محكمة و قضاء و سجون .. مش يحصل فيه كدة على ايد شوية همج رعاع متخلفين و قال ايه (مسلمين)

و طبعا منظومة الحكومة الغير (نظيفة) لن تحرك ساكنا و يبقى الوضع على ما هو عليه

لك الله يا مصر
لك الله يا مصر
لك الله يا مصر

و علشان انت مصرى لازم تعانى و تفقد كرامتك بكل المعانى

رد: قانون كترماية وكده كفاية
 

حرام والله المتهم برئ حتى تثبت ادانته
وانا حاسس ان الموضوع فيه تلفيق للمتهم المصرى وطبعا ايدى الاحتلال الاسرائيلى ممكن تكون مش بعيده عن الموضوع ده تخيلوا بقى ده لو واحد اسرائيلى او يهودى عايش فى لبنان وعملوا فيه كده وقسما برب الكعبه لكانت اسرائيل سوت لبنان بالارض

رد: قانون كترماية وكده كفاية
 

امممممم الموضوع معقد شويه يا اخوانا ! أنا طبعآ قرأت عن الكلام ده فور صدوره فى " العربيه " !


وزعلت جدآ واتكدرت جدآ ! ولكن بعد 34 ساعه من النكد ! توصلت ان مافيش فايده ! لآن عملية كرامة

المصرى دى أينعم حكومتنا بتخاذلها الواضح فى مثل هذه الآمور لها نصيب كبير فيما يحدث ! والناس

اللى بتجرى علشان تشتغل أى شغل حتى ولو بلقمتها هيه اللى بتهدر كرامتها ! وأظن رأيتم اعلان هنا

على صفحات مصر موتورز من كام يوم طالبين محاسب ب 1500 ريال والسفر على حسابه و3 شهور

اختبار والنهايه معروفه طبعآ ! ده غير ان فيه آلاف مؤلفه من العاطلين الذين لا يعرفون أى مهنه وبيطلعوا

عاوزين يشتغلوا أى شغله ! ولما بتسوء أحوالهم بيتصرفوا تصرفات غير سويه تصل الى الانتهاك الجسدى !

وأذكر عندما كنت فى العراق من 30 سنه ! كان فيه مقوله " ان الحراميه اللى فى مصر اختفت لآن كلهم سافروا

العراق " وده كان صحيح بنسبه كبيره للآسف ! وبعدين نيجى لتصفية الحسابات ! يعنى فى نفس اليوم تقريبآ حكمت

المحكمه فى القاهره على تنظيم يتبع حسن نصر الله بالمؤبد ( وياريت كان اعدام ) وفى نفس الوقت كان الحريرى

رئيس وزراء لبنان بيزور ريسنا حبيبنا ! و معروف ان الحريرى اتهم حزب الله باغتيال والده !

خلاصة الكلام كما قلت العمليه معقده و متشابكه ! آه برده فيه احتمال ان الشخص ده عمل كده ! وانه اعترف !

و ده ممكن يحصل فى مصر برده ! أمال المذبحه اللى اتقتلت فيها عيلتين فى الصعيد من كام سنه ! اللى قتلهم لينانى !

أخيرآ طبعآ أنا لست مع الهمجيه والآسلوب اللى حصل ! بس اللى حصل حصل ! وح تلاقى من النهارده ناس مستعده

تسافر لبنان وتشتغل أى شغله ان شالله فى كترمايا برده ! ولا تنسوا الناس اللى بتغرق فى الهجره الغير شرعيه وبرده

غيرهم ويمكن اخواتهم ما بتحرمش !

Dr. Bolbolan :waving:

رد: قانون كترماية وكده كفاية
 

بصراحة حاجة تحزن
والله مش عارف يقول ايه
ياتري ده ذنب وربنا كتب له الموته ديه لان كان مش كويس فعلا زي مابيقول اغتصاب بنت قصر من شهرين وده ذنبها
ولا هو مظلم فعلا ؟ بس ربنا مابظلمش يمكن ربنا كتابله الموتة - ديه لان ذنبه كتر واحد عايش في لبنات لاهي بلد شغل ولاهي بلد علم بلد مسخرة في مسخرة ( الله واعلم ياجماعة ده كان عايش بيعمل ايه بعدين ده متهم بقتل علية من 4 أفراد - ربنا عالم إذا كان يستهل كده ولا لاه ) بس الكلام اللي يخصنا هو الحكومة المصرية عملت ايه مع لبنان وبعته جابه الجثة ولا لاه ولسه الناس هتسمع هيفاء ونانسي ولا في مقاطعة
لو مظلم حسابه مع ربه الكريم - ويبقي يابخته ربنا مش هيضيع ذنبه ابدا

ربنا يحسن خاتمتنا أجمعين

رد: قانون كترماية وكده كفاية
 

اولا ياوائل انت ماشفتش الظباط عندهم عارف الشباب الطعم النايتى اللى عندنا بيقفوا على النواصى وهناك مافيش شرطة كله جيش دى نقطة
والله وانا هناك الظباط النجدة قاعدين فى دودج تشارجر اربعة مشغلين الكاسيت باغانى الدبكة باعلى صوت وفاتحيين الاربع شبابيك واللى حاطط رجلة على الكرسى وقاعدج ساقطف يه هم دول الامن
حتى لو هو زى مابيقولوا قتل 4 واغتصب طفلة عندها 15 سنة يتحاكم ولو اثبتت التهمة عليه يتعدم مش الشرطة رايحة تديه للناس بتوع البلد يموته وتاخد الجثة وتمشى ده اسمه تواطئ واضح من الشرطة(الجيش فعليا) وكمان يتصور وتنزل الصور والفنخلى بالنا كل كام يوم حينزل فيديو جديد وحنستمر هكذا وفيح حملة ااعتراض على اللى حصل وارجو من كل مصرى تسجيل اعتراضه وهو اضعف الايمان

www.PetitionOnline.com/nocrimes/petition.html

رد: قانون كترماية وكده كفاية
 

حسبى اللة ونعمة الوكيل
ماهو لو فية كرامة للمصرى فى اى حتة كان عملوا الف حساب لينا حتى لو قتل واغتصب
انا مش بقول انة برئ بس بقول يتحاكم ويتعدم مش يتسحل

رد: قانون كترماية وكده كفاية
 

اسمحلى ابو نورا

انا مش شايف اى صلة ربط بين اللى حصلة وبين كونة مصرى

مع اعتراضى على الهمجية وطريقة موتة - حتى وان كان فعل مذنب -

كما ارى ان مروة الشربينى قتلت لانها مسلمة رحمها الله

وبالتالى الربط بينة وبين مروة الشربينى وبقية شهدائنا ( نحسب كذلك عند الله )

-ان كان فعلا ً مذنب - فأرى انة لا يصح